อรรถกถาเล่มที่ ๑๒ ภาษาบาลีอักษรไทย
 สํ.อ. (สารตฺถ.๒)

                         ๘. นนฺทสุตฺตวณฺณนา
    [๒๔๒] อฏฺเม อาโกฏิตปจฺจาโกฏิตานีติ เอกสฺมึ ปสฺเส ปาณินา วา
มุคฺคเรน วา อาโกฏเนน อาโกฏิตานิ, ปริวตฺเตตฺวา อาโกฏเนน ปจฺจาโกฏิตานิ.
อญฺชิตฺวาติ ๒- อญฺชเนน ปูเรตฺวา. อจฺฉํ ปตฺตนฺติ วิปฺปสนฺนวณฺณํ มตฺติกาปตฺตํ.
กสฺมา ปน เถโร เอวมกาสีติ. สตฺถุ อชฺฌาสยชานนตฺถํ. เอวํ กิรสฺส อโหสิ
"สเจ สตฺถา `โสภติ วต เม อยํ กนิฏฺภาติโก'ติ วกฺขติ, ยาวชีวํ อิมินาวากาเรน
จริสฺสามิ. สเจ เอตฺถ โทสํ ทิสฺสติ, ๓- อิมํ อาการํ ปหาย สงฺการโจฬํ คเหตฺวา
จีวรํ กตฺวา ธาเรนฺโต ปริยนฺตเสนาสเน วสนฺโต จริสฺสามี"ติ. อสฺสสีติ ภวิสฺสสิ.
    อญฺาตุญฺเฉนาติ อภิลกฺขิเตสุ อิสฺสรชนเคเหสุ กฏุกภณฺฑสมฺภารํ สุคนฺธํ
โภชนํ ปริเยสนฺตสฺส อุญฺโฉ าตุญฺโฉ นาม. ฆรปฏิปาฏิยา ปน ทฺวาเร ิเตน
ลทฺธํ มิสฺสกโภชนํ อญฺาตุญฺโฉ นาม. อยมิธ อธิปฺเปโต. กาเมสุ อนเปกฺขินนฺติ
@เชิงอรรถ: ๑ ม. อสนฺนิฏฺาย, ก. อวิสทฺธิตาย. สุ.วิ. ๑/๓๐๓/๒๕๔
@๒ ฉ.ม.,อิ. อญฺเชตฺวาติ        ๓ สี. ทสฺเสติ, ฉ. ทสฺสติ
วตฺถุกามกิเลสกาเมสุ นิรเปกฺขํ. อารญฺโก จาติอาทิ สพฺพํ สมาทานวเสเนว
วุตฺตํ. กาเมสุ จ อนเปกฺโขติ อิทํ สุตฺตํ เทวโลเก อจฺฉราโย ทสฺเสตฺวา
อาคเตน อปรภาเค กถิตํ. อิมสฺส กถิตทิวสโต ปฏฺาย เถโร ฆเฏนฺโต
วายมนฺโต กติปาเหเนว อรหตฺเต ปติฏฺาย สเทวเก โลเก อคฺคทกฺขิเณยฺโย
ชาโต. อฏฺมํ.

             อรรถกถาภาษาบาลีอักษรไทย เล่มที่ ๑๒ หน้า ๒๖๒-๒๖๓.
http://84000.org/tipitaka/atthapali/read_th.php?B=12&A=5789&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=12&A=5789&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=16&i=709
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=16&A=7391
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=16&A=6575
             The Pali Tipitaka in Roman Character :-
http://84000.org/tipitaka/read/roman_read.php?B=16&A=6575
             สารบัญพระไตรปิฎกเล่มที่ ๑๖
http://84000.org/tipitaka/read/?index_16