อรรถกถาเล่มที่ ๑๓ ภาษาบาลีอักษรไทย
 สํ.อ. (สารตฺถ.๓)

                         ๓. ปหานสุตฺตวณฺณนา
    [๒๕๑] ตติเย อจฺเฉจฺฉิ ตณฺหนฺติ สพฺพมฺปิ ตณฺหํ ฉินฺทิ สมุจฺฉินฺทิ.
วิวตฺตยิ สญฺโญชนนฺติ ทสวิธมฺปิ สํโยชนํ ปริวตฺตยิ นิมฺมูลมกาสิ. สมฺมาติ เหตุนา
@เชิงอรรถ: ๑ ฉ. ปสฺสนฺติ        ๒ ม. ผุสนฺโต, ฉ. ปสฺสนฺโต
การเณน. มานาภิสมยาติ มานสฺส ทสฺสนาภิสมยา ปหานาภิสมยา จ. อรหตฺตมคฺโค
หิ กิจฺจวเสน มานํ ปสฺสติ, อยมสฺส ทสฺสนาภิสมโย. เตน ทิฏฺโฐ ปน
โส ตาวเทว ปหียติ ทิฏฺฐวเสน ทิฏฺฐิ สตฺตานํ ชีวิตํ วิย, อยมสฺส ปหานาภิสมโย.
    อนฺตมกาสิ ทุกฺขสฺสาติ เอวํ อรหตฺตมคฺเคน มานสฺส ทิฏฺฐตฺตา จ ปหีนตฺตา
จ เย อิเม "กายพนฺธนสฺส อนฺโต ชีรติ ๑- หริตนฺตํ วา"ติ ๒- เอวํ
วุตฺตอนฺติมมริยาทนฺโต จ, "อนฺตมิทํ ภิกฺขเว ชีวิตานนฺ"ติ ๓- เอวํ วุตฺตลามกนฺโต
จ, "สกฺกาโย เอโก อนฺโต"ติ ๔- เอวํ วุตฺตโกฏฺฐาสนฺโต จ, "เอเสวนฺโต ทุกฺขสฺส
สพฺพปจฺจยสงฺขยา"ติ ๕- เอวํ วุตฺตโกฏนฺโต ๖- จาติ จตฺตาโร อนฺตา, เตสุ สพฺพสฺเสว
วฏฺฏทุกฺขสฺส อทุํ จตุตฺถโกฏิสงฺขาตํ อนฺตมกาสิ, ปริจฺเฉทํ ปริจฺเฉตุมกาสิ, ๗-
อนฺติมสมุสฺสยมตฺตาวเสสํ ทุกฺขมกาสีติ วุตฺตํ โหติ. สมฺปชญฺญํ น ริญฺจตีติ
สมฺปชญฺญํ น ชหติ. สงฺขยํ นูเปตีติ รตฺโต ทุฏฺโฐ มุโฬฺหติ ปญฺญตฺตึ
น อุเปติ, ตํ ปญฺญตฺตํ ปหาย มหาขีณาสโว นาม โหตีติ อตฺโถ. อิมสฺมึ สุตฺเต
สารมฺมณานุสโย กถิโต.

             อรรถกถาภาษาบาลีอักษรไทย เล่มที่ ๑๓ หน้า ๑๓๕-๑๓๖.
http://84000.org/tipitaka/atthapali/read_th.php?B=13&A=2979&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=13&A=2979&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=18&i=363
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=5516
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=5178
             The Pali Tipitaka in Roman Character :-
http://84000.org/tipitaka/read/roman_read.php?B=18&A=5178
             สารบัญพระไตรปิฎกเล่มที่ ๑๘
http://84000.org/tipitaka/read/?index_18