บาลีอรรถกถาเล่มที่ ๑๓

๔. มหกปาฏิหาริยสุตฺตวณฺณนา [๓๔๖] จตุตฺเถ เสสกํ วิสฺสชฺเชถาติ ตสฺส กิร เถเรหิ สทฺธึเยว กํสถาลํ ปมชฺชิตฺวา ปายาสํ วฑฺเฒตฺวา อทํสุ, โส ภุตฺตปายาโส เถเรหิเยว สทฺธึ คนฺตุกาโม จินฺเตสิ "ฆเร ตาว อุปาสิกา เสสกํ วิจาเรติ, อิธ ปนิเม ทาสกมฺมกรา มยา อวุตฺตา น วิจาเรสฺสนฺติ, เอวเมวายํ ปณีตปายาโส นสฺสิสฺสตี"ติ เตสํ อนุชานนฺโต เอวมาห. กุถิตนฺติ กุธิตํ, ^๑- เหฏฺฐา สนฺตตฺตาย วาลิกาย อุปริ อาตเปน จ อติติขิณนฺติ อตฺโถ. อิทํ ปน เตปิฏเก พุทฺธวจเน อสมฺภินฺนปทํ. ปเวลิยมาเนนาติ ปฏิลิยมาเนน. ^๒- สาธุ ขฺวสฺส ภนฺเตติ "ผาสุวิหารํ กริสฺสามิ เนสนฺ"ติ จินฺเตตฺวา เอวมาห. อิทฺธาภิสงฺขารํ อภิสงฺขรีติ อธิฏฺฐานิทฺธึ อกาสิ. เอตฺถ "มนฺทมนฺโท สีตกวาโต วายตุ, อพฺภมณฺฑปํ กตฺวา เทโว เอกเมกํ ผุสายตู"ติ เอวํ นานาปริกมฺมํ "สวาโต เทโว วสฺสตู"ติ เอวํ อธิฏฺฐานํ เอกโตปิ โหติ. "สวาโต เทโว วสฺสตู"ติ เอกโต ปริกมฺมํ, มนฺทมนฺโท สีตกภาโว วาโต วายตุ, อพฺภมณฺฑปํ กตฺวา เทโว เอกเมกํ ผุสายตู"ติ เอวํ นานาอธิฏฺฐานมฺปิ โหติ. วุตฺตนเยเนว นานาปริกมฺมํ นานาธิฏฺฐานํ, เอกโต ปริกมฺมํ เอกโต อธิฏฺฐานมฺปิ โหติเยว. ยถา ตถา กโรนฺตสฺส ปน ปาทกชฺฌานโต วุฏฺฐาย @เชิงอรรถ: ^๑ สี.,ก. กุฏฐิตนฺติ กุถิตํ ^๒ สี. ปฏิลียมาเนน

--------------------------------------------------------------------------------------------- หน้าที่ ๑๕๔.

กตปริกมฺมสฺส ปริกมฺมานนฺตเรน มหคฺคตอธิฏฺฐานจิตฺเตเนว ตํ อิชฺฌติ. โอกาเสสีติ ^๑- วิปฺปกิริ.

อรรถกถาภาษาบาลีอักษรไทย เล่มที่ ๑๓ หน้า ๑๕๓-๑๕๔. http://84000.org/tipitaka/atthapali/read_th.php?B=13&A=3351&modeTY=2&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=13&A=3351&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=554 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=7367 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=7235 The Pali Tipitaka in Roman Character :- http://84000.org/tipitaka/read/roman_read.php?B=18&A=7235 สารบัญพระไตรปิฎกเล่มที่ ๑๘ http://84000.org/tipitaka/read/?index_18