อรรถกถาเล่มที่ ๑๓ ภาษาบาลีอักษรไทย
 สํ.อ. (สารตฺถ.๓)

                           ๓. อโยคุฬวคฺค
                        ๒. อโยคุฬสุตฺตวณฺณนา
    [๘๓๔] ตติยวคฺคสฺส ทุติเย อิมินา จาตุมหาภูติเกนาติ อิมินา จตุมหาภูตมเยน
เอวํ ภาริเกน ครุเกน สมาเนนาปิ. โอมาตีติ ปโหติ ๒- สกฺโกติ, อิทํ
เตปิฏเก พุทฺธวจเน อสมฺภินฺนปทํ. กายมฺปิ จิตฺเต สมาทหตีติ ๓- กายํ คเหตฺวา
จิตฺเต อาโรเปติ, จิตฺตสนฺนิสฺสิตํ กโรติ, จิตฺตคติยา เปเสติ. จิตฺตํ นาม
มหคฺคตจิตฺตํ, จิตฺตคติคมนํ ลหุกํ โหติ. จิตฺตมฺปิ กาเย สมาทหตีติ ๓- จิตฺตํ
คเหตฺวา กาเย อาโรเปติ, กายสนฺนิสฺสิตํ กโรติ, กายคติยา เปเสติ, กาโย นาม
กรชกาโย, กายคติคมนํ ๔- ทนฺธํ โหติ. สุขสญฺญญฺจ ลหุสญฺญญฺจาติ อภิญฺญา
จิตฺตสหชาตสญฺญา. สา หิ สนฺตสุขสมนฺนาคตตฺตา สุขสญฺญา นาม โหติ.
กิเลสทนฺธายิตตฺตสฺส จ อภาวา ลหุสญฺญา นาม.
    อโยคุโฬ ทิวสํ สนฺตตฺโต ๕- ลหุตโร เจว โหตีติ โส หิ ทฺวีหิ ตีหิ ชเนหิ
อุกฺขิปิตฺวา กมฺมารุทฺธเน อุกฺขิตฺโตปิ ๖- ทิวสํ ปจมาโน วิวรานุปวิฏฺเฐน ๗-
เตเชน เจว วาเยน จ วาโยสหคโต จ อุสฺมาสหคโต จ เตโชสหคโต จ หุตฺวา
เอวํ ลหุโก โหติ, ยถา นํ กมฺมาโร มหาสณฺฑาเสน คเหตฺวา เอกโต
สมฺปริวตฺเตติ ๘- อุกฺขิปติ พหิ นีหรติ. เอวํ ปน มุทุ จ โหติ กมฺมนิโย จ, ยถา นํ
@เชิงอรรถ: ๑ ฉ.ม. กถิตา      ๒ ก. อภิชานาตีติ อุสฺสหติ ปโหติ     ๓ ฉ.ม. สโมทหตีติ
@๔ ม. กรชกายคติคมนํ     ๕ สี. ทิวสสนฺตตฺโต           ๖ ฉ.ม. ปกฺขิตฺโตปิ
@๗ ก. จิรานุปฺปจิตฺเตน     ๘ ฉ.ม. เอกโต ปริวตฺเตติ
โส ขณฺฑํ ขณฺฑํ วิจฺฉินฺทติ, กูเฏน หนนฺโต ทีฆจตุรสฺสาทิเภทํ กโรติ. อิมสฺมึ
สุตฺเต วิกุพฺพนิทฺธิ กถิตา.

             อรรถกถาภาษาบาลีอักษรไทย เล่มที่ ๑๓ หน้า ๓๓๙-๓๔๐.
http://84000.org/tipitaka/atthapali/read_th.php?B=13&A=7402&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=13&A=7402&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=19&i=1208
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=19&A=7028
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=19&A=7068
             The Pali Tipitaka in Roman Character :-
http://84000.org/tipitaka/read/roman_read.php?B=19&A=7068
             สารบัญพระไตรปิฎกเล่มที่ ๑๘
http://84000.org/tipitaka/read/?index_19