อรรถกถาเล่มที่ ๑๓ ภาษาบาลีอักษรไทย
 สํ.อ. (สารตฺถ.๓)

                     ๙. ตติยอามกธญฺเปยฺยาลวคฺค
                        ๑. นจฺจคีตสุตฺตวณฺณนา
    [๑๑๕๑] สาสนสฺส อนนุโลมตฺตา วิสูกํ ปฏาณีภูตํ ทสฺสนนฺติ วิสูกทสฺสนํ.
อตฺตนา นจฺจนนจฺจาปนาทิวเสน นจฺจา จ คีตา จ วาทิตา จ อนฺตมโส
@เชิงอรรถ: ๑ สี.,ก. คนฺธชาติกํ
มยูรนจฺจาทิวเสนาปิ ปวตฺตานํ นจฺจาทีนํ วิสูกภูตา ทสฺสนา จาติ นจฺจคีตวาทิต-
วิสูกทสฺสนา. นจฺจาทีนิ หิ อตฺตนา ปโยเชตุํ วา ปเรหิ ปโยชาเปตุํ วา
ปยุตฺตานิ ปสฺสิตุํ วา เนว ภิกฺขูนํ น ภิกฺขุนีนํ วฏฺฏนฺติ.
                       ๒. อุจฺจาสยนสุตฺตวณฺณนา
    [๑๑๕๒] อุจฺจาสยนํ วุจฺจติ ปมาณาติกฺกนฺตํ. มหาสยนํ อกปฺปิยตฺถรณํ,
ตโต ปฏิวิรตาติ อตฺโถ.
                     ๓. ชาตรูปรชตสุตฺตวณฺณนา ๑-
    [๑๑๕๓] ชาตรูปนฺติ สุวณฺณํ. รชตนฺติ กหาปโณ โลหมาสโก ชตุมาสโก
ทารุมาสโกติ เย โวหารํ คจฺฉนฺติ, ตสฺส อุภยสฺสาปิ ปฏิคฺคหณา ปฏิวิรตา,
เนว นํ อุคฺคหนฺติ น อุคฺคณฺหาเปนฺติ, น อุปนิกฺขิตฺตํ สาทิยนฺตีติ อตฺโถ.
                       ๔. อามกธญฺสุตฺตวณฺณนา
    [๑๑๕๔] อามกธญฺปฏิคฺคหณาติ สาลิวีหิยวโคธูมกงฺคุวรกกุทฺรูสกสงฺขาตสฺส
สตฺตวิธสฺสาปิ อามกธญฺสฺส ปฏิคฺคหณา. น เกวลญฺจ เอเตสํ ปฏิคฺคหณเมว,
อามสนมฺปิ ภิกฺขูนํ น วฏฺฏติเยว.
                        ๕. อามกมํสสุตฺตวณฺณนา
    [๑๑๕๕] อามกมํสปฏิคฺคหณาติ เอตฺถ อญฺตฺร อุทฺทิสฺส ๒- อนุญฺาตา.
อามกมํสมจฺฉานํ ปฏิคฺคหณเมว ภิกฺขูนํ น วฏฺฏติ, โน อามสนํ.
                        ๖. กุมาริกสุตฺตวณฺณนา
    [๑๑๕๖] อิตฺถิกุมาริกปฏิคฺคหณาติ เอตฺถ อิตฺถีติ ปุริสนฺตรคตา, อิตรา
กุมาริกา นาม. ตาสํ ปฏิคฺคหณมฺปิ อามสนมฺปิ อกปฺปิยเมว.
@เชิงอรรถ: ๑ ฉ.ม. ชาตรูปสุตฺต...   ๒ ม. โอทิสฺส
                        ๗. ทาสีทาสสุตฺตวณฺณนา
    [๑๑๕๗] ทาสิทาสปฏิคฺคหณาติ เอตฺถ ทาสิทาสวเสเนว เตสํ ปฏิคฺคหณํ
น วฏฺฏติ, "กปฺปิยการกํ ทมฺมิ, อารามิกํ ทมฺมี"ติ เอวํ วุตฺเต ปน วฏฺฏติ.
                       ------------------

             อรรถกถาภาษาบาลีอักษรไทย เล่มที่ ๑๓ หน้า ๓๘๘-๓๙๐.
http://84000.org/tipitaka/atthapali/read_th.php?B=13&A=8448&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=13&A=8448&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=19&i=1776
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=19&A=11043
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=19&A=11360
             The Pali Tipitaka in Roman Character :-
http://84000.org/tipitaka/read/roman_read.php?B=19&A=11360
             สารบัญพระไตรปิฎกเล่มที่ ๑๘
http://84000.org/tipitaka/read/?index_19