อรรถกถาเล่มที่ ๑๕ ภาษาบาลีอักษรไทย
 องฺ.อ. (มโนรถ.๒)

                        ๑๔. ๔. โยธาชีววคฺค
                        ๑. โยธาชีวสุตฺตวณฺณนา
     [๑๓๔] จตุตฺถสฺส ปฐเม ยุทฺธํ อุปชีวตีติ โยธาชีโว. ราชารโหติ รญฺโญ
อนุจฺฉวิโก. ราชโภคฺโคติ รญฺโญ อุปโภคปริโภโค. องฺคนฺเตว สงฺขํ ๒- คจฺฉตีติ หตฺโถ
วิย ปาโท วิย จ อวสฺสํ อิจฺฉิตพฺพตฺตา องฺคนฺติ สงฺขํ คจฺฉติ. ทูเร ปาตี โหตี ติ
อุทเก อุสภมตฺตํ, ถเล อฏฺฐุสภมตฺตํ, ตโต วา อุตฺตรินฺติ ทูเร กณฺฑํ ปาเตติ,
ทุฏฺฐคามณิอภยสฺส หิ โยธาชีโว นวอุสภมตฺตํ กณฺฑํ ปาเตติ, ๓- ปจฺฉิมภเว
โพธิสตฺโต โยชนปฺปมาณํ. อกฺขณเวธีติ อวิราธิตเวธี, อกฺขณํ วา วิชฺชุ
วิชฺชนฺตริกาย วิชฺฌิตุํ สมตฺโถติ  อตฺโถ. มหโต กายสฺส ปทาเลตา ติ เอกโต พทฺธํ
ผลกสตมฺปิ มหึสจมฺมสตมฺปิ องฺคุฏฺฐปฺปมาณพหลํ โลหปฏฺฏมฺปิ จตุรงฺคุลพหลํ
อสนปทรมฺปิ วิทตฺถิพหลํ อุทุมฺพรปทรมฺปิ ทีฆโต ๔- วาลิกาสกฏมฺปิ วิชฺฌิตุํ ๕-
สมตฺโถติ อตฺโถ.
@เชิงอรรถ: ๑ ฉ.ม.,อิ. สนฺธิยติเมวาติ   ๒ ฉ.ม.สงฺขฺยํ   ๓ ฉ.ม.,อิ. ปาเตสิ
@๔ ฉ.ม. ทีฆนฺเตน, อิ. ทีฆตฺเตน   ๕ ฉ.ม.,อิ. วินิวิชฺฌิตุํ
ยงฺกิญฺจิ รูปนฺติอาทิ วิสุทฺธิมคฺเค วิตฺถาริตเมว. เนตํ มมาติอาทิ
ตณฺหามานทิฏฺฐิปฏิกฺเขปวเสน ๑- วุตฺตํ. สมฺมปฺปญฺญาย ปสฺสตีติ สมฺมา เหตุนา
การเณน สห วิปสฺสนาย มคฺคปญฺญาย ปสฺสติ. ปทาเลตีติ อรหตฺตมคฺเคน ปทาเลติ.

             อรรถกถาภาษาบาลีอักษรไทย เล่มที่ ๑๕ หน้า ๒๗๑-๒๗๒.
http://84000.org/tipitaka/atthapali/read_th.php?B=15&A=6294&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=15&A=6294&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=20&i=573
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=7483
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=7747
             The Pali Tipitaka in Roman Character :-
http://84000.org/tipitaka/read/roman_read.php?B=20&A=7747
             สารบัญพระไตรปิฎกเล่มที่ ๒๐
http://84000.org/tipitaka/read/?index_20