บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๘. ปฏิลีนสุตฺตวณฺณนา [๓๘] อฏฺเม ปนุณฺณปจฺเจกสจฺโจติ "อิทเมว ทสฺสนํ สจฺจํ, อิทเมว สจฺจนฺ"ติ เอวํ ปาฏิเอกฺกํ คหิตตฺตา ปจฺเจกสงฺขาตานิ ทิฏฺิสจฺจานิ ปนุณฺณานิ นีหตานิ ปหีนานิ อสฺสาติ ปนุณฺณปจฺเจกสจฺโจ. สมวยสฏฺเสโนติ เอตฺถ อวยาติ อนูนา, สฏฺาติ วิสฺสฏฺา, สมฺมา อวยา สฏฺา เอสนา อสฺสาติ สมวยสฏฺเสโน, วิสฏฺสพฺพเอสโนติ อตฺโถ. ปฏิลีโนติ นิลีโน เอกีภาวํ อุปคโต. ปุถุสมณพฺราหฺมณานนฺติ พหุนฺนํ สมณพฺราหฺมณานํ. เอตฺถ จ สมณาติ ปพฺพชฺชูปคตา, พฺราหฺมณาติ โภวาทิโน. ปุถุปจฺเจกสจฺจานีติ พหูนิ ปาเฏกฺกสจฺจานิ. นุณฺณานีติ นีหฏานิ. ปนุณฺณานีติ สุฏฺุ นีหฏานิ. จตฺตานีติ วิสฺสฏฺานิ. วนฺตานีติ วมิตานิ. มุตฺตานีติ ฉินฺนพนฺธนานิ กตานิ. ปหีนานีติ ปชหิตานิ. ปฏินิสฺสฏฺานีติ ยถา น ปุน จิตฺตํ อาโรหนฺติ, เอวํ ปฏินิสฺสชฺชิตานิ. สพฺพาเนเวตานิ คหิตคฺคหณสฺส วิสฺสฏฺภาวเววจนานิ. กาเมสนา ปหีนา โหตีติ อนาคามิมคฺเคน ปหีนา. ภเวสนา ปน อรหตฺต- มคฺเคน ปหียติ. "พฺรหฺมจริยํ เอสิสฺสามิ คเวสิสฺสามี"ติ เอวํ ปวตฺตอชฺฌาสย- สงฺขาตา พฺรหฺมจริเยสนาปิ อรหตฺตมคฺเคเนว ปฏิปฺปสฺสทฺธึ วูปสมํ คจฺฉติ. ทิฏฺิพฺรหฺมจริเยสนา ปน โสตาปตฺติมคฺเคเนว ปฏิปฺปสฺสมฺภตีติ เวทิตพฺพา. เอวํ โข ภิกฺขเวติ เอวํ จตุตฺถชฺฌาเนน ปสฺสทฺธกายสงฺขาโร วูปสนฺตอสฺสาสปสฺสาโส นาม โหติ. อสฺมิมาโนติ อสฺมีติ อุปฺปชฺชนโก นววิธมาโน. คาถาสุ กาเมสนา ภเวสนาติ เอตา เทฺว เอสนา. พฺรหฺมจริเยสนา สหาติ ตาหิเยว สห พฺรหฺมจริเยสนาติ ติสฺโสปิ เอตา. อิธ ตฺวา เอสนา @เชิงอรรถ: ๑ สี. เอวํ วิหารมาตาปีติ เอวํ วิหรนฺโต อาตาปนวีริเยน สมนฺนาคโต ปฏินิสฺสฏฺาติ อิมินา ปเทน สทฺธึ โยชนา กาตพฺพา. อิติ สจฺจปรามาโส ทิฏฺิฏฺานา สมุสฺสยาติ อิติ สจฺจํ อิติ สจฺจนฺติ คหณปรามาโส จ ทิฏฺิสํขาตาเยว ทิฏฺิฏฺานา จ เย สมุสฺสิตตฺตา อุปคนฺตฺวา ิตตฺตา สมุสฺสยาติ วุจฺจนฺติ เต สพฺเพปิ. อิธ ตฺวา ทิฏฺิฏฺานา สมูหตาติ อิมินา ปเทน สทฺธึ โยชนา กาตพฺพา. กสฺส ปน เอตา เอสนา ปฏินิสฺสฏฺา เอเต จ ทิฏฺิฏฺานา สมูหตาติ. สพฺพราควิรตฺตสฺส ตณฺหกฺขยวิมุตฺติโน โย หิ สพฺพราเคหิ วิรโต ตณฺหกฺขเย ปรินิพฺพาเน ปวตฺตาย อรหตฺตผลวิมุตฺติยา สมนฺนาคโต ตสฺส เอสนา ปฏินิสฺสฏฺา ทิฏฺิฏฺานา จ สมูหตา. สเว สนฺโตติ โส เอวรูโป กิเลสสนฺตตาย สนฺโต. ปสฺสทฺโธติ ทฺวีหิ กายจิตฺตปสฺสทฺธีหิ ปสฺสทฺโธ. อปราชิโตติ สพฺพกฺกิเลเส ชินิตฺวา ิตตฺตา เกนจิ อปราชิโต. มานาภิสมยาติ มานสฺสาภิสมเยน. พุทฺโธติ จตฺตาริ สจฺจานิ พุชฺฌิตฺวา ิโต. อิติ อิมสฺมึ สุตฺเตปิ คาถาสุปิ ขีณาสโวว กถิโตติ.อรรถกถาภาษาบาลีอักษรไทย เล่มที่ ๑๕ หน้า ๓๓๙-๓๔๐. http://84000.org/tipitaka/atthapali/read_th.php?B=15&A=7849&modeTY=1 The Pali Atthakatha in Roman :- http://84000.org/tipitaka/atthapali/read_rm.php?B=15&A=7849&modeTY=1 อ่านอรรถกถาแปลไทย :- http://84000.org/tipitaka/attha/attha.php?b=21&i=38 เนื้อความพระไตรปิฎกฉบับหลวง :- http://84000.org/tipitaka/read/r.php?B=21&A=1093 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=21&A=1088 The Pali Tipitaka in Roman Character :- http://84000.org/tipitaka/read/roman_read.php?B=21&A=1088 สารบัญพระไตรปิฎกเล่มที่ ๒๐ http://84000.org/tipitaka/read/?index_21
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]