อรรถกถาเล่มที่ ๑๕ ภาษาบาลีอักษรไทย
 องฺ.อ. (มโนรถ.๒)

                          ๕. รูปสุตฺตวณฺณนา
     [๖๕] ปญฺจเม รูเป ปมาณํ คเหตฺวา ปสนฺโน รูปปฺปมาโณ นาม.
รูปปฺปสนฺโน ตสฺเสว อตฺถเววจนํ. ๓- โฆเส ปมาณํ คเหตฺวา ปสนฺโน โฆสปฺปมาโณ
@เชิงอรรถ: ๑ สี. อนาคามีติ, ม. อนาคามิโน       ๒ ม. ปริภุญฺชนฺเตน
@๓ ฉ.ม. อตฺถวจนํ. เอวมุปริปิ
นาม. จีวรลูขปตฺตลูเขสุ ปมาณํ คเหตฺวา ปสนฺโน ลูขปฺปมาโณ นาม. ธมฺเม
ปมาณํ คเหตฺวา ปสนฺโน ธมฺมปฺปมาโณ นาม. อิตรานิ เตสํเยว อตฺถเววจนานิ.
สพฺพสตฺเต จ ตโย โกฏฺฐาเส กตฺวา เทฺว โกฏฺฐาสา รูปปฺปมาณา, เอโก น
รูปปฺปมาโณ. ปญฺจ โกฏฺฐาเส กตฺวา จตฺตาโร โกฏฺฐาสา โฆสปฺปมาณา, เอโก
น โฆสปฺปมาโณ. ทส โกฏฺฐาเส กตฺวา นว โกฏฺฐาสา ลูขปฺปมาณา, เอโก น
ลูขปฺปมาโณ. ๑- สตสหสฺสโกฏฺฐาเส ปน กตฺวา ๑- เอโก โกฏฺฐาโสว ธมฺมปฺปมาโณ,
เสสา น ธมฺมปฺปมาณาติ เวทิตพฺพา.
     รูเป ปมาณึสูติ ๒- เย รูปํ ทิสฺวา ปสนฺนา, เต รูเป ปมาณึสุ นาม. ปมินึสูติ ๓-
อตฺโถ. โฆเสน อนฺวคูติ โฆเสน อนุคตา, ๔- โฆสปฺปมาณํ คเหตฺวา ปสนฺนาติ
อตฺโถ. ฉนฺทราควสูเปตาติ ฉนฺทสฺส จ ราคสฺส จ วสํ อุเปตา. ๕- อชฺฌตฺตญฺจ
น ชานาตีติ นิยกชฺฌตฺเต ตสฺส คุณํ น ชานาติ. พหิทฺธา จ น ปสฺสตีติ
พหิทฺธาปิสฺส ปฏิปตฺตึ น ปสฺสติ. สมนฺตาวรโณติ สมนฺตโต อาวาริโต,
สมนฺตา วา อาวรณมสฺสาติ สมนฺตาวรโณ. โฆเสน วุยฺหตีติ โฆเสน นิยฺยติ,
น คุเณน. อชฺฌตฺตญฺจ น ชานาติ พหิทฺธา จ วิปสฺสตีติ นิยกชฺฌตฺเต
คุณํ น ชานาติ, พหิทฺธา ปนสฺส ปฏิปตฺตึ ปสฺสติ. พหิทฺธา ผลทสฺสาวีติ
ตสฺส ปเรหิ กตํ พหิทฺธา สกฺการผลํ ปสฺสนฺโต. วินีวรณทสฺสาวีติ วิวฏทสฺสาวีติ.
น โส โฆเสน วุยฺหตีติ โส โฆเสน น นิยฺยติ.

             อรรถกถาภาษาบาลีอักษรไทย เล่มที่ ๑๕ หน้า ๓๕๔-๓๕๕.
http://84000.org/tipitaka/atthapali/read_th.php?B=15&A=8204&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=15&A=8204&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=21&i=65
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=21&A=1908
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=21&A=1944
             The Pali Tipitaka in Roman Character :-
http://84000.org/tipitaka/read/roman_read.php?B=21&A=1944
             สารบัญพระไตรปิฎกเล่มที่ ๒๐
http://84000.org/tipitaka/read/?index_21