บาลีอรรถกถาเล่มที่ ๑๕

๑๕. ๕. อาภาวคฺค ๑. อาภาสุตฺตวณฺณนา [๑๔๑] ปญฺจมสฺส ปฐเม อาภาสนวเสน จนฺโทว จนฺทาภา. เสสปเทสุปิ เอเสว นโย. ๒-๕. ปภาสุตฺตาทิวณฺณนา [๑๔๒-๑๔๕] ทุติยาทีสุปิ ปภาสนวเสน จนฺโทว จนฺทปฺปภา. อาโลกนวเสน จนฺโทว จนฺทาโลโก. โอภาสนวเสน จนฺโทว จนฺโทภาโส. ปชฺโชตนวเสน จนฺโทว จนฺทปชฺโชโต. เอวํ สพฺพตฺถ ปเทสุปิ อตฺโถ เวทิตพฺโพ. @เชิงอรรถ: ^๑ ม. อนนจฺฉวิกา, ฉ. น เฉกา ๖. ปฐมกาลสุตฺตวณฺณนา [๑๔๖] ฉฏฺเฐ กาลาติ ยุตฺตปฺปยุตฺตกาลา. ^๑- กาเลน ธมฺมสฺสวนนฺติ ยุตฺตปฺปตฺตกาเล ธมฺมสฺสวนํ. ธมฺมสากจฺฉาติ ปญฺหาปุจฺฉนวิสฺสชฺชนวเสน ปวตฺตา สํสนฺทนกถา. ๗. ทุติยกาลสุตฺตวณฺณนา [๑๔๗] สตฺตเม กาลาติ ตสฺมึ ตสฺมึ กาเล ธมฺมสฺสวนาทิวเสน ปวตฺตานํ กุสลธมฺมานํ เอตํ อธิวจนํ. เต วิภาวิสฺสนฺติ ^๒- เจว อนุปริวตฺติสฺสนฺติ ^๓- จ. อาสวานํ ขยนฺติ อรหตฺตํ. อฏฺฐมํ อุตฺตานเมว. ๙-๑๐. สุจริตสุตฺตาทิวณฺณนา [๑๔๙-๑๕๐] นวเม สณฺหวาจาติ ^๔- มุทุกวาจา. มนฺตภาสาติ มนฺตสงฺขาตาย ปญฺญาย ปริจฺฉินฺทิตฺวา กถิตกถา. ทสเม สีลสาโรติ สารสมฺปาปกํ สีลํ. เสเสสุปิ เอเสว นโย. อาภาวคฺโค ปญฺจโม. ตติยปณฺณาสโก นิฏฺฐิโต. -------------- @เชิงอรรถ: ^๑ ม. ยุตฺตปฺปตฺตกาลา ^๒ ฉ.ม. เต ภาวิยนฺติ @^๓ ฉ.ม. อนุปริวตฺติยนฺติ ^๔ ฉ.ม. สณฺหา วาจาติ

อรรถกถาภาษาบาลีอักษรไทย เล่มที่ ๑๕ หน้า ๓๘๒-๓๘๓. http://84000.org/tipitaka/atthapali/read_th.php?B=15&A=8802&modeTY=2 The Pali Atthakatha in Roman :- http://84000.org/tipitaka/atthapali/read_rm.php?B=15&A=8802&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=21&i=141 เนื้อความพระไตรปิฎกฉบับหลวง :- http://84000.org/tipitaka/read/r.php?B=21&A=3835 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=21&A=3986 The Pali Tipitaka in Roman Character :- http://84000.org/tipitaka/read/roman_read.php?B=21&A=3986 สารบัญพระไตรปิฎกเล่มที่ ๒๐ http://84000.org/tipitaka/read/?index_21