ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๖ ภาษาบาลีอักษรไทย องฺ.อ. (มโนรถ.๓)

                        ๔. ทีฆชาณุสุตฺตวณฺณนา
     [๕๔] จตุตฺเถ พฺยคฺฆปชฺชาติ อิทมสฺส นามปฺปเวณิวเสน อาลปนํ. ตสฺส
หิ ปุพฺพปุริสา พฺยคฺฆปเถ ชาตาติ ตสฺมึ กุเล มนุสฺสา พฺยคฺฆปชฺชาติ วุจฺจนฺติ.
@เชิงอรรถ:  ฉ.ม. ปฏิสมฺภิทาปเภทปฺปตฺตขีณาสวานํ วเสเนว

--------------------------------------------------------------------------------------------- หน้าที่ ๒๖๖.

อิสฺสตฺเถนาติ ๑- อิสฺสาสกมฺเมน. ตตฺรุปายายาติ "อิมสฺมึ กาเล อิทํ นาม กาตุํ วฏฺฏตี"ติ ชานเน ตตฺรุปายภูตาย. ๒- วุฑฺฒสีลิโนติ ๓- วฑฺฒิตสีลา วุฑฺฒสมาจารา. อายนฺติ อาคมนํ. นาจฺโจคาฬฺหนฺติ นาติมหนฺตํ. นาติหีนนฺติ นาติกสิรํ. ปริยาทายาติ คเหตฺวา เขเปตฺวา. ตตฺถ ยสฺส วยโต ทฺวิคุโณ อาโย, ตสฺส วโย อายํ ปริยาทาตุํ น สกฺโกติ. "จตุธา วิภเช โภเค ปณฺฑิโต ฆรมาวสํ เอเกน โภเค ภุญฺเชยฺย ทฺวีหิ กมฺมํ ปโยชเย จตุตฺถญฺจ นิธาเปยฺย อาปทาสุ ภวิสฺสตี"ติ ๔- เอวํ ปฏิปชฺชโต ปน วโย อายํ ปริยาทาตุํ น สกฺโกติเยว. อุทุมฺพรขาทิกนฺติ ๕- ยถา อุทุมฺพรานิ ขาทิตุกาเมน ปกฺเก อุทุมฺพรรุกฺเข จาลิเต เอกปฺปหาเรเนว พหูนิ ผลานิ ปตนฺติ, โส ขาทิตพฺพยุตฺตกานิ ขาทิตฺวา อิตรานิ พหุตรานิ ปหาย คจฺฉติ, เอวเมว โย อายโต วยํ พหุตรํ กตฺวา วิปฺปกิรนฺโต โภเค ปริภุญฺชติ, โส "อุทุมฺพรขาทิกญฺจายํ ๖- กุลปุตฺโต โภเค ขาทตี"ติ วุจฺจติ. อทฺธมาริกนฺติ อนาถมรณํ. ๗- สมชีวิกํ ๘- กปฺเปตีติ สมํ ๙- ชีวิกํ กปฺเปติ. สมชีวิตาติ สมชีวิตาย ชีวิตา. ๑๐- อปายมุขานีติ วินาสฏฺฐานานิ. อุฏฺฐาตา กมฺมเธยฺเยสูติ กมฺมกรณฏฺฐาเนสุ อุฏฺฐานวิริยสมฺปนฺโน. วิธานวาติ วิธานสมฺปนฺโน. ๑๑- โสตฺถานํ สมฺปรายิกนฺติ โสตฺถิภูตํ สมฺปรายิกํ. สจฺจนาเมนาติ พุทฺธตฺตาเยว พุทฺโธติ เอวํ อวิตถนาเมน. จาโค ปุญฺญํ ปวฑฺฒตีติ จาโค เจว เสสปุญฺญญฺจ ปวฑฺฒติ. อิมสฺมึ สุตฺเต สทฺธาทโย มิสฺสกา กถิตา. ปญฺจมํ อุตฺตานเมว. @เชิงอรรถ: ฉ.ม. อิสฺสตฺเตนาติ ฉ.ม. อุปายภูตาย @ ฉ.ม. วุทฺธสีลิโนติ ที.ปา. ๑๑/๒๖๕/๑๖๓ สิงฺคาลสุตฺต @ ฉ.ม. อุทุมฺพรขาทีวาติ ฉ.ม. อุทุมฺพรขาทิกํ วายํ สี. อชทฺธุมาริกนฺติ @อนาถมรณํ, ฉ.ม. อเชฏฺฐมรณนฺติ อนายกมรณํ ฉ.ม. สมํ ชีวิกํ ฉ.ม. สมฺมา @๑๐ สี. สมํ ชีวิกา ๑๑ ฉ.ม. วิทหนสมฺปนฺโน

             อรรถกถาภาษาบาลีอักษรไทย เล่มที่ ๑๖ หน้า ๒๖๕-๒๖๖. http://84000.org/tipitaka/atthapali/read_th.php?B=16&A=5970&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=16&A=5970&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=23&i=144              เนื้อความพระไตรปิฎกฉบับหลวง :- http://84000.org/tipitaka/read/r.php?B=23&A=5934              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=23&A=6164              The Pali Tipitaka in Roman Character :- http://84000.org/tipitaka/read/roman_read.php?B=23&A=6164              สารบัญพระไตรปิฎกเล่มที่ ๒๒ http://84000.org/tipitaka/read/?index_23

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]