อรรถกถาเล่มที่ ๑๖ ภาษาบาลีอักษรไทย
 องฺ.อ. (มโนรถ.๓)

                        ๕. อปฺปมาทสุตฺตวณฺณนา
     [๑๕] ปญฺจเม เอวเมว โขติ ยถา สพฺพสตฺตานํ สมฺมาสมฺพุทฺโธ อคฺโค,
เอวํ สพฺเพสํ กุสลธมฺมานํ การาปกอปฺปมาโท อคฺโคติ ทฏฺฐพฺโพ. นนุ เจส โลกิโยว,
กุสลธมฺมา ปน โลกุตฺตราปิ. อยญฺจ กามาวจโรว, กุสลธมฺมา ปน จตุภูมิกา.
กถเมส เตสํ อคฺโคติ? ปฏิลาภกฏฺเฐน. ๒- อปฺปมาเทน หิ เต ปฏิลพฺภนฺติ, ตสฺมา
โส เตสํ อคฺโค. เตน วุตฺตํ สพฺเพ เต อปฺปมาทมูลกาติ.
     ชงฺคลานนฺติ ๓- ปฐวีตลจารีนํ. ปาณานนฺติ สปาทกปาณานํ. ปทชาตานีติ ปทานิ.
สโมธานํ คจฺฉนฺตีติ โอธานํ ปกฺเขปํ คจฺฉนฺติ. อคฺคมกฺขายตีติ เสฏฺฐมกฺขายติ.
ยทิทํ มหนฺตตฺเตนาติ มหนฺตภาเวน อคฺคมกฺขายติ, น คุณวเสนาติ ๔- อตฺโถ.
วิสฺสิกนฺติ สุมนปุปฺผํ. อิทํ กิร สุตฺตํ สุตฺวา ภาติยมหาราชา วีมํสิตุกามตาย
เอกสฺมึ คพฺเภ จตุชาติคนฺเธหิ ปริภณฺฑํ กตฺวา สุรภิปุปฺผานิ ๕- อาหราเปตฺวา
เอกสฺส คพฺภสฺส ๖- มชฺเฌ สุมนปุปฺผมุฏฺฐึ ฐเปตฺวา เสสานิ ตสฺส สมนฺตโต มุฏฺฐึ
กตฺวา ฐเปตฺวา ทฺวารํ ปิธาย พหิ นิกฺขนฺโต. อถสฺส มุหุตฺตํ พหิ วีตินาเมตฺวา
ทฺวารํ วิวริตฺวา ปวิสนฺตสฺส สพฺพปฺปฐมํ สุมนปุปฺผคนฺโธ ฆานํ ปหริ, โส
มหาตลสฺมิญฺเญว มหาเจติยาภิมุโข นิปชฺชิตฺวา "วิสฺสิกํ เตสํ อคฺคนฺติ กเถนฺเตน
สุกถิตํ สมฺมาสมฺพุทฺเธนา"ติ เจติยํ วนฺทิ. ขุทฺทราชาโนติ ๗- ขุทฺทกราชาโน.
กูฏราชาโนติปิ ปาโฐ.
@เชิงอรรถ: ๑ ฉ.ม. ทีฆปุถุลนฺเตน  ๒ ฉ.ม. ปฏิลาภกตฺเตน  ๓ สี. ชงฺคมานนฺติ
@๔ ฉ.ม. น คุณคฺเคนาติ  ๕ ฉ.ม. สุคนฺธปุปฺผานิ
@๖ ฉ.ม. สมุคฺคสฺส  ๗ สี. กุฑฺฑราชาโนติปิ

             อรรถกถาภาษาบาลีอักษรไทย เล่มที่ ๑๖ หน้า ๓๒๑.
http://84000.org/tipitaka/atthapali/read_th.php?B=16&A=7215&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=16&A=7215&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=24&i=15
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=24&A=567
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=24&A=472
             The Pali Tipitaka in Roman Character :-
http://84000.org/tipitaka/read/roman_read.php?B=24&A=472
             สารบัญพระไตรปิฎกเล่มที่ ๒๒
http://84000.org/tipitaka/read/?index_24