อรรถกถาเล่มที่ ๑๖ ภาษาบาลีอักษรไทย
 องฺ.อ. (มโนรถ.๓)

                     ๗-๘. สญฺเจตนิกสุตฺตทฺวยวณฺณนา
     [๒๑๗-๒๑๘] สตฺตเม สญฺเจตนิกานนฺติ เจเตตฺวา ปกปฺเปตฺวา กตานํ. อุปจิตานนฺติ
จิตานํ วฑฺฒิตานํ. อปฺปฏิสํวิทิตฺวาติ เตสํ กมฺมานํ วิปากํ อเวทิยิตฺวา.
พฺยนฺตีภาวนฺติ วิคตนฺตภาวํ ๓- เตสํ กมฺมานํ ปริจฺเฉทปริวฏุมการณํ. ๔- ตญฺจ โข
ทิฏฺเฐว ธมฺเมติ ตญฺจ โข วิปากํ ทิฏฺฐธมฺมเวทนียํ ทิฏฺเฐว ธมฺเม อุปฺปชฺชติ. ๕-
อุปปชฺเชติ ๖- อุปปชฺชเวทนียํ อนนฺตเร อตฺตภาเว. อปเร วา ปริยาเยติ
อปราปริยเวทนียํ ปน สํสารปฺปวตฺเต สติ สตสหสฺสเมว อตฺตภาเวติ. ๗- อิมินา อิทํ
ทสฺเสติ "สํสารปฺปวตฺเต สติ ลทฺธวิปาการหกมฺเม ๘- น วิชฺชติ โส ชคติปฺปเทโส, ยตฺถ
ฐิโต มุจฺเจยฺย ปาปกมฺมา"ติ. ติวิธาติ ติปฺปการา. กายกมฺมนฺตสนฺโทสพฺยาปตฺตีติ
กายกมฺมนฺตสฺส โทสสงฺขาตา ๙- วิปตฺติ. อิมินา นเยน สพฺพปทานิ เวทิตพฺพานิ. อฏฺฐเม
อปณฺณโก มณีติ สมนฺตโต จตุรสฺโส ปาสโก.
@เชิงอรรถ: ๑ ฉ.ม. สํสปฺปนียสุตฺต...  ๒ ฉ.ม. สํสปฺปนียปริยาย  ๓ ม. สนฺติภาวํ
@๔ ฉ.ม....วฏุมตากรณํ  ๕ ฉ.ม. อยํ ปาโฐ น ทสฺสติ  ๖ ม. อุปปชฺชาติ,
@ฉ. อุปปชฺชนฺติ  ๗ สี. สหสฺสิเม อตฺตภาเว วาติ, ฉ.ม. สหสฺสิเมปิ อตฺตภาเวติ
@๘ ม. ปฏิลทฺธวิปากวารกมฺเมน, ฉ. ปฏิลทฺธวิปาการหกมฺเม  ๙ ฉ.ม. กายกมฺมนฺตสงฺขาตา

             อรรถกถาภาษาบาลีอักษรไทย เล่มที่ ๑๖ หน้า ๓๗๙.
http://84000.org/tipitaka/atthapali/read_th.php?B=16&A=8512&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=16&A=8512&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=24&i=194
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=24&A=6958
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=24&A=6621
             The Pali Tipitaka in Roman Character :-
http://84000.org/tipitaka/read/roman_read.php?B=24&A=6621
             สารบัญพระไตรปิฎกเล่มที่ ๒๒
http://84000.org/tipitaka/read/?index_24