บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{๖๔๖-๖๔๙} เตน สมเยนาติ อจฺเจกจีวรสิกฺขาปทํ ฯ ตตฺถ ทสาหานาคตนฺติ ทส อหานิ ทสาหํ ฯ เตน ทสาเหน อนาคตา ทสาหานาคตา ฯ ทสาเหน อสมฺปตฺตาติ อตฺโถ ฯ ตํ ทสาหานาคตํ ฯ อจฺจนฺตสํโยควเสน ภุมฺมตฺเถ อุปโยควจนํ ฯ เตเนวสฺส ปทภาชเน ทสาหานาคตายาติ วุตฺตํ ฯ ปวารณายาติ อิทํ ปน ยา ทสาหานาคตาติ วุตฺตา ตํ สรูปโต ทสฺเสตุํ อสมฺโมหตฺถํ อนุปฺปโยควจนํ ฯ กตฺติกเตมาสิปุณฺณมนฺติ ปมกตฺติกเตมาสิปุณฺณมํ ฯ อิธาปิ ปมปทสฺส อนุปฺปโยคตฺตา ปุริมนเยเนว ภุมฺมตฺเถ อุปโยควจนํ ฯ อิทํ วุตฺตํ โหติ ยโต ปฏฺาย ปมมหาปวารณา ทสาหานาคตาติ วุจฺจติ สเจปิ ตานิ ทิวสานิ อจฺจนฺตเมว ภิกฺขุโน อจฺเจกจีวรํ อุปฺปชฺเชยฺย อจฺเจกํ อิทนฺติ ชานมาเนน ภิกฺขุนา สพฺพํปิ ปฏิคฺคเหตพฺพนฺติ ฯ เตน ปวารณมาสสฺส ชุณฺหปกฺขปญฺจมิโต ปฏฺาย อุปฺปนฺนสฺส จีวรสฺส นิธานกาโล ทสฺสิโต โหติ ฯ กามํ เจส ทสาหปรมํ อติเรกจีวรํ ธาเรตพฺพนฺติ อิมินาว สิทฺโธ อตฺถุปฺปตฺติวเสน ๑- อปุพฺพํ วิย อตฺถํ ทสฺเสตฺวา สิกฺขาปทํ ปิตํ ฯ อจฺเจกจีวรนฺติ อจฺจายิกจีวรํ วุจฺจติ ฯ ตสฺส ปน อจฺจายิกภาวํ @เชิงอรรถ: ๑. อิโต ปรํ ปน นิปาโต อิจฺฉิตพฺโพ ฯ ทสฺเสตุํ เสนาย วา คนฺตุกาโม โหตีติ อาทิ วุตฺตํ ฯ ตตฺถ สทฺธาติ อิมินา สทฺธามตฺตกเมว ทสฺสิตํ ฯ ปสาโทติ อิมินา สุปฺปสนฺนา พลวสทฺธา ฯ เอตํ อจฺเจกจีวรํ นามาติ เอตฺถ อิเมหิ การเณหิ ทาตุกาเมน ทูตํ วา เปเสตฺวา สยํ วา อาคนฺตฺวา วสฺสาวาสิกํ ทสฺสามีติ เอวํ อาโรจิตจีวรํ อจฺเจกจีวรํ นาม โหตีติ ฯ ฉฏฺิโต ปฏฺาย ปนุปฺปนฺนํ อนจฺเจกจีวรํปิ ปจฺจุทฺธริตฺวา ปิตติจีวรํปิ เอตํ ปริหารํ ลภติเยว ฯ สญฺาณํ กตฺวา นิกฺขิปิตพฺพนฺติ กิญฺจิ นิมิตฺตํ กตฺวา เปตพฺพํ ฯ กสฺมา เอตํ วุตฺตํ ฯ ยทิ หิ ตํ ปุเร ปวารณาย วิภชนฺติ เยน คหิตํ เตน ฉินฺนวสฺเสน น ภวิตพฺพํ ฯ สเจ ปน ฉินฺนวสฺโส โหติ จีวรํ สงฺฆิกเมว โหติ ฯ ตโต สลฺลกฺเขตฺวา สุขํ ทาตุํ ภวิสฺสตีติ ฯ {๖๕๐} อจฺเจกจีวเร อจฺเจกจีวรสญฺีติ เอวมาทิ วิภชิตฺวา คหิตเมว สนฺธาย วุตฺตํ ฯ สเจ ปน อวิภตฺตํ โหติ สงฺฆสฺส วา ภณฺฑาคาริกจีวรํ สมยาติกฺกเมปิ อนาปตฺติ ฯ อิติ อติเรกจีวรสฺส ทสาหํ ปริหาโร ฯ ติจีวรสฺส เอกทิวสมฺปิ ปริหาโร นตฺถิ ฯ อกตสฺส วสฺสิกสาฏิกจีวรสฺส อนตฺถเต กิเน ปญฺจ มาสา วสฺเส อุกฺกฑฺฒิเต ฉมฺมาสา อตฺถเต กิเน อปเร จตฺตาโร มาสา เหมนฺตสฺส ปจฺฉิเม ทิวเส สติยา ปจฺจาสาย มูลจีวราธิฏฺานวเสน อปโรปิ เอโก มาโสติ เอกาทสมาสา ปริหาโร ฯ อจฺเจกจีวรสฺส อนตฺถเต กิเน เอกาทสทิวสาธิโก มาโส อตฺถเต กิเน เอกาทสทิวสาธิกา ปญฺจมาสา ตโต ปรํ เอกทิวสมฺปิ ปริหาโร นตฺถีติ เวทิตพฺพํ ฯ อนจฺเจกจีวเรติ อจฺเจกจีวรสทิเส อญฺสฺมึ ฯ เสสเมตฺถ อุตฺตานเมวาติ จ กินสมุฏฺานํ อกิริยา โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ อจฺเจกจีวรสิกฺขาปทํ ฯอรรถกถาภาษาบาลีอักษรไทย เล่มที่ ๒ หน้า ๒๗๕-๒๗๗. http://84000.org/tipitaka/atthapali/read_th.php?B=2&A=5787&modeTY=1 The Pali Atthakatha in Roman :- http://84000.org/tipitaka/atthapali/read_rm.php?B=2&A=5787&modeTY=1 อ่านอรรถกถาแปลไทย :- http://84000.org/tipitaka/attha/attha.php?b=2&i=161 เนื้อความพระไตรปิฎกฉบับหลวง :- http://84000.org/tipitaka/read/r.php?B=2&A=4159 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=2&A=2489 The Pali Tipitaka in Roman Character :- http://84000.org/tipitaka/read/roman_read.php?B=2&A=2489 สารบัญพระไตรปิฎกเล่มที่ ๑ http://84000.org/tipitaka/read/?index_2
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]