อรรถกถาเล่มที่ ๒ ภาษาบาลีอักษรไทย
 วินย.อ. (สมนฺต.๒)

     {๑๐๓} ตติยสิกฺขาปเท ฯ ทพฺพํ มลฺลปุตฺตํ ภิกฺขู อุชฺฌาเปนฺตีติ
ฉนฺทาย ทพฺโพ มลฺลปุตฺโตติ อาทีนิ วทนฺตา ตํ อายสฺมนฺตํ เตหิ
ภิกฺขูหิ อวชานาเปนฺติ อวญฺาย โอโลกาเปนฺติ ลามกโต วา
จินฺตาเปนฺตีติ อตฺโถ ฯ ลกฺขณํ ปเนตฺถ สทฺทสตฺถานุสาเรน
เวทิตพฺพํ ฯ โอชฺฌาเปนฺตีติปิ ปาโ ฯ อยเมว อตฺโถ ฯ ฉนฺทายาติ
ฉนฺเทน ปกฺขปาเตน ฯ เตน อตฺตโน สนฺทิฏฺสมฺภตฺตานํ ปณีตานิ
ปญฺาเปตีติ อธิปฺปาโย ฯ ขิยฺยนฺตีติ ฉนฺทาย ทพฺโพ มลฺลปุตฺโตติ
อาทีนิ วทนฺตา ปกาเสนฺติ ฯ {๑๐๕} อุชฺฌาปนเก ขิยฺยนเก ปาจิตฺติยนฺติ
เอตฺถ เยน วจเนน อุชฺฌาเปนฺติ ตํ อุชฺฌาปนกํ ฯ เยน
จ ขิยฺยนฺติ ตํ ขียนกํ ฯ ตสฺมึ อุชฺฌาปนเก ขียนเก ฯ ปาจิตฺติยนฺติ
วตฺถุทฺวเย ปาจิตฺติยทฺวยํ วุตฺตํ ฯ {๑๐๖} อุชฺฌาปนกํ นาม อุปสมฺปนฺนํ
สงฺเฆน สมฺมตํ เสนาสนปญฺาปกํ วา ฯเปฯ อปฺปมตฺตกวิสฺสชฺชกํ
วาติ เอเตสํ ปทานํ มงฺกุกตฺตุกาโมติ อิมินา สมฺพนฺโธ ฯ
อวณฺณํ กตฺตุกาโม อยสํ กตฺตุกาโมติ อิเมสํ ปทานํ วเสน
อุปสมฺปนฺนนฺติ อาทีสุ อุปสมฺปนฺนสฺสาติ เอวํ วิภตฺติปริณาโม
กาตพฺโพ ฯ อุชฺฌาเปติ วา ขิยฺยติ วา อาปตฺติ ปาจิตฺติยสฺสาติ
เอตฺถ ปน ยสฺมา ขียนกํ นามาติ เอวํ มาติกาปทํ อุทฺธริตฺวาปิ
อุชฺฌาปนกํ นามาติ อิมสฺส ปทสฺส วุตฺตวิภงฺโคเยว วตฺตพฺโพ โหติ
อญฺวาทกสิกฺขาปเท วิย อญฺโ วิเสโส นตฺถิ ตสฺมา ตํ วิสุํ
อนุทฺธริตฺวา อวิภชิตฺวาปิ นิคมนเมว เอกโต กตนฺติ เวทิตพฺพํ ฯ
ธมฺมกมฺเม ธมฺมกมฺมสญฺีติ อาทีสุ ยํ ตสฺส อุปสมฺปนฺนสฺส
สมฺมติกมฺมํ กตํ ตญฺเจ ธมฺมกมฺมํ โหติ โส จ ภิกฺขุ ตสฺมึ
ธมฺมกมฺมสญฺี อุชฺฌาปนกญฺจ ขียนกญฺจ กโรติ อถสฺส ตสฺมึ
อุชฺฌาปนเก จ ขียนเก จ อาปตฺติ ปาจิตฺติยสฺสาติ อิมินา นเยน
อตฺโถ เวทิตพฺโพ ฯ อนุปสมฺปนฺนํ อุชฺฌาเปติ วา ขิยฺยติ วาติ
เอตฺถ อุปสมฺปนฺนํ สงฺเฆน สมฺมตํ อญฺ อนุปสมฺปนฺนํ อุชฺฌาเปติ
วา อวชานาเปติ ตสฺส วา นํ สนฺติเก ขิยฺยตีติ อตฺโถ ฯ
อุปสมฺปนฺนํ สงฺเฆน อสมฺมตนฺติ กมฺมวาจาย อสมฺมตํ ฯ เกวลํ
ตเวโส ภาโรติ สงฺเฆน อาโรปิตภารํ ภิกฺขูนํ วา ผาสุวิหารตฺถาย
สยเมว ตํ ภารํ วหนฺตํ ฯ ยตฺร วา เทฺว ตโย ภิกฺขู วิหรนฺติ
ตตฺร ตาทิสํ กมฺมํ กโรนฺตนฺติ อธิปฺปาโย ฯ อนุปสมฺปนฺนํ สงฺเฆน
สมฺมตํ วา อสมฺมตํ วาติ เอตฺถ ปน กิญฺจาปิ อนุปสมฺปนฺนสฺส
เตรส สมฺมติโย ทาตุํ น วฏฺฏติ อถโข อุปสมฺปนฺนกาเล
ลทฺธสมฺมติโก ปจฺฉา อนุปสมฺปนฺนภาเว ิโต ตํ สนฺธาย สงฺเฆน
สมฺมตํ วาติ วุตฺตํ ฯ ยสฺส ปน พฺยตฺตสฺส สามเณรสฺส เกวลํ
สงฺเฆน วา สมฺมเตน วา ภิกฺขุนา ตฺวํ อิทํ กมฺมํ กโรหีติ ภาโร
กโต ตาทิสํ สนฺธาย อสมฺมตํ วาติ วุตฺตํ ฯ เสสํ อุตฺตานเมว ฯ
ติสมุฏานํ กายจิตฺตโต วาจาจิตฺตโต กายวาจาจิตฺตโต จ สมุฏฺาติ
กิริยา สญฺาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ
อกุสลจิตฺตํ ทุกฺขเวทนนฺติ ฯ
                  อุชฺฌาปนสิกฺขาปทํ ตติยํ ฯ

             อรรถกถาภาษาบาลีอักษรไทย เล่มที่ ๒ หน้า ๓๒๙-๓๓๑.
http://84000.org/tipitaka/atthapali/read_th.php?B=2&A=6942&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=6942&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=2&i=368
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=8724
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=4319
             The Pali Tipitaka in Roman Character :-
http://84000.org/tipitaka/read/roman_read.php?B=2&A=4319
             สารบัญพระไตรปิฎกเล่มที่ ๑
http://84000.org/tipitaka/read/?index_2