อรรถกถาเล่มที่ ๒ ภาษาบาลีอักษรไทย
 วินย.อ. (สมนฺต.๒)

     {๓๕๐} ฉฏฺฐสิกฺขาปเท ฯ ภคฺคาติ ชนปทสฺเสตํ นามํ ฯ สุํสุมารคีรนฺติ
นครสฺส นามํ ฯ เภสกลาวนนฺติ ตนฺนิสฺสิตวนสฺส นามํ ฯ
ตํ ปน มิคานํ ผาสุวิหารตฺถาย ทินฺนตฺตา มิคทายาติ วุจฺจติ ฯ
สมาทหิตฺวาติ ชาเลตฺวา ฯ ปริปาเตสีติ อนุพนฺธิ ฯ {๓๕๔-๓๕๕} สยํ สมาทหตีติ
เอตฺถ โชตึ สมาทหิตุกามตาย อรณีสณฺฐปนโต ปฏฺฐาย ยาว
ชาลา น อุฏฺฐหติ ตาว สพฺพปโยเคสุ ทุกฺกฏํ ฯ {๓๕๒} ปทีเปปีติ
ปทีปุชฺชลเนปิ ฯ โชติเกปีติ ปตฺตปจนเสทกมฺมาทีสุ โชติกรเณ ฯ
ตถารูปปจฺจยาติ ปทีปาทิปจฺจยา ฯ ปฏิลาตํ อุกฺขิปตีติ ฑยฺหมานํ
อลาตํ ปตติ ตํ อุกฺขิปติ ปุน ยถาฐาเน ฐเปตีติ อตฺโถ ฯ เอวํ
อวิชฺฌาตํ อุกฺขิปิตฺวา ปกฺขิปนฺตสฺเสว ทุกฺกฏํ ฯ วิชฺฌาตํ ปน
ชาลาเปนฺตสฺส ปาจิตฺติยเมว ฯ {๓๕๖} ตถารูปปจฺจยาติ ฐเปตฺวา ปทีปาทีนิ
อญฺเญนปิ ตถารูเปน ปจฺจเยน สมาทหนฺตสฺส อนาปตฺติ ฯ
อาปทาสูติ สปฺปทฏฺฐโจรรุทฺธพาฬมิคอมนุสฺเสหิ อุปทฺทโว โหติ
ตตฺถ สมาทหนฺตสฺสาปิ อนาปตฺติ ฯ เสสํ อุตฺตานเมว ฯ
ฉสฺสมุฏฺฐานํ กิริยา โนสญฺญาวิโมกฺขํ อจิตฺตกํ ปณฺณตฺติวชฺชํ
กายกมฺมํ วจีกมฺมํ ติจิตฺตํ ติเวทนนฺติ ฯ
                 โชติสมาทหนสิกฺขาปทํ ฉฏฺฐํ ฯ

             อรรถกถาภาษาบาลีอักษรไทย เล่มที่ ๒ หน้า ๔๕๔-๔๕๕.
http://84000.org/tipitaka/atthapali/read_th.php?B=2&A=9582&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=9582&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=2&i=604
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=12198
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=7100
             The Pali Tipitaka in Roman Character :-
http://84000.org/tipitaka/read/roman_read.php?B=2&A=7100
             สารบัญพระไตรปิฎกเล่มที่ ๑
http://84000.org/tipitaka/read/?index_2