ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๒๖ ภาษาบาลีอักษรไทย อุ.อ. (ปรมตฺถที.)

                       ๘. ปิณฺฑปาติกสุตฺตวณฺณนา
    [๒๘] อฏฺเม ปจฺฉาภตฺตนฺติ เอกาสนิกขลุปจฺฉาภตฺติกานํ ปาโตว ภุตฺตานํ
อนฺโตมชฺฌนฺติโกปิ ปจฺฉาภตฺตเมว, อิธ ปน ปกติภตฺตสฺเสว ปจฺฉโต ปจฺฉาภตฺตนฺติ
เวทิตพฺพํ. ปิณฺฑปาตปฏิกฺกนฺตานนฺติ ปิณฺฑปาตโต ปฏิกฺกนฺตานํ, ปิณฺฑปาตํ
ปริเยสิตฺวา ภตฺตกิจฺจสฺส นิฏฺาปนวเสน ตโต นิวตฺตานํ. กเรริมณฺฑลมาเฬติ
@เชิงอรรถ:  องฺ. จตุกฺก. ๒๑/๒๗/๓๑, ขุ.อิติ. ๒๕/๑๐๑/๓๒๐
@ ม.,ก. อามิสํ คณฺหนฺเตน   ม. อภรณตํ
เอตฺถ กเรรีติ วรุณรุกฺขสฺส นามํ. โส กิร คนฺธกุฏิยา มณฺฑปสฺส สาลาย จ
อนฺตเร โหติ, เตน คนฺธกุฏีปิ "กเรริกุฏิกา"ติ วุจฺจติ, มณฺฑโปปิ สาลาปิ
"กเรริมณฺฑลมาโฬ"ติ. ตสฺมา กเรริรุกฺขสฺส อวิทูเร กเต นิสีทนสาลสงฺขาเต
มณฺฑลมาเฬ. ติณปณฺณจฺฉทนํ อโนวสฺสกํ "มณฺฑลมาโฬ"ติ วทนฺติ,
อติมุตฺตกาทิตามณฺฑโป "มณฺฑลมาโฬ"ติ อปเร.
    กาเลน กาลนฺติ กาเล กาเล อนฺตรนฺตรา, ตสฺมึ ตสฺมึ สมเยติ อตฺโถ.
มนาปิเกติ มนวฑฺฒเก, ปิยรูเป อิฏฺเติ อตฺโถ. อิฏฺานิฏฺภาโว จ ปุคฺคลวเสน
จ ทฺวารวเสน จ คเหตพฺโพ. เอกจฺจสฺส อนิฏฺโ โหติ, เอกจฺจสฺส อนิฏฺสมฺมโต ๑-
เอกจฺจสฺส อิฏฺโ. ตถา เอกสฺส ทฺวารสฺส อิฏฺโ อญฺสฺส อนิฏฺโ. วิปากวเสน
ปเนตฺถ วินิจฺฉโย เวทิตพฺโพ. กุสลวิปาโก หิ เอกนฺเตน อิฏฺโ, อกุสลวิปาโก อนิฏฺโ
เอวาติ. จกฺขุนา รูเป ปสฺสิตุนฺติ คามํ ปิณฺฑาย ปวิฏฺโ อุปาสเกหิ เคหํ ปเวเสตฺวา
ปูชาสกฺการกรณตฺถํ อุปนีเตสุ อาสนวิตานาทีสุ นานาวิราคสมุชฺชลวณฺณสงฺขาเต
รชนีเย อญฺเ จ สวิญฺาณกรูเป จกฺขุทฺวาริกวิญฺาเณหิ ปสฺสิตุํ. สทฺเทติ ตเถว
อิสฺสรชนานํ เคหํ ปวิฏฺโ เตสํ ปยุตฺเต คีตวาทิตสทฺเท โสตุํ. คนฺเธติ ตถา เตหิ
ปูชาสกฺการวเสน อุปนีเต ปุปฺผธูปาทิคนฺเธ ฆายิตุํ. รเสติ เตหิ ทินฺนาหารปริโภเค
นานคฺครเส สายิตุํ. โผฏฺพฺเพติ มหคฺฆปจฺจตฺถรเณสุ อาสเนสุ นิสินฺนกาเล
สุขสมฺผสฺเส โผฏฺพฺเพ ผุสิตุํ. เอวญฺจ ปญฺจทฺวาริกอิฏฺารมฺมณปฺปฏิลาภํ
กิตฺเตตฺวา อิทานิ มโนทฺวาริกอิฏฺารมฺมณปฺปฏิลาภํ ทสฺเสตุํ "สกฺกโต"ติอาทิ
วุตฺตํ. ตํ เหฏฺา วุตฺตตฺถเมว.
    กึ ปน อปิณฺฑปาติกานํ อยํ นโย น ลพฺภตีติ? ลพฺภติ. เตสมฺปิ หิ
นิมนฺตนสลากภตฺตาทิอตฺถํ คามํ คตกาเล อุฬารวิภวา อุปาสกา ตถา
สกฺการสมฺมานํ กโรนฺติเยว, ตํ ปน อนิยตํ. ปิณฺฑปาติกานํ ปน ตทา นิจฺจเมว
@เชิงอรรถ:  ฉ.ม. อนิฏฺาภิมโต
ตตฺถ ปูชาสกฺการํ กริยมานํ ทิสฺวา สกฺการครุตาย อนิสฺสรณมคฺเค ตฺวา
อโยนิโสมนสิการวเสน เต ภิกฺขู เอวมาหํสุ. เตเนวาห "หนฺทาวุโส มยมฺปิ
ปิณฺฑปาติกา โหมา"ติอาทิ.
    ตตฺถ หนฺทาติ โวสฺสคฺคตฺเถ นิปาโต. ลจฺฉามาติ ลภิสฺสาม. เตนุปสงฺกมีติ
ตตฺถ สุรภิคนฺธกุฏิยํ นิสินฺโน เตสํ ตํ กถาสลฺลาปํ สุตฺวา "อิเม ภิกฺขู
มาทิสสฺส นาม พุทฺธสฺส สาสเน ปพฺพชิตฺวา มยา สทฺธึ เอกวิหาเร วสนฺตาปิ
เอวํ อโยนิโสมนสิการวเสน กถํ ปวตฺเตนฺติ, สลฺเลเข น วตฺตนฺติ, หนฺท เต
ตโต นิวาเรตฺวา สลฺเลขวิหาเร นิโยเชสฺสามี"ติ มณฺฑลมาฬํ อุปสงฺกมิ. เสสํ
เหฏฺา วุตฺตนยเมว.
    เอตมตฺถํ วิทิตฺวาติ "อปฺปิจฺฉตาสนฺตุฏฺิตาสลฺเลขานํ วเสน กิเลเส ธุนิตุํ
ตณฺหํ วิโสเสตุํ ปฏิปนฺโนติ ปิณฺฑปาติกสฺส สโต เทวาปิ ปิหยนฺติ, ตสฺส
ปฏิปตฺติยา อาทรชาตา ปิยายนฺติ, น อิโต อญฺถา"ติ อิมมตฺถํ วิทิตฺวา
ตทตฺถทีปนํ อิมํ อุทานํ อุทาเนสิ.
    ตตฺถ โน เจ สทฺทสิโลกนิสฺสิโตติ "อโห อยฺโย อปฺปิจฺโฉ สนฺตุฏฺโ
ปรมสลฺเลขวุตฺตี"ติอาทินา ปเรหิ กตฺติตพฺพสทฺทสงฺขาตํ สิโลกํ ตณฺหาย
นิสฺสิโต น โหติ เจติ อตฺโถ. สทฺโท วา สมฺมุขา วณฺณภณนถุติโฆโส,
สิโลโก ปรมฺมุขภูตา ปสํสา ปตฺถฏยสตา วา. เสสํ อนนฺตรสุตฺเต วุตฺตนยเมว.
                       อฏฺมสุตฺตวณฺณนา นิฏฺิตา.
                        ----------------


             อรรถกถาภาษาบาลีอักษรไทย เล่มที่ ๒๖ หน้า ๒๑๓-๒๑๕. http://84000.org/tipitaka/atthapali/read_th.php?B=26&A=4786&modeTY=1              The Pali Atthakatha in Roman :- http://84000.org/tipitaka/atthapali/read_rm.php?B=26&A=4786&modeTY=1              อ่านอรรถกถาแปลไทย :- http://84000.org/tipitaka/attha/attha.php?b=25&i=82              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2347              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2370              The Pali Tipitaka in Roman Character :- http://84000.org/tipitaka/read/roman_read.php?B=25&A=2370              สารบัญพระไตรปิฎกเล่มที่ ๒๕ http://84000.org/tipitaka/read/?index_25

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]