อรรถกถาเล่มที่ ๒๖ ภาษาบาลีอักษรไทย
 อุ.อ. (ปรมตฺถที.)

                        ๗. สาริปุตฺตสุตฺตวณฺณนา
    [๓๗] สตฺตเม อปุพฺพํ นตฺถิ. คาถาย อธิเจตโสติ อธิจิตฺตวโต,
สพฺพจิตฺตานํ อธิเกน อรหตฺตผลจิตฺเตน สมนฺนาคตสฺสาติ อตฺโถ. อปฺปมชฺชโตติ
น ปมชฺชโต, อปฺปมาเทน อนวชฺชธมฺเมสุ สาตจฺจกิริยาย สมนฺนาคตสฺสาติ
วุตฺตํ โหติ. มุนิโนติ "โย มุนาติ อุโภ โลเก, มุนิ เตน ปวุจฺจตี"ติ ๑- เอวํ
อุภยโลกมุนเนน โมนํ วุจฺจติ าณํ, เตน อรหตฺตผลาณสงฺขาเตน าเณน
สมนฺนาคตตฺตา วา ขีณาสโว มุนี นาม, ตสฺส มุนิโน. โมนปเถสุ สิกฺขโตติ
อรหตฺตาณสงฺขาตสฺส โมนสฺส ปเถสุ สตฺตตฺตึสโพธิปกฺขิยธมฺเมสุ ตีสุ วา
สิกฺขาสุ สิกฺขโต. อิทญฺจ ปุพฺพภาคปฺปฏิปทํ คเหตฺวา วุตฺตํ. ปรินิฏฺิตสิกฺโข หิ
อรหา, ตสฺมา เอวํ สิกฺขโต, อิมาย สิกฺขาย มุนิภาวํ ปตฺตสฺส มุนิโนติ
เอวเมตฺถ อตฺโถ ทฏฺพฺโพ. ยสฺมา จ เอตเทว, ตสฺมา เหฏฺิมมคฺคผลจิตฺตานํ
วเสน อธิเจตโส, จตุสจฺจสมฺโพธปฏิปตฺติยํ อปฺปมาทวเสน อปฺปมชฺชโต,
มคฺคาณสมนฺนาคเมน มุนิโนติ เอวเมเตสํ ติณฺณํ ปทานํ อตฺโถ ยุชฺชติเยว.
อถ วา "อปฺปมชฺชโต สิกฺขโต"ติ ปทานํ เหตุอตฺถตา ทฏฺพฺพา อปฺปมชฺชนเหตุ
สิกฺขนเหตุ จ อธิเจตโสติ.
    โสกา น ภวนฺติ ตาทิโนติ ตาทิสสฺส ขีณาสวมุนิโน อพฺภนฺตเร
อฏฺวิโยคาทิวตฺถุกา โสกา จิตฺตสนฺตาปา น โหนฺติ. อถ วา ตาทิโนติ
@เชิงอรรถ: ๑ ขุ.ธ. ๒๕/๒๖๙/๖๓. ขุ.จูฬ.๓๐/๑๖๔/๘๔ (สฺยา)
ตาทิลกฺขณสมนฺนาคตสฺส เอวรูปสฺส มุนิโน โสกา น ภวนฺตีติ อยเมตฺถ
อตโถ. อุปสนฺตสฺสาติ ราคาทีนํ อจฺจนฺตูปสเมน อุปสนฺตสฺส. สทา สตีมโตติ
สติเวปุลฺลปฺปตฺติยา นิจฺจกาลํ สติยา อวิรหิตสฺส.
    เอตฺถ จ "อธิเจตโส"ติ อิมินา อธิจิตฺตสิกฺขา, "อปฺปมชฺชโต"ติ เอเตน
อธิสีลสิกฺขา, "มุนิโน โมนปเถสุ สิกฺขโต"ติ เอเตหิ อธิปญฺาสิกฺขา. "มุนิโน"ติ
วา เอเตน อธิปญฺาสิกฺขา, "โมนปเถสุ สิกฺขโต"ติ เอเตน ตาสํ โลกุตฺตรสิกฺขานํ
ปุพฺพภาคปฏิปทา, "โสกา น ภวนฺตี"ติอาทีหิ สิกฺขาปาริปูริยา อานิสํโส
ปกาสิโตติ เวทิตพฺพํ. เสสํ วุตฺตนยเมว.
                       สตฺตมสุตฺตวณฺณนา นิฏฺิตา.
                        ----------------

             อรรถกถาภาษาบาลีอักษรไทย เล่มที่ ๒๖ หน้า ๒๗๒-๒๗๓.
http://84000.org/tipitaka/atthapali/read_th.php?B=26&A=6089&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=26&A=6089&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=25&i=101
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=2728
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=2803
             The Pali Tipitaka in Roman Character :-
http://84000.org/tipitaka/read/roman_read.php?B=25&A=2803
             สารบัญพระไตรปิฎกเล่มที่ ๒๕
http://84000.org/tipitaka/read/?index_25