ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านเล่มถัดไป คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๒๗ ภาษาบาลีอักษรไทย อิติ.อ. (ปรมตฺถที.)

                         ๑๓. โลกสุตฺตวณฺณนา
      [๑๑๒] เตรสเม โลโกติ ลุชฺชนปลุชฺชนฏฺเน โลโก, อตฺถโต ปุริมํ
อริยสจฺจทฺวยํ, อิธ ปน ทุกฺขํ อริยสจฺจํ เวทิตพฺพํ. สฺวายํ สตฺตโลโก
สงฺขารโลโก โอกาสโลโกติ วิภาคโต สรูปโต จ เหฏฺา วุตฺโตเยว. อปิจ
ขนฺธโลกาทิวเสน จ อเนกวิโธ โลโก. ยถาห:-
            "โลโกติ ขนฺธโลโก ธาตุโลโก อายตนโลโก วิปตฺติภวโลโก
        วิปตฺติสมฺภวโลโก สมฺปตฺติภวโลโก สมฺปตฺติสมฺภวโลโก, เอโก โลโก
        สพฺเพ สตฺตา อาหารฏฺิติกา, เทฺว โลกา นามญฺจ รูปญฺจ, ตโย
        โลกา ติสฺโส เวทนา, จตฺตาโร โลกา จตฺตาโร อาหารา, ปญฺจ
        โลกา ปญฺจุปาทานกฺขนฺธา, ฉ โลกา ฉ อชฺฌตฺติกานิ อายตนานิ,
        สตฺต โลกา สตฺต วิญฺาณฏฺิติโย, อฏฺ โลกา อฏฺ โลกธมฺมา,
        นว โลกา นว สตฺตาวาสา, ทส โลกา ทสายตนานิ ทฺวาทส โลกา
        ทฺวาทสายตนานิ, อฏฺารส โลกา อฏฺารส ธาตุโย"ติ. ๑-
     เอวมเนกธา วิภตฺโตปิ โลโก ปญฺจสุ อุปาทานกฺขนฺเธสุ เอว สงฺคหํ
สโมสรณํ คจฺฉติ, อุปาทานกฺขนฺธา จ ทุกฺขํ อริยสจฺจํ ชาติปิ ทุกฺขา ฯเปฯ
สงฺขิตฺเตน ปญฺจุปาทานกฺขนฺธาปิ ทุกฺขาติ. เตน วุตฺตํ "อตฺถโต ปุริมํ
อริยสจฺจทฺวยํ, อิธ ปน ทุกฺขํ อริยสจฺจํ เวทิตพฺพนฺ"ติ. นนุ จ ลุชฺชนปลุชฺชนฏฺโ
อวิเสเสน ปญฺจสุ ขนฺเธสุ สมฺภวตีติ? สจฺจํ สมฺภวติ, ยํ ปน น ลุชฺชตีติ
คหิตํ, ตํ ตถา น โหติ, เอกํเสเนว ลุชฺชติ ปลุชฺชตีติ โส โลโกติ
อุปาทานกฺขนฺเธเสฺวว โลกสทฺโท นิรูโฬฺหติ เวทิตพฺโพ. ตสฺมา โลโกติ ทุกฺขํ
อริยสจฺจํ เอว.
      ยทิปิ ตถาคตสทฺทสฺส เหฏฺา ตถาคตสุตฺเต นานานเยหิ วิตฺถารโต
อตฺโถ วิภตฺโต, ตถาปิ ปาฬิยา อตฺถสํวณฺณนามุเขน อยเมตฺถ วิภาวนา:-
อภิสมฺพุทฺโธติ "อภิญฺเยฺยโต ปริญฺเยฺยโต"ติ ปุพฺเพ วุตฺตวิภาเคน วา
อวิเสสโต ตาว อาสยานุสยจริยาธิมุตฺติอาทิเภทโต กุสลากุสลาทิวิภาคโต
วฏฺฏปฺปมาณสณฺานาทิเภทโต, วิเสสโต วา ปน "อยํ สสฺสตาสโย, อยํ
@เชิงอรรถ:  ขุ.มหา. ๒๙/๑๔/๑๐, ขุ.จูฬ. ๓๐/๕๘/๘ (สฺยา)
อุจฺเฉทาสโย"ติอาทินา "กกฺขฬลกฺขณา ปวีธาตุ, ปคฺฆรณลกฺขณา อาโปธาตู"ติอาทินา
จ อภิวิสิฏฺเน สยมฺภุาเณน สมฺมา อวิปรีตํ โย โย อตฺโถ
ยถา ยถา พุชฺฌิตพฺโพ, ตถา ตถา พุทฺโธ าโต, อตฺตปจฺจกฺโข กโตติ
อภิสมฺพุทฺโธ.
      โลกสฺมาติ ยถาวุตฺตโลกโต. วิสํยุตฺโตติ วิสํสฏฺโ, ตปฺปฏิพทฺธานํ
สพฺเพสํ สํโยชนานํ สมฺมเทว สมุจฺฉินฺนตฺตา ตโต วิปฺปมุตฺโตติ อตฺโถ.
โลกสมุทโยติ สุตฺตนฺตนเยน ตณฺหา, อภิธมฺมนเยน ปน อภิสงฺขาเรหิ สทฺธึ
ทิยฑฺฒกิเลสสหสฺสํ. ปหีโนติ โพธิมณฺเฑ อรหตฺตมคฺคาเณน สมุจฺเฉทปฺปหานวเสน
สวาสนํ ปหีโน. โลกนิโรโธติ นิพฺพานํ. สจฺฉิกโตติ อตฺตปจฺจกฺโข
กโต. โลกนิโรธคามินี ปฏิปทาติ สีลาทิกฺขนฺธตฺตยสงฺคโห อริโย อฏฺงฺคิโก
มคฺโค. โส หิ โลกนิโรธํ นิพฺพานํ คจฺฉติ อธิคจฺฉติ, ตทตฺถํ อริเยหิ
ปฏิปชฺชียติ จาติ โลกนิโรธคามินี ปฏิปทาติ วุจฺจติ.
      เอตฺตาวตา ตถานิ อภิสมฺพุทฺโธ ยาถาวโต คโตติ ตถาคโตติ อยมตฺโถ
ทสฺสิโต โหติ. จตฺตาริ หิ อริยสจฺจานิ ตถานิ นาม. ยถาห:-
            "จตฺตาริมานิ ภิกฺขเว ตถานิ อวิตถานิ อนญฺถานิ,
         กตมานิ จตฺตาริ, อิทํ ทุกฺขนฺติ ภิกฺขเว ตถเมตํ, อวิตถเมตํ,
         อนญฺถเมตนฺ"ติ ๑- วิตฺถาโร.
      อปิจ ตถาย คโตติ ตถาคโต, ตถํ คโตติ ตถาคโต, คโตติ จ อวคโต
อตีโต ปตฺโต ปฏิปนฺโนติ อตฺโถ. อิทํ วุตฺตํ โหติ:- ยสฺมา ภควา สกลํ
โลกํ ตีรณปริญฺาย ตถาย อวิปรีตาย คโต อวคโต, ตสฺมา โลโก ตถาคเตน
อภิสมฺพุทฺโธติ ตถาคโต. โลกสมุทยํ ปหานปริญฺาย ตถาย คโต อตีโตติ
ตถาคโต. โลกนิโรธํ สจฺฉิกิริยาย ตถาย คโต ปตฺโตติ ตถาคโต.
@เชิงอรรถ:  สํ.มหา. ๑๙/๑๖๙๔/๕๓๘
โลกนิโรธคามินึ ปฏิปทํ ตถํ อวิปรีตํ คโต ปฏิปนฺโนติ จ ตถาคโตติ. เอวํ อิมิสฺสา
ปาฬิยา ภควโต ตถาคตภาวทีปนวเสน อตฺโถ เวทิตพฺโพ.
      อิติ ภควา จตุสจฺจาภิสมฺโพธิวเสน อตฺตโน ตถาคตภาวํ ปกาเสตฺวา
อิทานิ ตตฺถ ทิฏฺาทิอภิสมฺโพธิวเสนปิ ตํ ทสฺเสตุํ "ยํ ภิกฺขเว"ติอาทิมาห.
องฺคุตฺตรอฏฺกถายํ ๑- ปน "จตูหิ สจฺเจหิ อตฺตโน พุทฺธภาวํ กเถตฺวา"ติอาทิ
วุตฺตํ, ตํ ตถาคตสทฺทพุทฺธสทฺทานํ อตฺถโต นินฺนานากรณตํ ทสฺเสตุํ วุตฺตํ.
ตถา เจว หิ ปาฬิ ปวตฺตาติ. ตตฺถ ทิฏฺนฺติ รูปายตนํ. สุตนฺติ สทฺทายตนํ.
มุตนฺติ ปตฺวา คเหตพฺพโต คนฺธายตนํ รสายตนํ โผฏฺพฺพายตนญฺจ. วิญฺาตนฺติ
สุขทุกฺขาทิธมฺมารมฺมณํ. ปตฺตนฺติ ปริเยสิตฺวา วา อปริเยสิตฺวา วา ปตฺตํ.
ปริเยสิตนฺติ ปตฺตํ วา อปฺปตฺตํ วา ปริเยสิตํ. อนุวิจริตํ มนสาติ จิตฺเตน
อนุสญฺจริตํ. กสฺส ปน อนุวิจริตํ มนสาติ? สเทวกสฺส ฯเปฯ สเทวมนุสฺสายาติ
สมฺพนฺธนียํ. ตตฺถ สห เทเวหีติ สเทวโก, ตสฺส สเทวกสฺส. เสสปเทสุปิ
เอเสว นโย.
      สเทวกวจเนน เจตฺถ ปญฺจกามาวจรเทวคฺคหณํ เวทิตพฺพํ, สมารกวจเนน
ฉฏฺกามาวจรเทวคฺคหณํ, สพฺรหฺมกวจเนน พฺรหฺมกายิกาทิพฺรหฺมคฺคหณํ,
สสฺสมณพฺราหฺมณิวจเนน สาสนสฺส ปจฺจตฺถิกสมณพฺราหฺมณคฺคหณญฺเจว
สมิตปาปพาหิตปาปสมณพฺราหฺมณคฺคหณญฺจ, ปชาวจเนน สตฺตโลกคฺคหณํ,
สเทวมนุสฺสวจเนน สมฺมุติเทวอวเสสมนุสฺสคฺคหณํ, เอวเมตฺถ ตีหิ ปเทหิ
เทวมารพฺรเหฺมหิ สทฺธึ สตฺตโลโก, ทฺวีหิ ปชาวเสน สตฺตโลโกว คหิโตติ เวทิตพฺโพ.
      อปโร นโย:- สเทวกคฺคหเณน อรูปาวจรเทวโลโก คหิโตว.
สมารกวจเนน ฉกามาวจรเทวโลโก, สพฺรหฺมกวจเนน รูปีพฺรหฺมโลโก,
@เชิงอรรถ:  มโน.ปู. ๒/๒๓/๓๐๑
สสฺสมณพฺราหฺมณาทิวจเนน สมฺมุติเทเวหิ สห อวเสสสตฺตโลโก คหิโต. อปิเจตฺถ
สเทวกวจเนน อุกฺกฏฺปริจฺเฉทโต สพฺพโลกวิสยสฺส ภควโต อภิสมฺพุทฺธภาเว
ปกาสิเต เยสเมวํ สิยา "มาโร นาม มหานุภาโว ฉกามาวจริสฺสโร วสวตฺตี,
พฺรหฺมา ปน ตโตปิ มหานุภาวตโร ทสหิ องฺคุลีหิ ทสสุ จกฺกวาฬสหสฺเสสุ
อาโลกํ ผรติ, อุตฺตมชฺฌานสมาปตฺติสุขํ ปฏิสํเวเทติ. ปุถู จ สมณพฺราหฺมณา
อิทฺธิมนฺโต ทิพฺพจกฺขุกา ปรจิตฺตวิทุโน มหานุภาวา สํวิชฺชนฺติ, อยญฺจ
สตฺตนิกาโย อนนฺโต อปริมาโณ, กิเมเตสํ สพฺเพสํเยว วิสโย อนวเสสโต
ภควตา อภิสมฺพุทฺโธ"ติ เตสํ วิมตึ วิธเมนฺโต ภควา สเทวกสฺส โลกสฺสา"ติอาทิมาห.
      โปราณา ปนาหุ:- "สเทวกสฺสา"ติ เทวตาหิ สทฺธึ อวเสสโลกํ
ปริยาทิยติ, "สมารกสฺสา"ติ มาเรน สทฺธึ อวเสสโลกํ, "สพฺรหฺมกสฺสา"ติ
พฺรเหฺมหิ สทฺธึ อวเสสโลกํ. เอวํ สพฺเพปิ ติภวูปเค สตฺเต ตีสุ ปเทสุ
ปกฺขิปิตฺวา ปุน ทฺวีหิ ปเทหิ ปริยาทิยนฺโต "สสฺสมณพฺราหฺมณิยา ปชาย
สเทวมนุสฺสายา"ติ อาห. เอวํ ปญฺจหิปิ ปเทหิ ขนฺธตฺตยปริจฺฉินฺเน สพฺพสตฺเต
ปริยาทิยติ.
      ยสฺมา ตํ ตถาคเตน อภิสมฺพุทฺธนฺติ อิมินา อิทํ ทสฺเสติ:- ยํ
อปริมาณาสุ โลกธาตูสุ อิมสฺส สเทวกสฺส โลกสฺส "นีลํ ปีตกนฺ"ติอาทิ
รูปารมฺมณํ จกฺขุทฺวาเร อาปาถํ อาคจฺฉติ, ตํ สพฺพํ "อยํ สตฺโต อิมสฺมึ ขเณ
อิมํ นาม รูปารมฺมณํ ทิสฺวา สุมโน วา ทุมฺมโน วา มชฺฌตฺโต วา ชาโต"ติ
ตถาคตสฺส เอวํ อภิสมฺพุทฺธํ. ตถา ยํ อปริมาณาสุ โลกธาตูสุ อิมสฺส
สเทวกสฺส โลกสฺส "เภริสทฺโท มุทิงฺคสทฺโท"ติอาทิ สทฺทารมฺมณํ โสตทฺวาเร
อาปาถํ อาคจฺฉติ, "มูลคนฺโธ ตจคนฺโธ"ติอาทิ คนฺธารมฺมณํ ฆานทฺวาเร
อาปาถํ อาคจฺฉติ, "มูลรโส ขนฺธรโส"ติอาทิ รสารมฺมณํ ชิวฺหาทฺวาเร อาปาถํ
อาคจฺฉติ, "กกฺขฬํ มุทุกนฺ"ติอาทิ ปวีธาตุเตโชธาตุวาโยธาตุเภทํ โผฏฺพฺพารมฺมณํ
กายทฺวาเร อาปาถํ อาคจฺฉติ, "อยํ สตฺโต อิมสฺมึ ขเณ อิมํ นาม โผฏฺพฺพํ
ผุสิตฺวา สุมโน วา ทุมฺมโน วา มชฺฌตฺโต วา ชาโต"ติ สพฺพํ ตํ ตถาคตสฺส
เอวํ อภิสมฺพุทฺธํ.
      ตถา ยํ อปริมาณาสุ โลกธาตูสุ อิมสฺส สเทวกสฺส โลกสฺส สุขาทิเภทํ
ธมฺมารมฺมณํ มโนทฺวาเร อาปาถํ อาคจฺฉติ, "อยํ สตฺโต อิมสฺมึ ขเณ อิมํ
นาม ธมฺมารมฺมณํ ชานิตฺวา สุมโน วา ทุมฺมโน วา มชฺฌตฺโต วา ชาโต"ติ
สพฺพํ ตํ ตถาคตสฺส เอวํ อภิสมฺพุทฺธํ. เอวํ ยํ อิมสฺส สเทวกสฺส
โลกสฺส ทิฏฺ สุตํ มุตํ วิญฺาตํ, ตํ ตถาคเตน อทิฏฺ วา อสุตํ วา อมุตํ
วา อวิญฺาตํ วา นตฺถิ. อิมสฺส ปน มหาชนสฺส ปริเยสิตฺวา อปฺปตฺตมฺปิ อตฺถิ,
อปริเยสิตฺวา อปฺปตฺตมฺปิ อตฺถิ, ปริเยสิตฺวา ปตฺตมฺปิ อตฺถิ, อปริเยสิตฺวา
ปตฺตมฺปิ อตฺถิ. สพฺพมฺปิ ตถาคตสฺส อปฺปตฺตํ นาม นตฺถิ าเณน อสจฺฉิกตํ.
ตโต เอว ยํ อปริมาณาสุ โลกธาตูสุ อปริมาณานํ สตฺตานํ จกฺขุทฺวาเร อาปาถํ
อาคจฺฉนฺตํ รูปารมฺมณํ นาม อตฺถิ, ตํ ภควา สพฺพํ สพฺพากาเรน ชานาติ
ปสฺสติ. เอวํ ชานตา ปสฺสตา จาเนน ตํ อิฏฺานิฏฺาทิวเสน วา
ทิฏฺสุตมุตวิญฺาเตสุ ลพฺภมานปทวเสน วา "กตมนฺตํ รูปํ รูปายตนํ, ยํ รูปํ จตุนฺนํ
มหาภูตานํ อุปาทาย วณฺณนิภาสนิทสฺสนํ สปฺปฏิฆํ นีลํ ปีตกนฺ'ติอาทินา ๑-
นเยน อเนเกหิ นาเมหิ เตรสหิ วาเรหิ เทฺวปญฺาสาย นเยหิ วิภชฺชมานํ
ตเถว โหติ, วิตถํ นตฺถิ. เอส นโย โสตทฺวาราทีสุปิ อาปาถมาคจฺฉนฺเตสุ
สทฺทาทีสุ.
      ตสฺมา ตถาคโตติ วุจฺจตีติ ยํ ยถา โลเกน คตํ, ตสฺส ตเถว คตตฺตา
ตถาคโตติ วุจฺจติ. ปาฬิยํ ปน "อภิสมฺพุทฺธนฺ"ติ วุตฺตํ, ตํ ตถาคตสทฺเทน
@เชิงอรรถ:  อภิ.สงฺ. ๓๔/๕๒๑/๒๐๕-๖
สมานตฺถํ อิมินา ตถาทสฺสิภาวโต ตถาคโตติ อยมตฺโถ ทสฺสิโต โหติ.
วุตฺตเญฺหตํ ธมฺมเสนาปตินา:-
               "น ตสฺส อทิฏฺมิธตฺถิ กิญฺจิ
                อโถ อวิญฺาตมชานิตพฺพํ
                สพฺพํ อภิญฺาสิ ยทตฺถิ เนยฺยํ
                ตถาคโต เตน สมนฺตจกฺขู"ติ. ๑-
      สุตฺตนฺเตปิ วุตฺตํ ภควตา:-
            "ยํ ภิกฺขเว สเทวกสฺส โลกสฺส ฯเปฯ สเทวมนุสฺสาย
        ปชาย ทิฏฺ สุตํ มุตํ วิญฺาตํ ปตฺตํ ปริเยสิตํ อนุวิจริตํ มนสา,
        ตมหํ ชานามิ, ตมหํ อพฺภญฺาสึ, ตํ ตถาคตสฺส วิทิตํ, ตํ
        ตถาคโต น อุปฏฺาสี"ติ. ๒-
      ยญฺจ ภิกฺขเว รตฺตึ ตถาคโต อนุตฺตรํ สมฺมาสมฺโพธึ อภิสมฺพุชฺฌตีติ
ยสฺสํ จ วิสาขปุณฺณมรตฺติยํ ตถาอาคตาทิอตฺเถน ตถาคโต ภควา โพธิมณฺเฑ
อปราชิตปลฺลงฺเก นิสินฺโน ติณฺณํ มารานํ มตฺถกํ มทฺทิตฺวา อุตฺตริตราภาวโต
อนุตฺตรํ สมฺมาสมฺโพธึ อาสวกฺขยาเณน สทฺธึ สพฺพญฺุตญฺาณํ อธิคจฺฉติ.
ยญฺจ รตฺตึ อนุปาทิเสสาย นิพฺพานธาตุยา ปรินิพฺพายตีติ ยสฺสํ จ
วิสาขปุณฺณมรตฺติยํเยว กุสิรานายํ อุปวตฺตเน มลฺลานํ สาลวเน ยมกสาลานมนฺตเร
อนุปาทิเสสาย นิพฺพานธาตุยา ปรินิพฺพายติ. ยํ เอตสฺมึ อนฺตเรติ อิมาสํ
ทฺวินฺนํ สอุปาทิเสสอนุปาทิเสสนิพฺพานธาตูนํ เวมชฺเฌ ปญฺจจตฺตาลีสวสฺสปริมาเณ
กาเล ปมโพธิยมฺปิ มชฺฌิมโพธิยมฺปิ ยํ สุตฺตเคยฺยาทิปฺปเภทํ ธมฺมํ ภาสติ
นิทฺทิสนวเสน, ลปติ อุทฺทิสนวเสน. นิทฺทิสติ ปฏินิทฺทิสนวเสน. สพฺพํ ตํ
@เชิงอรรถ:  ขุ.มหา. ๒๙/๗๒๗/๔๓๖ ขุ.จูฬ. ๓๐/๔๙๒/๒๔๒, (สฺยา) ขุ.ปฏิ. ๓๑/๑๒๑/๑๓๖-๗
@ องฺ.จตุกฺก. ๒๑/๒๔/๒๙
ตเถว โหตีติ ตํ เอตฺถนฺตเร เทสิตํ สพฺพํ สุตฺตเคยฺยาทิ นวงฺคํ พุทฺธวจนํ
อตฺถโต พฺยญฺชนโต จ อนุปวชฺชํ อนูนํ อนธิกํ สพฺพาการปริปุณฺณํ
ราคมทนิมฺมทนํ ฯเปฯ โมหมทนิมฺมทนํ, นตฺถิ ตตฺถ วาลคฺคมตฺตมฺปิ อวกฺขลิตํ,
เอกมุทฺทิกาย ลญฺฉิตํ วิย เอกนาฬิยา มิตํ วิย เอกตุลาย ตุลิตํ วิย จ ตํ
ตเถว โหติ ยสฺสตฺถาย ภาสิตํ, เอกนฺเตเนว ตสฺส สาธนโต, โน อญฺถา.
ตสฺมา กถํ อวิตถํ อนญฺถํ. เอเตน ตถาคโตติ ทสฺเสติ. คทอตฺโถ อยํ
คตสทฺโท ทการสฺส ตการํ กตฺวา, ตสฺมา ตถํ คทตีติ ตถาคโตติ อตฺโถ. อถ
วา อาคทนํ อาคโท, วจนนฺติ อตฺโถ. ตโถ อวิปรีโต อาคโท อสฺสาติ
ทการสฺส ตการํ กตฺวา ตถาคโตติ เอวเมตฺถ ปทสิทฺธิ เวทิตพฺพา.
      ยถาวาที ตถาการีติ เย ธมฺมา ภควา "อิเม ธมฺมา อกุสลา สาวชฺชา
วิญฺุครหิตา สมตฺตา สมาทินฺนา อหิตาย ทุกฺขาย สํวตฺตนฺตี"ติ ปเรสํ ธมฺมํ
เทเสนฺโต วทติ, เต ธมฺเม เอกนฺเตเนว สยํ ปหาสิ. เย ปน ธมฺเม ภควา
"อิเม ธมฺมา กุสลา อนวชฺชา วิญฺุปสตฺถา สมตฺตา สมาทินฺนา หิตาย สุขาย
สํวตฺตนฺตี"ติ วทติ, เต ธมฺเม เอกนฺเตเนว สยํ อุปสมฺปชฺช วิหาสิ. ตสฺมา
ยถาวาที ภควา, ตถาการีติ เวทิตพฺโพ. ยถาการี ตถาวาทีติ สมฺมเทว
สีลาทิปริปูรณวเสน สมฺมา ปฏิปนฺโน สยํ ยถาการี ภควา, ตเถว ธมฺมเทสนาย
ปเรสํ ตตฺถ ปติฏฺาปนวเสน ตถาวาที. ภควโต หิ วาจาย กาโย อนุโลเมติ,
กายสฺสปิ วาจา. ตสฺมา ยถาวาที ตถาการี, ยถาการี ตถาวาที จ โหติ.
เอวํภูตสฺส จสฺส ยถา วาจา, กาโยปิ ตถา คโต ปวตฺโต. ยถา จ กาโย,
วาจาปิ ตถา คตา ปวตฺตาติ อตฺโถ.
      อภิภู อนภิภูโตติ อุปริ ภวคฺคํ เหฏฺา อวีจินิรยํ ปริยนฺตํ กตฺวา ติริยํ
อปริมาณาสุ โลกธาตูสุ ภควา สพฺพสตฺเต อภิภวติ สีเลนปิ สมาธินาปิ
ปญฺายปิ วิมุตฺติยาปิ วิมุตฺติาณทสฺสเนนปิ, น ตสฺส ตุลา วา ปมาณํ วา
อตฺถิ, อสโม อสมสโม อปฺปฏิโม อปฺปฏิภาโค อปฺปฏิปุคฺคโล อตุโล อปฺปเมยฺโย
อนุตฺตโร ธมฺมราชา เทวาติเทโว สกฺกานํ พฺรหฺมานํ อติพฺรหฺมา. ตโต เอว
สยํ น เกนจิ อภิภูโตติ อนภิภูโต. อญฺทตฺถูติ เอกสตฺเถ นิปาโต. ยญฺหิ
กิญฺจิ เนยฺยํ นาม, สพฺพนฺตํ หตฺถตเล อามลกํ วิย ปสฺสตีติ ทโส. อวิปรีตํ
อาสยาทิอวโพเธน หิตูปสํหาราทินา จ สตฺเต, ภาวญฺถตฺตูปนยนวเสน ๑-
สงฺขาเร, สพฺพากาเรน สุจิณฺณวสิตาย สมาปตฺติโย จิตฺตญฺจ วเส วตฺเตตีติ
วสวตฺตี. เอตฺตาวตา อภิภวนฏฺเน ภควา อตฺตโน ตถาคตภาวํ ทสฺเสติ.
      ตเตฺรวํ ปทสิทฺธิ เวทิตพฺพา:- อคโท วิย อคโท. โก ปเนส?
เทสนาวิลาโส เจว ปุญฺุสฺสโย จ. เตเนว เหส มหานุภาโว ภิสกฺโก วิย
ทิพฺพาคเทน สปฺเป, สพฺเพ ปรปฺปวาทิโน สเทวกญฺจ โลกํ อภิภวติ. อิติ
สพฺพโลกาภิภวเน ตโถ อวิปรีโต เทสนาวิลาโส เจว ปุญฺุสฺสโย จ อคโท
อสฺสาติ ทการสฺส ตการํ กตฺวา ตถาคโตติ เวทิตพฺโพ. เตน วุตฺตํ "สเทวเก
ภิกฺขเว โลเก ฯเปฯ วสวตฺตี, ตสฺมา ตถาคโตติ วุจฺจตี"ติ.
      คาถาสุ สพฺพโลกํ อภิญฺายาติ เตธาตุกโลกสนฺนิวาสํ ชานิตฺวา.
สพฺพโลเก ยถาตถนฺติ ตสฺมึ เตธาตุกโลกสนฺนิวาเส ยงฺกิญฺจิ เนยฺยํ, ตํ สพฺพํ
ยถาตถํ อวิปรีตํ ชานิตฺวา. สพฺพโลกวิสํยุตฺโตติ จตุนฺนํ โยคานํ อนวเสสปฺปหาเนน
สพฺเพนปิ โลเกน วิสํยุตฺโต วิปฺปมุตฺโต. อนูปโยติ ๒- สพฺพสฺมิมฺปิ
โลเก ตณฺหาทิฏฺิอุปเยหิ ๓- อนูปโย เตหิ อุปเยหิ วิรหิโต.
      สพฺพาภิภูติ รูปาทีนิ สพฺพารมฺมณานิ สพฺพํ สงฺขารคตํ สพฺเพปิ มาเร
อภิภวิตฺวา ิโต. ธีโรติ ธิติสมฺปนฺโน. สพฺพคนฺถปฺปโมจโนติ สพฺเพ
อภิชฺฌากายคนฺถาทิเก โมเจตฺวา ิโต เวเนยฺยสนฺตาเนนปิ ๔- อตฺตโน เทสนาวิลาเสน
จ เตสํ ปโมจนโต
@เชิงอรรถ:  สี. ภวตฺตยูปนยนวเสน        สี.,ก. อนูสโยติ
@ สี.,ก. ตณฺหาทิฏฺิอุสเยหิ      สี.,ก. เวเนยฺยสนฺตาเนน
สพฺพคนฺถปฺปโมจโน. ผุฏฺาสฺสาติ ผุฏฺา อสฺส. กรณตฺเถ อิทํ สามิวจนํ,
ผุฏฺา อเนนาติ อตฺโถ. ปรมา สนฺตีติ นิพฺพานํ. ตญฺหิ เตน าณผุสเนน
ผุฏฺ. เตเนวาห "นิพฺพานํ อกุโตภยนฺติ. อถ วา ปรมา สนฺตีติ อุตฺตมา
สนฺติ. กตรา สาติ? นิพฺพานํ. ยสฺมา ปน นิพฺพาเน กุโตจิ ภยํ นตฺถิ,
ตสฺมา ตํ อกุโตภยนฺติ วุจฺจติ.
      อนีโฆติ นิทฺทุกฺโข. สพฺพกมฺมกฺขยํ ปตฺโตติ สพฺเพสํ กมฺมานํ ขยํ
ปริโยสานํ อจฺจนฺตาภาวํ ปตฺโต. วิมุตฺโต อุปธิสงฺขเยติ อุปธิกฺขยสงฺขาเต
นิพฺพาเน ตทารมฺมณาย ผลวิมุตฺติยา วิมุตฺโต. เอส โสติ เอโส โส. สีโห
อนุตฺตโรติ ปริสฺสยานํ สหนฏฺเน กิเลสานํ หนนฏฺเน จ ตถาคโต อนุตฺตโร
สีโห นาม. พฺรหฺมนฺติ เสฏฺ. จกฺกนฺติ ธมฺมจกฺกํ. ปวตฺตยีติ ติปริวฏฺฏํ
ทฺวาทสาการํ ปวตฺเตสิ.
      อิตีติ เอวํ ตถาคตสฺส คุเณ ชานิตฺวา. สงฺคมฺมาติ สมาคนฺตฺวา. ตํ
นมสฺสนฺตีติ ตํ ตถาคตํ เต สรณํ คตา เทวมนุสฺสา นมสฺสนฺติ. มหนฺเตหิ
สีลาทิคุเณหิ สมนฺนาคตตฺตา มหนฺตํ, จตุเวสารชฺชโยเคน วีตสารทํ. อิมานิ ยํ
วทนฺตา เต นมสฺสนฺติ, ตํ ทสฺเสตุํ ทนฺโตติอาทิ วุตฺตํ ตํ อุตฺตานตฺถเมว.
      อิติ อิมสฺมึ จตุกฺกนิปาเต ฉฏฺเ สตฺตเม จ สุตฺเต วฏฺฏํ กถิตํ,
ปมทุติยตติยทฺวาทสมเตรสเมสุ วิวฏฺฏํ เสเสสุ วฏฺฏวิวฏฺฏํ กถิตนฺติ เวทิตพฺพํ.
                      เตรสมสุตฺตวณฺณนา นิฏฺิตา.
                  อิติ ปรมตฺถทีปนิยา ขุทฺทกนิกายฏฺกถาย
                            อิติวุตฺตกสฺส
                      จตุกฺกนิปาตวณฺณนา นิฏฺิตา.
                        ----------------
                        นิคมนกถา
เอตฺตาวตา จ:-
          ธมฺมิสฺสเรน ชคโต        ธมฺมโลกวิทสฺสินา
          ธมฺมานํ โพธเนยฺยานํ      ชานตา เทสนาวิธึ.
          ตํ ตํ นิทานมาคมฺม        สพฺพโลกหิเตสินา
          เอกกาทิปฺปเภเทน        เทสิตานิ มเหสินา.
          ทสุตฺตรสตํ เทฺว จ        สุตฺตานิ อิติวุตฺตกํ
          อิติวุตฺตปฺปเภเทน         สงฺคายึสุ มเหสโย.
          ฉฬาภิญฺาวสิปฺปตฺตา       ปภินฺนปฏิสมฺภิทา
          ยนฺตํ สาสนโธเรยฺหา      ธมฺมสงฺคาหกา ปุเร.
          ตสฺส อตฺถํ ปกาเสตุํ       โปราณฏฺกถานยํ
          นิสฺสาย ยา สมารทฺธา     อตฺถสํวณฺณนา มยา.
          สา ตตฺถ ปรมตฺถานํ       สุตฺตนฺเตสุ ยถารหํ
          ปกาสนา ปรมตฺถ-        ทีปนี นาม นามโต.
          สมฺปตฺตา ปรินิฏฺานํ       อนากุลวินิจฺฉยา
          อฏฺตฺตึสปฺปมาณาย        ปาฬิยา ภาณวารโต. ๑-
          อิติ ตํ สงฺขโรนฺเตน       ยนฺตํ อธิคตํ มยา
          ปุญฺ ตสฺสานุภาเวน       โลกนาถสฺส สาสนํ.
@เชิงอรรถ:  ม. ตึสมตฺตาย ปาฬิยา, ภาณวารปมาณโต
              โอคาเสตฺวา วิสุทฺธาย     สีลาทิปฏิปตฺติยา
              สพฺเพปิ ปาณิโน ๑- โหนฺตุ  วิมุตฺติรสภาคิโน.
              จิรํ ติฏฺตุ โลกสฺมึ        สมฺมาสมฺพุทฺธสาสนํ
              ตสฺมึ สคารวา นิจฺจํ       โหนฺตุ สพฺเพปิ ปาณิโน.
              สมฺมา วสฺสตุ กาเลน      เทโวปิ ชคติปฺปติ
              สทฺธมฺมนิรโต โลกํ        ธมฺเมเนว ปสาสตูติ.
              อิติ พทรติตฺถวิหารวาสินา   อาจริยธมฺมปาเลน กตา.
                     อิติวุตฺตกสฺส อฏฺกถา นิฏฺิตา.
                        -----------------

             อรรถกถาภาษาบาลีอักษรไทย เล่มที่ ๒๗ หน้า ๔๑๐-๔๒๑. http://84000.org/tipitaka/atthapali/read_th.php?B=27&A=9118&modeTY=1              The Pali Atthakatha in Roman :- http://84000.org/tipitaka/atthapali/read_rm.php?B=27&A=9118&modeTY=1              อ่านอรรถกถาแปลไทย :- http://84000.org/tipitaka/attha/attha.php?b=25&i=293              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6780              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6663              The Pali Tipitaka in Roman Character :- http://84000.org/tipitaka/read/roman_read.php?B=25&A=6663              สารบัญพระไตรปิฎกเล่มที่ ๒๕ http://84000.org/tipitaka/read/?index_25

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านเล่มถัดไป คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]