ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๒๙ ภาษาบาลีอักษรไทย สุตฺต.อ.๒ (ปรมตฺถ.๒)

                        ๓. สุภาสิตสุตฺตวณฺณนา
      เอวมฺเม สุตนฺติ สุภาสิตสุตฺตํ. อตฺตชฺฌาสยโต จสฺส อุปฺปตฺติ.
ภควา หิ สุภาสิตปฺปิโย, โส อตฺตโน สุภาสิตสมุทาจารปฺปกาสเนน สตฺตานํ
@เชิงอรรถ:  ฉ.ม.,อิ. มุทุ   ก. ปริตฺตปญฺญตาย มุขตุณฺฑเกน   สี.,อิ. องฺคุเลหิ
ทุพฺภาสิตสมุทาจารํ ปฏิเสเธนฺโต อิทํ ๑- สุตฺตํ อภาสิ. ตตฺถ เอวมฺเม
สุตนฺติอาทิ สงฺคีติการวจนํ. ตตฺถ ตตฺร โข ภควา ฯเปฯ ภทนฺเตติ
เต ภิกฺขูติ เอตํ อปุพฺพํ, เสสํ วุตฺตนยเมว. ตสฺมา อปุพฺพปทวณฺณนตฺถํ อิทํ
วุจฺจติ:- ตตฺราติ เทสกาลปริทีปนํ. ตํ หิ ยํ สมยํ วิหรติ, ตตฺร สมเย,
ยสฺมิญฺจ อาราเม วิหรติ, ตตฺร อาราเมติ ทีเปติ. ภาสิตพฺพยุตฺเต วา เทสกาเล
ทีเปติ. น หิ ภควา อยุตฺเต เทเส กาเล วา ธมฺมํ ภาสติ. "อกาโล โข
ตาว พาหิยา"ติอาทิ ๒- เจตฺถ สาธกํ. โขติ ปทปูรณมตฺเต, อวธารณาทิกาลตฺเถ
วา นิปาโต. ภควาติ โลกครุปริทีปนํ. ภิกฺขูติ กถาสวนยุตฺตปุคฺคลปริทีปนํ.
อามนฺเตสีติ อาลปิ อภาสิ สมฺโพเธสิ.
      ภิกฺขโวติ อามนฺตนาการปริทีปนํ ตญฺจ ภิกฺขนสีลตาทิคุณโยคสิทฺธตฺตา ๓-
วุตฺตํ. เตน เนสํ หีนาธิกชนเสวิตํ วุตฺตึ ปกาเสนฺโต อุทฺธตธีนภาวนิคฺคหํ
กโรติ. "ภิกฺขโว"ติ อิมินา จ กรุณาวิปฺผารโสมฺมหทยนยนนิปาตปุพฺพงฺคเมน
วจเนน เต อตฺตโน มุขาภิมุเข กริตฺวา เตเนว กเถตุกมฺยตาทีปเกน วจเนน
เตสํ โสตุกมฺยตํ ชเนติ, เตเนว จ สมฺโพธนตฺเถ วจเนน สาธุกสวนมนสิกาเรปิ
เต นิโยเชติ. สาธุกสวนมนสิการายตฺตา หิ สาสนสมฺปตฺติ. อปเรสุปิ
เทวมนุสฺเสสุ วิชฺชมาเนสุ กสฺมา ภิกฺขู เอว อามนฺเตสีติ เจ?
เชฏฺฐเสฏฺฐาสนฺนสทาสนฺนิหิตภาวโต. สพฺพปริสสาธารณา หิ อยํ ธมฺมเทสนา, น
ปาฏิปุคฺคลิกา, ปริสาย จ เชฏฺฐา ภิกฺขู ปฐมุปฺปนฺนตฺตา, เสฏฺฐาอนคาริยภาวํ ๔-
อาทึ กตฺวา สตฺถุ จริยานุวิธายกตฺตา จ สกลสาสเน ปฏิคฺคาหกตฺตา จ,
อาสนฺนา ตตฺถ นิสินฺเนสุ สตฺถุ สนฺติกตฺตา, สทา สนฺนิหิตา สตฺถุ
สนฺติกาวจรตฺตา. เตน ภควา สพฺพปริสสาธารณํ ธมฺมํ เทเสนฺโต ภิกฺขู เอว
@เชิงอรรถ:  ฉ.ม. อิมํ   ขุ.อุ. ๒๕/๑๐/๑๐๑
@ ก......อาทิคุณสิทฺธตฺตา   ก. อนาคาริยภาวํ
อามนฺเตสิ. อปิจ ภาชนํ เต อิมาย กถาย ยถานุสิฏฺฐํ ปฏิปตฺติสภาวโตติปิ เต
เอว อามนฺเตสิ. ภทนฺเตติ คารวาธิวจนเมตํ. เต ภิกฺขูติ เย ภควา อามนฺเตสิ,
เต เอว ๑- ภควนฺตํ อาลปยมานา ๒- ภควโต ปจฺจสฺโสสุนฺติ.
      จตูหิ องฺเคหีติ จตูหิ การเณหิ, อวยเวหิ วา. มุสาวาทาเวรมณิอาทีนิ
หิ จตฺตาริ สุภาสิตวาจาย การณานิ, สจฺจวจนาทโย จตฺตาโร อวยวา,
การณตฺเถ ๓- จ องฺคสทฺโท. จตูหิ องฺเคหีติ ๔- นิสฺสกฺกวจนํ โหติ, อวยวตฺเถ ๕-
กรณวจนํ. สมนฺนาคตาติ สมนุอาคตา ปวตฺตา ยุตฺตา จ. วาจาติ สมุลฺลปนวาจา,
ยา สา "วาจา คิรา พฺยปโถ"ติ ๖- จ, "วาจา ๗- เนฬา กณฺณสุขา"ติ ๘- จ
เอวมาทีสุ อาคจฺฉติ. ยายํ ปน ๙- "วาจาย เจ กตํ กมฺมนฺ"ติ ๑๐- เอวํ วิญฺญตฺติ
จ, "ยา จตูหิ วจีทุจฺจริเตหิ อารติ วิรติ ฯเปฯ อยํ วุจฺจติ สมฺมาวาจา"ติ ๑๑-
เอวํ วิรติ จ, "ผรุสวาจา ภิกฺขเว อาเสวิตา ภาวิตา พหุลีกตา นิรยสํวตฺตนิกา
โหตี"ติ ๑๒- เอวํ เจตนา จ วาจาติ อาคจฺฉติ, สา อิธ อนธิปฺเปตา. กสฺมา?
อภาสิตพฺพโต. สุภาสิตา โหตีติ สุฏฺฐุ ภาสิตา. ๑๓- เตนสฺสา อตฺถาวหนตํ
ทีเปติ. น ทุพฺภาสิตาติ น ทุฏฺฐุ ภาสิตา. เตนสฺสา อนตฺถานาวหนตํ ทีเปติ.
อนวชฺชาติ วชฺชสงฺขาตราคาทิโทสวิรหิตา. เตนสฺสา การณสุทฺธิตํ ๑๔-
อคติคมนาทิปตฺติโทสาภาวญฺจ ๑๕- ทีเปติ. อนนุวชฺชา จาติ อนุวาทวิมุตฺตา. เตนสฺสา
สพฺพาการสมฺปตฺตึ ทีเปติ. วิญฺญูนนฺติ ปณฺฑิตานํ. เตน นินฺทาปสํสาสุ พาลา
อปฺปมาณาติ ทีเปติ.
@เชิงอรรถ:  ฉ.ม. เต เอวํ   ฉ.ม. อาลปนฺตา   ก. การณฏฺเฐน
@ ฉ.ม.,อิ. จตูหีติ   ก. อวยวฏฺเฐ   อภิ.สงฺ. ๑/๘๕๐/๒๒๐
@ ฉ.ม. อยํ ปาโฐ น ทิสฺสติ   ที.สี. ๙/๙/๕, ม.อุ. ๑๔/๑๔/๑๓   ฉ.ม. ยา ปน
@๑๐ อภิ.อ. ๑/๑๓๒  ๑๑ อภิ.สงฺ. ๓๔/๒๙๙/๘๘, อภิ.วิ. ๓๕/๒๐๖/๑๒๗
@๑๒ องฺ.อฏฺฐก. ๒๓/๔๐/๒๐๓  ๑๓ ฉ.ม. ภาสิตา โหติ
@๑๔ ฉ.ม. การณสุทฺธึ  ๑๕ สี. วตฺตุ โทสาภาวญฺจ, ฉ.ม. วุตฺตโทสาภาวญฺจ
      กตเมหิ จตูหีติ กเถตุกมฺยตาปุจฺฉา. อิธาติ อิมสฺมึ สาสเน. ภิกฺขเวติ
เยสํ กเถตุกาโม, ตทาลปนํ. ภิกฺขูติ วุตฺตปฺปการวาจาภาสนกปุคฺคลนิทสฺสนํ.
สุภาสิตํเยว ภาสตีติ ปุคฺคลาธิฏฺฐานาย เทสนาย จตูสุ วาจงฺเคสุ อญฺญตรงฺค-
นิทฺเทสวจนํ. โน ทุพฺภาสิตนฺติ ตสฺเสว วาจงฺคสฺส ปฏิกฺเขปภาสนนิวารณํ. ๑-
เตน "มุสาวาทาทโยปิ กทาจิ วตฺตพฺพา"ติ ทิฏฺฐึ นิเสเธติ. "โน ทุพฺภาสิตนฺ"ติ
อิมินา วา มิจฺฉาวาจปฺปหานํ ทีเปติ, "สุภาสิตนฺ"ติ อิมินา ปหีนมิจฺฉาวาเจน
สตา ภาสิตพฺพวจนลกฺขณํ. ตถา ปาปสฺส อกรณํ, กุสลสฺส อุปสมฺปทํ.
องฺคปริทีปนตฺถํ ปน อภาสิตพฺพํ ปุพฺเพ อวตฺวา ภาสิตพฺพเมวาห. เอส นโย
ธมฺมํเยวาติอาทีสุปิ.
      เอตฺถ จ "สุภาสิตํเยว ภาสติ โน ทุพฺภาสิตนฺ"ติ อิมินา ปิสุณโทสรหิตํ
สมคฺคกรณวจนํ วุตฺตํ, "ธมฺมํเยว ภาสติ โน อธมฺมนฺ"ติ อิมินา สมฺผปฺปลาป-
โทสรหิตํ ๒- ธมฺมโต อนเปตํ มนฺตาวจนํ วุตฺตํ, อิตเรหิ ทฺวีหิ ผรุสาลิกรหิตานิ
ปิยสจฺจวจนานิ วุตฺตานิ. อิเมหิ โขติอาทินา ปน ตานิ องฺคานิ ปจฺจกฺขโต
ทสฺเสนฺโต ตํ วาจํ นิคเมติ. วิเสสโต เจตฺถ "อิเมหิ โข ภิกฺขเว จตูหิ องฺเคหิ
สมนฺนาคตา วาจา สุภาสิตา โหตี"ติ ภณนฺโต ยทญฺเญ ปฏิญฺญาทีหิ อวยเวหิ
นามาทิปเทหิ ลิงฺควจนวิภตฺติกาลการกาทิสมฺปตฺตีหิ จ สมนฺนาคตํ วาจํ
"สุภาสิตนฺ"ติ ปญฺญเปนฺติ, ๓- ตํ ธมฺมโต ปฏิเสเธติ. อวยวาทิสมฺปนฺนาปิ หิ
เปสุญฺญาทิสมนฺนาคตา วาจา ทุพฺภาสิตาว โหติ อตฺตโน ปเรสญฺจ อนตฺถาวหตฺตา.
อิเมหิ ปน จตูหิ องฺเคหิ สมนฺนาคตา สเจปิ มิลกฺขภาสปริยาปนฺนา ๔- ฆฏเจฏิกาคีติก-
ปริยาปนฺนา ๕- วา โหติ, ตถาปิ สุภาสิตา เอว โลกิยโลกุตฺตรหิตสุขาวหตฺตา.
สีหลทีเป มคฺคปสฺเส สสฺสํ รกฺขนฺติยา สีหลเจฏิกาย สีหลเกเนว
@เชิงอรรถ:  ฉ.ม. ปฏิปกฺขภาสนนิวารณํ   ฉ.ม.,อิ. สมฺผโทสรหิตํ   ฉ.ม. มญฺญนฺติ
@ ฉ.ม. มิลกฺขุภาสาปริยาปนฺนา, เอวมุปริปิ   สี.,ก. ฆฏเจฏิกาคีตก...
ชาติชราพฺยาธิมรณยุตฺตํ ๑- คีตํ คายนฺติยา สุตฺวา มคฺคํ คจฺฉนฺตา สฏฺฐิมตฺตา
วิปสฺสกา ภิกฺขู เจตฺถ อรหตฺตํ ปตฺตา นิทสฺสนํ. ตถา ติสฺโส นาม อารทฺธวิปสฺสโก
ภิกฺขุ ปทุมสรสมีเปน คจฺฉนฺโต ปทุมสเรสุ ๒- ปทุมานิ ภญฺชิตฺวา ภญฺชิตฺวา:-
        "ปาโต ผุลฺลํ ๓- โกกนทํ    สูริยาโลเกน ตชฺชียเต ๔-
        เอวํ มนุสฺสตฺตคตา สตฺตา    ชราภิเวเคน มิลายนฺตี"ติ ๕-
อิมํ คีตํ คายนฺติยา เจฏิกาย สุตฺวา อรหตฺตํ ปตฺโต, พุทฺธนฺตเร จ อญฺญตโร
ปุริโส สตฺตหิ ปุตฺเตหิ สทฺธึ วนา อาคมฺม อญฺญตราย อิตฺถิยา มุสเลน
ตณฺฑุเล โกฏฺเฏนฺติยา:-
        "ชราย ปริมทฺทิตํ เอตํ      มิลาตจฺฉวิจมฺมนิสฺสิตํ
        มรเณน ภิชฺชติ เอตํ        มจฺจุสฺส ฆสมามิสํ.
        กิมีนํ อาลยํ เอตํ          นานากุณเปน ปูริตํ
        อสุจิสฺส ภาชนํ เอตํ        กทลิกฺขนฺธสมํ อิทนฺ"ติ
อิมํ คีติกํ สุตฺวา สห ปุตฺเตหิ ปจฺเจกโพธึ ปตฺโต, อญฺเญ จ อีทิเสหิ อุปาเยหิ
อริยภูมึ ปตฺตา นิทสฺสนํ. อนจฺฉริยํ ปเนตํ, ยํ ภควตา อาสยานุสยกุสเลน
"สพฺเพ สงฺขารา อนิจฺจา"ติอาทินา นเยน วุตฺตา คาถาโย สุตฺวา ปญฺจสตา
ภิกฺขู อรหตฺตํ ปาปุณึสุ, อญฺเญ จ ขนฺธายตนาทิปฏิสํยุตฺตา ภาสิตกถา สุตฺวา ๖-
อเนเก เทวมนุสฺสาติ. เอวํ อิเมหิ จตูหิ องฺเคหิ สมนฺนาคตา วาจา สเจปิ
มิลกฺขภาสาปริยาปนฺนา ฆฏเจฏิกาคีติกปริยาปนฺนา วา โหติ, ตถาปิ "สุภาสิตา"ติ
เวทิตพฺพา. สุภาสิตตฺตา เอว จ อนวชฺชา จ อนนุวชฺชา จ วิญฺญูนํ
อตฺถตฺถิกานํ กุลปุตฺตานํ อตฺถปฏิสรณานํ, โน พฺยญฺชนปฏิสรณานนฺติ.
@เชิงอรรถ:  ฉ.ม. ชาติชรามรณปฏิสํยุตฺตํ   ฉ.ม.,อิ. ปทุมสเร
@ สี.,อิ. ปาตกผุลฺลิต...   ฉ.ม. ภชฺชิยเต
@ ฉ.,อิ. มทฺทียนฺตีติ   ฉ.ม.,อิ. กถา สุตฺวา
      อิทมโวจ ภควาติ อิทํ สุภาสิตลกฺขณํ ภควา อโวจ. อิทํ วตฺวาน
สุคโต, อถาปรํ เอตทโวจ สตฺถาติ อิทํ จ ลกฺขณํ วตฺวา อถ อญฺญมฺปิ เอตํ
อโวจ สตฺถา. อิทานิ วตฺตพฺพคาถํ ทสฺเสตฺวา ๑- สพฺพเมตํ สงฺคีติการกา อาหํสุ.
ตตฺถ อปรนฺติ คาถาพนฺธวจนํ สนฺธาย วุจฺจติ. ตํ ทุวิธํ โหติ:- ปจฺฉา
อาคตปริสํ อสฺสวนสุสฺสวนอาธารณทฬฺหีกรณาทีนิ วา สนฺธาย ตทตฺถทีปกเมว
จ, ปุพฺเพ เกนจิ การเณน ปริหาปิตสฺส อตฺถสฺส ทีปเนน อตฺถวิเสสทีปกญฺจ
"ปุริสสฺส หิ ชาตสฺส กุฐารี ชายเต มุเข"ติอาทีสุ ๒- วิย. อิธ ปน
ตทตฺถทีปกเมว.
      [๔๕๓] ตตฺถ สนฺโตติ พุทฺธาทโย. เต หิ สุภาสิตํ "อุตฺตมํ เสฏฺฐนฺ"ติ
วณฺณยนฺติ. ทุติยํ ตติยํ จตุตฺถนฺติ อิทํ ปน ปุพฺเพ นิทฺทิฏฺฐกฺกมํ อุปาทาย
วุตฺตํ. คาถาปริโยสาเน ปน วงฺคีสตฺเถโร ภควโต สุภาสิเต ปสีทิ.
      โส ยํ ปสนฺนาการํ อกาสิ, ยญฺจ วจนํ ภควา อภาสิ, ตํ ทสฺเสนฺตา
สงฺคีติการกา "อถ โข อายสฺมา"ติอาทิมาหํสุ. ตตฺถ ปฏิภาติ มนฺติ มม ภาโค
ปกาสติ. ปฏิภาตุ ตนฺติ ตว ภาโค ปกาสตุ. สารุปฺปาหีติ อนุจฺฉวิกาหิ. อภิตฺถวีติ
ปสํสิ.
     [๔๕๔] น ตาปเยติ วิปฺปฏิสาเรน น ตาเปยฺย. น วิหึเสยฺยาติ
อญฺญมญฺญํ ภินฺทนฺโต น พาเธยฺย. สา เว วาจาติ สา วาจา เอกํเสเนว
สุภาสิตา. เอตฺตาวตา อปิสุณวาจาย ภควนฺตํ โถเมติ.
    [๔๕๕] ปฏินนฺทิตาติ หฏฺเฐน หทเยน ปฏิมุขํ คนฺตฺวา นนฺทิตา
สมฺปิยายิตา ยํ อนาทาย ปาปานิ, ปเรสํ ภาสเต ปิยนฺติ ยํ วาจํ ๓- ภาสนฺโต
ปเรสํ ปาปานิ อปฺปิยานิ ปฏิกูลานิ ผรุสวจนานิ อนาทาย
@เชิงอรรถ:  สี. วตฺตพฺพา คาถา ทสฺเสนฺโต   ขุ.สุ. ๒๕/๖๖๓/๔๖๔   ก. วจนํ
อตฺถพฺยญฺชนมธุรปิยวจนเมว ๑- ภาสติ, ตํ ปิยวาจเมว ภาเสยฺยาติ วุตฺตํ โหติ. อิมาย
คาถาย ปิยวจเนน ภควนฺตํ อภิตฺถวิ.
      [๔๕๖] อมตาติ อมตสทิสา มธุรภาเวน. ๒- วุตฺตมฺปิ เจตํ "สจฺจํ หเว
สาธุตรํ ๓- รสานนฺ"ติ ๔- นิพฺพานามตปจฺจยตฺตา วา อมตา. เอส ธมฺโม สนนฺตโนติ
ยายํ สจฺจวาจา นาม, เอส โปราโณ ธมฺโม จริยา ปเวณี. อิทเมว หิ โปราณานํ
อาจิณฺณํ, น เต อลิกํ ภาสึสุ. เตเนวาห "สจฺเจ อตฺเถ จ ธมฺเม จ, อหุ ๕-
สนฺโต ปติฏฺฐิตา"ติ. ตตฺถ สจฺเจ ปติฏฺฐิตตฺตา เอว อตฺตโน จ ปเรสญฺจ
อตฺเถ ปติฏฺฐิตา, อตฺเถ ปติฏฺฐิตตฺตา เอว จ ธมฺเม ปติฏฺฐิตา โหนฺตีติ เวทิตพฺพา.
ปรํ วา ทฺวยํ สจฺจวิเสสนมิจฺเจว เวทิตพฺพํ. สจฺเจ ปติฏฺฐิตา. กีทิเส? อตฺเถ
จ ธมฺเม จ, ยํ ปเรสํ อตฺถโต อนเปตตฺตา อตฺถํ อนุปโรธํ กโรตีติ
วุตฺตํ โหติ. สติปิ จ อนุปโรธกรตฺเต ๖- ธมฺมโต อนเปตตฺตา ธมฺมํ, ยํ
ธมฺมิกเมว อตฺถํ ตํ สาเธตีติ วุตฺตํ โหติ. อิมาย คาถาย สจฺจวจเนน ภควนฺตํ
อภิตฺถวิ.
      [๔๕๗] เขมนฺติ อภยํ นิรุปทฺทวํ. เกน การเณนาติ เจ? นิพฺพานปฺปตฺติยา
ทุกฺขสฺสนฺตกิริยาย, ยสฺมา กิเลสนิพฺพานํ ปาเปติ, วฏฺฏทุกฺขสฺส จ
อนฺตกิริยาย สํวตฺตตีติ อตฺโถ. อถ วา ยํ พุทฺโธ นิพฺพานปฺปตฺติยา ทุกฺขสฺสนฺต-
กิริยายาติ ทฺวินฺนํ นิพฺพานธาตูนมตฺถาย เขมมคฺคสฺส ปกาสนโต เขมํ วาจํ ภาสติ,
สา เว วาจานมุตฺตมาติ สา วาจา สพฺพวาจานํ เสฏฺฐาติ เอวเมตฺถ อตฺโถ
เวทิตพฺโพ. อิมาย คาถาย มนฺตาวจเนน ภควนฺตํ อภิตฺถวนฺโต อรหตฺตนิกูเฏน
@เชิงอรรถ:  ฉ.ม. อตฺถพฺยญฺชนมธุรํ ปิยเมว วจนํ   ฉ.ม. สาทุภาเวน
@ ฉ.ม. สาทุตรํ   สํ.ส. ๑๕/๗๓/๔๘, ขุ.สุ. ๒๕/๑๘๔/๓๗๐
@ สี.,ม. อาหุ   ก. อนุปโรธกตฺเต
เทสนํ นิฏฺฐาเปสีติ อยเมตฺถ อนุปุพฺพปทวณฺณนา. ๑- เสสํ วุตฺตนเยเนว
เวทิตพฺพนฺติ.
                     ปรมตฺถโชติกาย ขุทฺทกฏฺฐกถาย
                          สุตฺตนิปาตฏฺฐกถาย
                      สุภาสิตสุตฺตวณฺณนา นิฏฺฐิตา.
                         --------------


             อรรถกถาภาษาบาลีอักษรไทย เล่มที่ ๒๙ หน้า ๒๑๕-๒๒๒. http://84000.org/tipitaka/atthapali/read_th.php?B=29&A=4860&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=29&A=4860&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=356              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=8499              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=8511              The Pali Tipitaka in Roman Character :- http://84000.org/tipitaka/read/roman_read.php?B=25&A=8511              สารบัญพระไตรปิฎกเล่มที่ ๒๕ http://84000.org/tipitaka/read/?index_25

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]