บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{๓๒๓} ติเกสุ ฯ อตฺถาปตฺติ ติฏฺนฺเต ภควติ อาปชฺชตีติ อตฺถิ อาปตฺติ ยํ ติฏฺนฺเต ภควติ อาปชฺชตีติ อตฺโถ ฯ เอส นโย สพฺพตฺถ ฯ ตตฺถ รุหิรุปฺปาทาปตฺตึ ติฏฺนฺเต อาปชฺชติ ฯ เอตรหิ โข ปนานนฺท ภิกฺขู อญฺมญฺ อาวุโสวาเทน สมุทาจรนฺติ น โว มมจฺจเยน เอวํ สมุทาจริตพฺพํ นวเกน อานนฺท ภิกฺขุนา เถโร ภิกฺขุ ภทนฺเตติ วา อายสฺมาติ วา สมุทาจริตพฺโพติ วจนโต เถรํ อาวุโสวาเทน สมุทาจรณปฺปจฺจยา อาปตฺตึ ปรินิพฺพุเต ภควติ อาปชฺชติ โน ติฏฺนฺเต ฯ อิมา เทฺว อาปตฺติโย เปตฺวา อวเสสา ธรนฺเตปิ ภควติ อาปชฺชติ ปรินิพฺพุเตปิ ฯ ปวาเรตฺวา อนติริตฺตํ ภุญฺชนฺโต อาปตฺตึ กาเล อาปชฺชติ โน วิกาเล ฯ วิกาลโภชนาปตฺตึ ปน วิกาเล อาปชฺชติ โน กาเล ฯ อวเสสํ กาเล เจว อาปชฺชติ วิกาเล จ ฯ สหาคารเสยฺยํ รตฺตึ อาปชฺชติ ทฺวารํ อสํวริตฺวา ปฏิสลฺลียนํ ทิวา ฯ เสสา รตฺติญฺเจว ทิวา จ ฯ ทสวสฺโสมฺหิ อติเรกทสวสฺโสมฺหีติ พาโล อพฺยตฺโต ปริสํ อุปฏฺเปนฺโต ทสวสฺโส อาปชฺชติ น อูนทสวสฺโส ฯ อหํ ปณฺฑิโต พฺยตฺโตติ นโว วา มชฺฌิโม วา ปริสํ อุปฏฺเปนฺโต อูนทสวสฺโส อาปชฺชติ โน ทสวสฺโส ฯ เสสํ ทสวสฺโส เจว อาปชฺชติ อูนทสวสฺโส จ ฯ ปญฺจวสฺโสมฺหีติ พาโล อพฺยตฺโต อนิสฺสาย วสนฺโต ปญฺจวสฺโส อาปชฺชติ ฯ อหํ ปณฺฑิโต พฺยตฺโตติ นวโก อนิสฺสาย วสนฺโต อูนปญฺจวสฺโส อาปชฺชติ ฯ เสสํ ปญฺจวสฺโส เจว อาปชฺชติ อูนปญฺจวสฺโส จ ฯ อนุปสมฺปนฺนํ ปทโส ธมฺมํ วาเจนฺโต มาตุคามสฺส ธมฺมํ เทเสนฺโตติ เอวรูปึ อาปตฺตึ กุสลจิตฺโต อาปชฺชติ ฯ ปาราชิก วิสฏฺิ กายสํสคฺค ทุฏฺุลฺลอตฺตกามปาริจริยทุฏฺโทสสงฺฆเภทปหารทานตลสตฺติกาทิเภทํอกุสล- จิตฺโต อาปชฺชติ ฯ อสญฺจิจฺจ สหาคารเสยฺยาทึ อพฺยากตจิตฺโต อาปชฺชติ ฯ ยํ อรหา อาปชฺชติ สพฺพํ อพฺยากตจิตฺโตว อาปชฺชติ ฯ เมถุนธมฺมาทิเภทมาปตฺตึ สุขเวทนาสมงฺคี อาปชฺชติ ฯ ทุฏฺโทสาทิเภทํ ทุกฺขเวทนาสมงฺคี ฯ ยํ สุขเวทนาสมงฺคี อาปชฺชติ ตํเยว มชฺฌตฺโต หุตฺวา อาปชฺชนฺโต อทุกฺขมสุขเวทนาสมงฺคี อาปชฺชติ ฯ ตโย ปฏิกฺเขปาติ พุทฺธสฺส ภควโต ตโย ปฏิกฺเขปา จตูสุ ปจฺจเยสุ มหิจฺฉตา อสนฺตุฏฺิตา กิเลสสลฺเลขนกปฏิปตฺติยา อโคปายนา อิเม หิ ตโย ธมฺมา พุทฺเธน ภควตา ปฏิกฺขิตฺตา ฯ อปฺปิจฺฉตาทโย ปน ตโย พุทฺเธน ภควตา อนุญฺาตา ฯ เตน วุตตํ ตโย อนุญฺาตาติ ฯ ทสวสฺโสมฺหีติ ปริสํ อุปฏฺเปนฺโต ปญฺจวสฺโสมฺหีติ นิสฺสยํ อคณฺหนฺโต พาโล อาปชฺชติ น ปณฺฑิโต ฯ อูนทสวสฺโส พฺยตฺโตมฺหีติ พหุสฺสุตตฺตา ปริสํ อุปฏฺเปนฺโต อูนปญฺจวสฺโส จ นิสฺสยํ อคณฺหนฺโต ปณฺฑิโต อาปชฺชติ โน พาโล ฯ อวเสสํ ปณฺฑิโต เจว อาปชฺชติ พาโล จ ฯ วสฺสํ อนุปคจฺฉนฺโต กาเฬ อาปชฺชติ โน ชุณฺเห ฯ มหาปวารณาย อปวาเรนฺโต ชุณฺเห อาปชฺชติ โน กาเฬ ฯ อวเสสํ กาเฬ เจว อาปชฺชติ ชุณฺเห จ ฯ วสฺสูปคมนํ กาเฬ กปฺปติ โน ชุณฺเห ฯ มหาปวารณาย ปวารณา ชุณฺเห กปฺปติ โน กาเฬ ฯ เสสํ อนุญฺาตํ กาเฬ เจว กปฺปติ ชุณฺเห จ ฯ กตฺติกปุณฺณมาสิยา ปจฺฉิเม ปาฏิปททิวเส วิกปฺเปตฺวา ปิตํ วสฺสิกสาฏิกํ นิวาเสนฺโต เหมนฺเต อาปชฺชติ ฯ กุรุนฺทิยํ ปน กตฺติกปุณฺณมีทิวเส อปจฺจุทฺธริตฺวา เหมนฺเต อาปชฺชตีติ วุตฺตํ ฯ ตํปิ สุวุตฺตํ ฯ จาตุมาสํ อธิฏฺาตุํ ตโต ปรํ วิกปฺเปตุนฺติ หิ วุตฺตํ ฯ อติเรกมาเส เสเส คิมฺหาเน ปริเยสนฺโต อติเรกฑฺฒมาเส เสเส กตฺวา นิวาเสนฺโต จ คิมฺเห อาปชฺชติ นาม ฯ สติยา วสฺสิกสาฏิกาย นคฺโค กายํ โอวสฺสาเปนฺโต วสฺเส อาปชฺชติ นาม ฯ ปาริสุทฺธิอุโปสถํ วา อธิฏฺานุโปสถํ วา กโรนฺโต สงฺโฆ อาปชฺชติ ฯ สุตฺตุทฺเทสญฺจ อธิฏฺานุโปสถญฺจ กโรนฺโต คโณ อาปชฺชติ ฯ เอกโก สุตฺตุทฺเทสํ กโรนฺโต ปุคฺคโล อาปชฺชติ ฯ ปวารณายปิ เอเสว นโย ฯ สงฺฆุโปสโถ จ สงฺฆปวารณา จ สงฺฆสฺเสว กปฺปติ ฯ คณุโปสโถ จ คณปวารณา จ คณสฺเสว กปฺปติ ฯ อธิฏฺานุโปสโถ จ อธิฏฺานปวารณา จ ปุคฺคลสฺเสว กปฺปติ ฯ ปาราชิกํ อาปนฺโนมฺหีติอาทีนิ ภณนฺโต วตฺถุํ ฉาเทติ น อาปตฺตึ ฯ เมถุนํ ธมฺมํ ปฏิเสวินฺติอาทีนิ ภณนฺโต อาปตฺตึ ฉาเทติ โน วตฺถุํ ฯ โย เนว วตฺถุํ น อาปตฺตึ อาโรเจติ ฯ อยํ วตฺถุญฺเจว ฉาเทติ อาปตฺตึ จ ฯ ปฏิจฺฉาเทตีติ ปฏิจฺฉาทิ ฯ ชนฺตาฆรเมว ปฏิจฺฉาทิ ชนฺตาฆรปฏิจฺฉาทิ ฯ อิตราสุปิ เอเสว นโย ฯ ทฺวารํ ปิทหิตฺวา อนฺโตชนฺตาฆเร ิเตน ปริกมฺมํ กาตุํ วฏฺฏติ ฯ อุทเก โอติณฺเณนาปิ เอตเทว วฏฺฏติ ฯ อุภยตฺถ ขาทิตุํ วา ภุญฺชิตุํ วา น วฏฺฏติ ฯ วตฺถปฏิจฺฉาทิ สพฺพตฺถ กปฺปิยา ฯ ตาย ปฏิจฺฉนฺเนน สพฺพํ กาตุํ วฏฺฏติ ฯ วหนฺตีติ ยนฺติ นิยฺยนฺติ นินฺทํ วา ปฏิกฺโกสํ วา น ลภนฺติ ฯ จนฺทมณฺฑลํ อพฺภา มหิกา ธูมรชราหุวิมุตฺตํ วิวฏํเยว วิโรจติ น เตสุ อญฺตเรน ปฏิจฺฉนฺนํ ฯ ตถา สุริยมณฺฑลํ ฯ ธมฺมวินโยปิ วิวริตฺวา วิภชิตฺวา เทสิยมาโนว วิโรจติ โน ปฏิจฺฉนฺโน ฯ อญฺเน เภสชฺเชน กรณีเย อญฺ วิญฺาเปนฺโต คิลาโน อาปชฺชติ ฯ น เภสชฺเชน กรณีเย เภสชฺชํ วิญฺาเปนฺโต อคิลาโน อาปชฺชติ ฯ อวเสสํ อาปตฺตึ คิลาโน เจว อาปชฺชติ อคิลาโน จ ฯ อนฺโต อาปชฺชติ โน พหีติ อนูปขชฺช เสยฺยํ กปฺเปนฺโต อาปชฺชติ ฯ พหิ อาปชฺชติ โน อนฺโตติ สงฺฆิกํ มญฺจาทึ อชฺโฌกาเส สนฺถริตฺวา ปกฺกมนฺโต พหิ อาปชฺชติ ฯ อวเสสํ ปน อนฺโต เจว อาปชฺชติ พหิ จ ฯ อนฺโตสีมายาติ อาคนฺตุโก อาคนฺตุกวตฺตํ อทสฺเสตฺวา สฉตฺตุปาหโน วิหารํ ปวิสนฺโต อุปจารสีมํ โอกฺกนฺตมตฺโตว อาปชฺชติ ฯ พหิสีมายาติ คมิโก ทารุภณฺฑปฏิสามนาทึ คมิกวตฺตํ อปูเรตฺวา ปกฺกมนฺโต อุปจารสีมํ อติกฺกนฺตมตฺโตว อาปชฺชติ ฯ อวเสสํ อนฺโต สีมาย เจว อาปชฺชติ พหิ สีมาย จ ฯ สติ วุฑฺฒตเร อนชฺฌิฏฺโ ธมฺมํ ภาสนฺโต สงฺฆมชฺเฌ อาปชฺชติ นาม ฯ คณมชฺเฌปิ ปุคฺคลสนฺติเกปิ เอเสว นโย ฯ กาเยน วุฏฺาตีติ ติณวตฺถารกสมเถน วุฏฺาติ ฯ กายํ อจาเลตฺวา วาจาย เทเสนฺตสฺส วาจาย วุฏฺาติ ฯ วจีสมฺปยุตฺตํ กายกิริยํ กตฺวา เทเสนฺตสฺส กาเยน วาจาย วุฏฺาติ นาม ฯ สงฺฆมชฺเฌ เทสนาคามินีปิ วุฏฺานคามินีปิ วุฏฺาติ ฯ คณปุคฺคลมชฺเฌ ปน เทสนาคามินีปิเยว วุฏฺาติ ฯ อาคาฬฺหาย เจเตยฺยาติ อาคาฬฺหาย ทฬฺหภาวาย เจเตยฺย ฯ ตชฺชนียกมฺมาทิกตสฺส วตฺตํ น ปูรยโต อิจฺฉมาโน สงฺโฆ อุกฺเขปนียกมฺมํ กเรยฺยาติ อตฺโถ ฯ อลชฺชี จ โหติ พาโล จ อปกตตฺโต จาติ เอตฺถ พาโล อยํ ธมฺมาธมฺมํ น ชานาตีติ อปกตตฺโต วา อาปตฺตานาปตฺตึ น ชานาตีติ น เอตฺตาวตา กมฺมํ กาตพฺพํ ฯ พาลภาวมูลกํ อปกตตฺตภาวมูลกญฺจ อาปตฺตึ อาปนฺนสฺส กมฺมํ กาตพฺพนฺติ อตฺโถ ฯ อธิสีเล สีลวิปนฺโน นาม เทฺว อาปตฺติกฺขนฺเธ อาปนฺโน ฯ อาจารวิปนฺโน นาม ปญฺจ อาปตฺติกฺขนฺเธ อาปนฺโน ฯ ทิฏฺิวิปนฺโน นาม อนฺตคาหิกาย ทิฏฺิยา สมนฺนาคโต ฯ เตสํ อาปตฺตึ อปฺปสฺสนฺตานํ อปฺปฏิกโรนฺตานํ ทิฏฺึ จ อนิสฺสชฺชนฺตานํเยว กมฺมํ กาตพฺพํ ฯ กายิโก ทโว นาม ปาสกาทีหิ ชุตกีฬนาทิเภโท อนาจาโร ฯ วาจสิโก ทโว นาม มุขาฬมฺพรกรณาทิเภโท อนาจาโร ฯ กายิกวาจสิโก นาม นจฺจนคายนาทิเภโท ทฺวีหิปิ ทฺวาเรหิ อนาจาโร ฯ กายิโก อนาจาโร นาม กายทฺวาเร ปญฺตฺตสิกฺขาปทวีติกฺกโม ฯ วาจสิโก อนาจาโร นาม วจีทฺวาเร ปญฺตฺตสิกฺขาปทวีติกฺกโม ฯ กายิกวาจสิโก นาม ทฺวารทฺวเยปิ ปญฺตฺตสิกฺขาปทวีติกฺกโม ฯ กายิเกน อุปฆาติเกนาติ กายทฺวาเร ปญฺตฺตสฺส สิกฺขาปทสฺส อสิกฺขเนน ฯ โย หิ ตํ น สิกฺขติ โส นํ อุปฆาเตติ ฯ ตสฺมา ตสฺสา ตํ อสิกฺขนํ กายิกํ อุปฆาติกนฺติ วุจฺจติ ฯ เสสปททฺวเยปิ เอเสว นโย ฯ กายิเกน มิจฺฉาชีเวนาติ ชงฺฆเปสนิกาทินา วา คณฺฑุผาฬนาทินา วา เวชฺชกมฺเมน ฯ วาจสิเกนาติ สาสนอุคฺคณฺหนอาโรจนาทินา ฯ ตติยปทํ อุภยสมฺปโยควเสน วุตฺตํ ฯ อลํ ภิกฺขุ มา ภณฺฑนนฺติ อลํ ภิกฺขุ มา ภณฺฑนํ กริ มา กลหํ มา วิคฺคหํ มา วิวาทํ กรีติ อตฺโถ ฯ น โวหริตพฺโพติ น กิญฺจิ วตฺตพฺโพ ฯ วทโตปิ หิ ตาทิสสฺส น วจนํ โสตพฺพํ มญฺนฺติ ฯ น กิสฺมิญฺจิ ปจฺเจกฏฺาเนติ กิสฺมิญฺจิ วีชนีคาหาทิเก เอกสฺมึปิ เชฏฺกฏฺาเน น เปตพฺโพติ อตฺโถ ฯ โอกาสํ การาเปนฺตสฺสาติ กโรตุ อายสฺมา โอกาสํ อหํ ตํ วตฺตุกาโมติ เอวํ โอกาสํ กาเรนฺตสฺส ฯ นาลํ โอกาสกมฺมํ กาตุนฺติ กึ ตฺวํ กริสฺสสีติ โอกาโส น กาตพฺโพ ฯ สวจนียํ นาทาตพฺพนฺติ น อาทาตพฺพํ วจนํปิ น โสตพฺพํ ฯ ยตฺถ คเหตฺวา คนฺตุกาโม โหติ น ตตฺถ คนฺตพฺพนฺติ อตฺโถ ฯ ตีหงฺเคหิ สมนฺนาคตสฺส ภิกฺขุโน วินโยติ ยํ โส ชานาติ โส ตสฺส วินโย นาม โหติ โส น ปุจฺฉิตพฺโพติ อตฺโถ ฯ อนุโยโค น ทาตพฺโพติ อิทํ กปฺปตีติ ปุจฺฉนฺตสฺส ปุจฺฉาย โอกาโส น ทาตพฺโพ อญฺโ ปุจฺฉาติ วตฺตพฺโพ โยปิ ตํ ปุจฺฉติ โส อญฺ ปุจฺฉาติ วตฺตพฺโพ อิติ โส เนว ปุจฺฉิตพฺโพ นาสฺส ปุจฺฉา โสตพฺพาติ อตฺโถ ฯ วินโย น สากจฺฉิตพฺโพติ วินยปญฺโห น สากจฺฉิตพฺโพ ฯ กปฺปิยากปฺปิยกถา น สํสนฺเทตพฺพา ฯ อิทมปฺปหายาติ เอตํ พฺรหฺมจาริปฏิญฺาตาทิกํ ลทฺธึ อวิชหิตฺวา ฯ สุทฺธํ พฺรหฺมจารินฺติ ขีณาสวํ ภิกฺขุํ ฯ ปาตพฺยตํ อาปชฺชตีติ ปาตพฺยภาวํ ปฏิเสวนํ อาปชฺชติ ฯ อิทมปฺปหายาติ วจนโต ปน ตํ พฺรหฺมจาริปฏิญฺาตํ ปหาย ขีณาสวํ มุสา มยา ภณิตํ ขมถ เมติ ขมาเปตฺวา นตฺถิ กาเมสุ โทโสติ ลทฺธึ วิชหิตฺวา คติวิโสธนํ กเรยฺย ฯ อกุสลมูลานีติ อกุสลานิ เจว มูลานิ จ อกุสลานํ วา มูลานิ อกุสลมูลานิ ฯ กุสลมูเลปิ เอเสว นโย ฯ ทุฏฺุ จริตานิ วิรูปานิ วา จริตานิ ทุจฺจริตานิ ฯ สุฏฺุ จริตานิ สุนฺทรานิ วา จริตานิ สุจริตานิ ฯ กาเยน กรณภูเตน กตํ ทุจฺจริตํ กายทุจฺจริตํ ฯ เอเสว นโย สพฺพตฺถ ฯ เสสํ ตตฺถ ตตฺถ วุตฺตนยตฺตา อุตฺตานเมวาติ ฯ ติกวณฺณนา นิฏฺิตา ฯอรรถกถาภาษาบาลีอักษรไทย เล่มที่ ๓ หน้า ๔๙๗-๕๐๓. http://84000.org/tipitaka/atthapali/read_th.php?B=3&A=10129&modeTY=1 The Pali Atthakatha in Roman :- http://84000.org/tipitaka/atthapali/read_rm.php?B=3&A=10129&modeTY=1 อ่านอรรถกถาแปลไทย :- http://84000.org/tipitaka/attha/attha.php?b=8&i=954 เนื้อความพระไตรปิฎกฉบับหลวง :- http://84000.org/tipitaka/read/r.php?B=8&A=7628 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=8&A=6188 The Pali Tipitaka in Roman Character :- http://84000.org/tipitaka/read/roman_read.php?B=8&A=6188 สารบัญพระไตรปิฎกเล่มที่ ๔ http://84000.org/tipitaka/read/?index_8
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]