ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๓ ภาษาบาลีอักษรไทย วินย.อ. (สมนฺต.๓)

     {๒๕๔} อุจฺจาสยนมหาสยนานีติ เอตฺถ อุจฺจาสยนนฺติ ปมาณาติกฺกนฺตํ
มญฺจํ ฯ มหาสยนนฺติ อกปฺปิยปจฺจตฺถรณํ ฯ อาสนฺทิอาทีสุ
อาสนฺทีติ ปมาณาติกฺกนฺตาสนํ ฯ ปลฺลงฺโกติ ปาเทสุ (วา)
วาฬรูปานิ เปตฺวา กโต ฯ โคณโกติ ทีฆโลมโก มหาโกชโว ฯ
จตุรงฺคุลาธิกานิ กิร ตสฺส โลมานิ ฯ จิตฺตโกติ วาฬจิตฺต-
อุณฺณามยตฺถรโก ๑- ฯ ปฏิกาติ อุณฺณามโย เสตตฺถรโก ฯ ปฏลิกาติ
ฆนปุปฺผโก อุณฺณามยตฺถรโก โยนกทมิฬปโฏติ วุจฺจติ ฯ ตูลิกาติ
ปกติตูลิกาเยว ฯ วิกติกาติ สีหพฺยคฺฆาทิรูปวิจิตฺโต อุณฺณามยตฺถรโก ฯ
@เชิงอรรถ: ๑. เยภุยฺเยน ปน วานจิตฺต...อิติ ทิสฺสติ ฯ
อุทฺธโลมีติ เอกโต อุคฺคตโลมํ อุณฺณามยตฺถรณํ อุทฺธํโลมีติปิ
ปาโ ฯ เอกนฺตโลมีติ อุภโต อุคฺคตโลมํ อุณฺณามยตฺถรณํ ฯ
กฏิสฺสนฺติ รตนปริสิพฺพิตํ โกเสยฺยกฏิสฺสมยํ ปจฺจตฺถรณํ ฯ
โกเสยฺยนฺติ รตนปริสิพฺพิตํ โกเสยฺยสุตฺตมยํ ปจฺจตฺถรณํ ฯ
สุทฺธโกเสยฺยํ ปน วฏฺฏติ ฯ กุตฺตกนฺติ โสฬสนฺนํ นาฏกิตฺถีนํ ตฺวา
นจฺจโยคฺคํ อุณฺณามยปจฺจตฺถรณํ ฯ หตฺถตฺถรอสฺสตฺถรา หตฺถิ-
อสฺสปิฏฺีสุ อตฺถรกาเอว ฯ รถตฺถเรปิ เอเสว นโย ฯ อชินปฺ-
ปเวณีติ อชินจมฺเมหิ มญฺจปฺปมาเณน สิพฺพิตฺวา กตา ปเวณิ ฯ
กทลีมิคปวรปจฺจตฺถรณนฺติ กทลีมิคจมฺมนฺนาม อตฺถิ เตน กตํ
ปวรปจฺจตฺถรณํ ฯ อุตฺตมปจฺจตฺถรณนฺติ อตฺโถ ฯ ตํ กิร
เสตวตฺถสฺส อุปริ กทลีมิคจมฺมํ ปตฺถริตฺวา สิพฺเพตฺวา กโรนฺติ ฯ
สอุตฺตรจฺฉทนฺติ สห อุตฺตรจฺฉเทน อุปริพทฺเธน รตฺตวิตาเนน
สทฺธินฺติ อตฺโถ ฯ เสตวิตานมฺปิ เหฏฺา อกปฺปิยปจฺจตฺถรเณ
สติ น วฏฺฏติ อสติ ปน วฏฺฏติ ฯ อุภโตโลหิตกุปธานนฺติ
สีสุปธานญฺจ ปาทุปธานญฺจาติ มญฺจสฺส อุภโต โลหิตกุปธานํ
เอตํ น วฏฺฏติ ฯ ยมฺปน เอกเมว อุปธานํ อุโภสุ ปสฺเสสุ
รตฺตํ วา โหตุ ปทุมวณฺณํ วา จิตฺตํ วา สเจ ปมาณยุตฺตํ
วฏฺฏติ ฯ มหาอุปธานํ ปน ปฏิกฺขิตฺตํ ฯ {๒๕๕} ทีปิจฺฉาโปติ ทีปิโปตโก ฯ
โอคุมฺผิยนฺตีติ ภิตฺติทณฺฑกาทีสุ เวเตฺวา พนฺธนติ ฯ {๒๕๖} อภินิสีทิตุนฺติ
อภิ นิสฺสาย นิสีทิตุํ ฯ คิลาเนน ภิกฺขุนา สอุปาหเนนาติ เอตฺถ
คิลาโน นาม โย น สกฺโกติ อนุปาหโน คามํ ปวิสิตุํ ฯ


             อรรถกถาภาษาบาลีอักษรไทย เล่มที่ ๓ หน้า ๑๘๓-๑๘๔. http://84000.org/tipitaka/atthapali/read_th.php?B=3&A=3779&modeTY=1              The Pali Atthakatha in Roman :- http://84000.org/tipitaka/atthapali/read_rm.php?B=3&A=3779&modeTY=1              อ่านอรรถกถาแปลไทย :- http://84000.org/tipitaka/attha/attha.php?b=5&i=15              เนื้อความพระไตรปิฎกฉบับหลวง :- http://84000.org/tipitaka/read/r.php?B=5&A=468              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=5&A=517              The Pali Tipitaka in Roman Character :- http://84000.org/tipitaka/read/roman_read.php?B=5&A=517              สารบัญพระไตรปิฎกเล่มที่ ๔ http://84000.org/tipitaka/read/?index_5

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]