ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๓๐ ภาษาบาลีอักษรไทย วิมาน.อ. (ปรมตฺถที.)

                    ๕๖. ๖.  ปฐมกรณียวิมานวณฺณนา
     อุจฺจมิทํ มณิถูณนฺติ ปฐมกรณียวิมานํ. ๓- ตสฺส กา อุปฺปตฺติ? ภควา
สาวตฺถิยํ วิหรติ เชตวเน. เตน สมเยน สาวตฺถิวาสี เอโก อุปาสโก
นฺหาโนปกรณานิ คเหตฺวา อจิรวตึ คนฺตฺวา นฺหาตฺวา ๔- อาคจฺฉนฺโต ภควนฺตํ สาวตฺถึ
ปิณฺฑาย ปวิสนฺตํ ๕- ทิสฺวา อุปสงฺกมิตฺวา วนฺทิตฺวา เอวมาห "ภนฺเต เกน
นิมนฺติตา"ติ. ภควา ตุณฺหี อโหสิ. โส เกนจิ อนิมนฺติตภาวํ ญตฺวา อาห
@เชิงอรรถ:  ก. รตฺตินฺทิโว   ฉ.ม. สมถจาริโนติ ปาโฐ น ทิสฺสติ
@ ฉ.ม. กรณียวิมานํ   ฉ.ม. นฺหตฺวา   สี. จรนฺตํ
"อธิวาเสตุ เม ภนฺเต ภควา ภตฺตํ อนุกมฺปํ อุปาทายา"ติ. อธิวาเสสิ ภควา
ตุณฺหีภาเวน. โส ภควนฺตํ อตฺตมโน เคหํ เนตฺวา พุทฺธารหํ อาสนํ ปญฺญาเปตฺวา
ตตฺถ ภควนฺตํ นิสีทาเปตฺวา ปณีเตน อนฺนปาเนน สนฺตปฺเปสิ. ภควา กตภตฺตกิจฺโจ
ตสฺส อนุโมทนํ กตฺวา ปกฺกามิ. เสสํ อนนฺตรวิมานสทิสํ. เตน วุตฺตํ:-
     [๙๒๖]            "อุจฺจมิทํ มณิถูณํ วิมานํ
                      สมนฺตโต ทฺวาทส โยชนานิ
                      กูฏาคารา สตฺตสตา อุฬารา
                      เวฬุริยถมฺภา รุจกตฺถตา สุภา.
     [๙๒๗]            ตตฺถจฺฉสิ ปิวสิ ขาทสิ จ
                      ทิพฺพา จ วีณา ปวทนฺติ วคฺคุํ
                      ทิพฺพา รสา กามคุเณตฺถ ปญฺจ
                      นาริโย จ นจฺจนฺติ สุวณฺณฉนฺนา.
     [๙๒๘] เกน เต'ตาทิโส วณฺโณ       เกน เต อิธ มิชฺฌติ
           อุปฺปชฺชนฺติ จ เต โภคา       เยน เกจิ มนโส ปิยา.
     [๙๒๙]            ปุจฺฉามิ ตํ เทว มหานุภาว
                      มนุสฺสภูโต กิมกาสิ ปุญฺญํ
                      เกนาสิ เอวญฺชลิตานุภาโว
                      วณฺโณ จ เต สพฺพทิสา ปภาสตี"ติ.
     [๙๓๐] โส เทวปุตฺโต อตฺตมโน       โมคฺคลฺลาเนน ปุจฺฉิโต
           ปญฺหํ ปุฏฺโฐ วิยากาสิ         ยสฺส กมฺมสฺสิทํ ผลํ.
     [๙๓๑] กรณียานิ ปุญฺญานิ            ปณฺฑิเตน วิชานตา
           สมฺมคฺคเตสุ พุทฺเธสุ          ยตฺถ ทินฺนํ มหปฺผลํ.
     [๙๓๒] อตฺถาย วต เม พุทฺโธ        อรญฺญา คามมาคโต
           ตตฺถ จิตฺตํ ปสาเทตฺวา        ตาวตึสูปโค อหํ. ๑-
     [๙๓๓] เตน เม'ตาทิโส วณฺโณ       เตน เม อิธ มิชฺฌติ
           อุปฺปชฺชนฺติ จ เม โภคา       เย เกจิ มนโส ปิยา.
     [๙๓๔]            อกฺขามิ เต ภิกฺขุ มหานุภาว
                      มนุสฺสภูโต ยมกาสิ ปุญฺญํ
                      เตนมฺหิ เอวญฺชลิตานุภาโว
                      วณฺโณ จ เม สพฺพทิสา ปภาสตี"ติ.
    #[๙๓๑] ตตฺถ ปณฺฑิเตนาติ สปฺปญฺเญน. วิชานตาติ อตฺตโน หิตาหิตํ
ชานนฺเตน. สมฺมคฺคเตสูติ สมฺมาปฏิปนฺเนสุ, พุทฺเธสูติ สมฺมาสมฺพุทฺเธสุ.
    #[๙๓๒]    อตฺถายาติ หิตาย, วุฑฺฒิยา วา. อรญฺญาติ วิหารโต, เชตวนํ
สนฺธาย วทติ. ตาวตึสูปโคติ ตาวตึสเทวกายํ, ตาวตึสภวนํ วา อุปฺปชฺชนวเสน
อุปคโต. เสสํ วุตฺตนยเมว.
                    ปฐมกรณียวิมานวณฺณนา  นิฏฺฐิตา.
                      --------------------


             อรรถกถาภาษาบาลีอักษรไทย เล่มที่ ๓๐ หน้า ๒๘๕-๒๘๗. http://84000.org/tipitaka/atthapali/read_th.php?B=30&A=6028&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=30&A=6028&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=56              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2030              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2032              The Pali Tipitaka in Roman Character :- http://84000.org/tipitaka/read/roman_read.php?B=26&A=2032              สารบัญพระไตรปิฎกเล่มที่ ๒๖ http://84000.org/tipitaka/read/?index_26

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]