อรรถกถาเล่มที่ ๓๐ ภาษาบาลีอักษรไทย
 วิมาน.อ. (ปรมตฺถที.)

                     ๕๗. ๗. ทุติยกรณียวิมานวณฺณนา
     สตฺตมวิมานํ ฉฏฺฐวิมานสทิสํ. เกวลํ ตตฺถ อุปาสเกน ภควโต อาหาโร
ทินฺโน, อิธ อญฺญตรสฺส เถรสฺส. เสสํ วุตฺตนยเมว. เตน วุตฺตํ:-
@เชิงอรรถ: ๑ สี. อหุํ
     [๙๓๕]           "อุจฺจมิทํ มณิถูณํ วิมานํ
                     สมนฺตโต ทฺวาทส โยชนานิ
                     กูฏาคารา สตฺตสตา อุฬารา
                     เวฬุริยถมฺภา รุจกตฺถตา สุภา.
     [๙๓๖]           ตตฺถจฺฉสิ ปิวสิ ขาทสิ จ
                     ทิพฺพา จ วีณา ปวทนฺติ วคฺคุํ
                     ทิพฺพา รสา กามคุเณตฺถ ปญฺจ
                     นาริโย จ นจฺจนฺติ สุวณฺณฉนฺนา.
     [๙๓๗] เกน เต'ตาทิโส วณฺโณ      เกน เต อิธ มิชฺฌติ
           อุปฺปชฺชนฺติ จ เต โภคา      เยน เกจิ มนโส ปิยา.
     [๙๓๘]           ปุจฺฉามิ ตํ เทว มหานุภาว
                     มนุสฺสภูโต กิมกาสิ  ปุญฺญํ
                     เกนาสิ เอวญฺชลิตานุภาโว
                     วณฺโณ จ เต สพฺพทิสา ปภาสตีติ.
     [๙๓๙] โส เทวปุตฺโต อตฺตมโน      โมคฺคลฺลาเนน ปุจฺฉิโต
           ปญฺหํ ปุฏฺโฐ วิยากาสิ        ยสฺส กมฺมสฺสิทํ ผลํ.
     [๙๔๐] กรณียานิ ปุญฺญานิ           ปณฺฑิเตน วิชานตา
           สมฺมคฺคเตสุ ภิกฺขูสุ          ยตฺถ ทินฺนํ มหปฺผลํ.
     [๙๔๑] อตฺถาย วต เม ภิกฺขุ        อรญฺญา คามมาคโต
           ตตฺถ จิตฺตํ ปสาเทตฺวา ตาวตึสูปโค ๑- อหํ.
@เชิงอรรถ: ๑ ก. ตาวตึสูปคโต
     [๙๔๒] เตน เม'ตาทิโส วณฺโณ      เตน เม อิธ มิชฺฌติ
           อุปฺปชฺชนฺติ จ เม โภคา      เย เกจิ มนโส ปิยา.
     [๙๔๓]           อกฺขามิ เต ภิกฺขุ มหานุภาว
                     มนุสฺสภูโต ยมกาสิ ปุญฺญํ
                     เตนมฺหิ เอวญฺชลิตานุภาโว
                     วณฺโณ จ เม สพฺพทิสา ปภาสตี"ติ.
                    ทุติยกรณียวิมานวณฺณนา  นิฏฺฐิตา.
                       ------------------

             อรรถกถาภาษาบาลีอักษรไทย เล่มที่ ๓๐ หน้า ๒๘๗-๒๘๙.
http://84000.org/tipitaka/atthapali/read_th.php?B=30&A=6073&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=30&A=6073&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=57
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=2045
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=2046
             The Pali Tipitaka in Roman Character :-
http://84000.org/tipitaka/read/roman_read.php?B=26&A=2046
             สารบัญพระไตรปิฎกเล่มที่ ๒๖
http://84000.org/tipitaka/read/?index_26