อรรถกถาเล่มที่ ๓๐ ภาษาบาลีอักษรไทย
 วิมาน.อ. (ปรมตฺถที.)

                      ๕๙. ๙. ทุติยสูจิวิมานวณฺณนา
     อุจฺจมิทํ มณิถูณนฺติ ทุติยสูจิวิมานํ. ตสฺส กา อุปฺปตฺติ? ภควา ราชคเห
วิหรติ เวฬุวเน. เตน สมเยน ราชคหวาสี เอโก ตุนฺนการโก วิหารเปกฺขโก
หุตฺวา เวฬุวนํ คโต ตตฺถ อญฺญตรํ ภิกฺขุ ํ เวฬุวเน กตสูจิยา จีวรํ สิพฺพนฺตํ
ทิสฺวา สูจิฆเรน สทฺธึ สูจิโย อทาสิ. เสสํ สพฺพํ วุตฺตนยเมว.
     [๙๕๒]           "อุจฺจมิทํ มณิถูณํ วิมานํ
                     สมนฺตโต   ทฺวาทส โยชนานิ
                     กูฏาคารา สตฺตสตา อุฬารา
                     เวฬุริยถมฺภา รุจกตฺถตา สุภา.
@เชิงอรรถ: ๑ ฉ.ม. สูจิวิมานวณฺณนา
     [๙๕๓]           ตตฺถจฺฉสิ ปิวสิ ขาทสิ จ
                     ทิพฺพา จ วีณา ปวทนฺติ วคฺคู
                     ทิพฺพา รสา กามคุเณตฺถ ปญฺจ
                     นาริโย จ นจฺจนฺติ สุวณฺณฉนฺนา.
     [๙๕๔] เกน เต'ตาทิโส วณฺโณ      เกน เต อิธ มิชฺฌติ
           อุปฺปชฺชนฺติ จ เต โภคา      เย เกจิ มนโส ปิยา.
     [๙๕๕]           ปุจฺฉามิ ตํ เทว มหานุภาว
                     มนุสฺสภูโต กิมกาสิ ปุญฺญํ
                     เกนาสิ เอวญฺชลิตานุภาโว
                     วณฺโณ จ เต สพฺพทิสา ปภาสตี"ติ ปุจฉิ.
     [๙๕๖] โส เทวปุตฺโต อตฺตมโน      โมคฺคลฺลาเนน ปุจฺฉิโต
           ปญฺหํ ปุฏฺโฐ วิยากาสิ        ยสฺส กมฺมสฺสิทํ ผลํ.
     [๙๕๗]           "อหํ มนุสฺเสสุ มนุสฺสภูโต
                     ปุริมาย ชาติยา มนุสฺสโลเก.
     [๙๕๘] อทฺทสํ วิรชํ ภิกฺขุ ํ           วิปฺปสนฺนมนาวิลํ
           ตสฺส อทาสหํ สูจึ           ปสนฺโน เสหิ ๑- ปาณิภิ.
     [๙๕๙] เตน เม'ตาทิโส วณฺโณ      เตน เม อิธ มิชฺฌติ
           อุปฺปชฺชนฺติ จ เม โภคา      เย เกจิ มนโส ปิยา.
     [๙๖๐]           อกฺขามิ เต ภิกฺขุ มหานุภาว
                     มนุสฺสภูโต ยมกาสิ ปุญฺญํ
@เชิงอรรถ: ๑ ก. สเกหิ
                       เตนมฺหิ เอวญฺชลิตานุภาโว
                    วณฺโณ จ เม สพฺพทิสา ปภาสตี"ติ.
ตํ สพฺพํ เหฏฺฐา วุตฺตนยเมว.
                     ทุติยสูจิวิมานวณฺณนา  นิฏฺฐิตา.
                       ------------------


             อรรถกถาภาษาบาลีอักษรไทย เล่มที่ ๓๐ หน้า ๒๙๑-๒๙๓.
http://84000.org/tipitaka/atthapali/read_th.php?B=30&A=6149&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=30&A=6149&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=59
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=2072
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=2071
             The Pali Tipitaka in Roman Character :-
http://84000.org/tipitaka/read/roman_read.php?B=26&A=2071
             สารบัญพระไตรปิฎกเล่มที่ ๒๖
http://84000.org/tipitaka/read/?index_26