ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๓๒ ภาษาบาลีอักษรไทย เถร.อ.๑ (ปรมตฺถที.๑)

                    ๓๐๔. ๗. อนูปมตฺเถรคาถาวณฺณนา
      นนฺทมานาคตํ จิตฺตนฺติ อายสฺมโต อนูปมตฺเถรสฺส คาถา. กา อุปฺปตฺติ?
@เชิงอรรถ:  สี.,อิ....กรเณ    ขุ.อป. ๓๒/๓๗/๔๑๔ กทลิผลทายกตฺเถราปทาน
@ ฉ.ม. กทลิผลํ ปคฺคยฺห

--------------------------------------------------------------------------------------------- หน้าที่ ๕๑๖.

อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยํ ปุญฺญํ อุปจินนฺโต อิโต เอกตึเส กปฺเป ๑- กุลเคเห นิพฺพตฺติตฺวา วิญฺญุตํ ปตฺโต เอกทิวสํ ปทุมํ นาม ปจฺเจกพุทฺธํ ปิณฺฑาย จรนฺตํ รถิยํ ทิสฺวา ปสนฺนมานโส องฺโกลปุปฺเผหิ ๒- ปูเชสิ. โส เตน ปุญฺญกมฺเมน เทวมนุสฺเสสุ สํสรนฺโต อิมสฺมึ พุทฺธุปฺปาเท โกสลรฏฺเฐ อิพฺภกุเล นิพฺพตฺติตฺวา รูปสมฺปตฺติยา อนูปโมติ ลทฺธนาโม วยปฺปตฺโต อุปนิสฺสยสมฺปนฺนตาย กาเม ปหาย ปพฺพชิตฺวา วิปสฺสนาย กมฺมํ กโรนฺโต อรญฺเญ วิหรติ. ตสฺส จิตฺตํ พหิทฺธา รูปาทิอารมฺมเณสุ วิธาวติ. กมฺมฏฺฐานํ ปริวฏฺฏติ. เถโร วิธาวนฺตํ จิตฺตํ นิคฺคณฺหนฺโต:- [๒๑๓] "นนฺทมานาคตํ จิตฺตํ ๓- สูลมาโรปมานกํ เตน เตเนว วชสิ เยน สูลํ กลิงฺครํ. [๒๑๔] ตาหํ จิตฺตกลึ พฺรูมิ ตํ พฺรูมิ จิตฺตทุพฺภกํ สตฺถา เต ทุลฺลโภ ลทฺโธ มานตฺเถ มํ นิโยชยี"ติ อิมาหิ ทฺวีหิ คาถาหิ โอวทิ. ๔- ตตฺถ นนฺทมานาคตํ จิตฺตนฺติ นนฺทมานํ อาคตํ. ตตฺรตตฺราภินนฺทินี ยายํ ตณฺหา, ตสฺสา ตํ ตํ ภวํ นนฺทมานํ อภินนฺทมานํ จิตฺตํ อิมํ ภวาปิ ภวํ นนฺทมานํ อานนฺทมานํ อาคตํ อุปฺปนฺนํ. ๔- สูลมาโรปมานกนฺติ ทุกฺขุปฺปตฺติฏฺฐานตาย สูลสทิสตฺตา สูลํ ตํ ตํ ภวํ กมฺมกิเลเสหิ เอตฺตกํ กาลํ อาโรปิยมานํ. เตน เตเนว วชสิ, เยน สูลํ กลิงฺครนฺติ ยตฺถ ยตฺถ สูลสงฺขาตา ภวา กลิงฺครสงฺขาตา อธิกุฏฺฏน- นามกา ๕- กามคุณา จ เตน เตเนว ปาปจิตฺเตน ๖- วชสิ, ตํ ตเทว ฐานํ อุปคจฺฉสิ, อตฺตโน อนตฺถํ น สลฺลกฺเขสิ. @เชิงอรรถ: สี.,อิ. สตฺตตึสกปฺเป, ม. สตฺตสตฺตติเม กปฺเป สี.,อิ. อากุลีปุปฺเผหิ @ ฉ.ม. จิตฺต ๔-๔ ฉ.ม. ตตฺถ นนฺทมานาคตํ จิตฺตาติ นนฺทมาน อภินนฺทมาน @ จิตฺต อภินนฺทมานํ อาคตํ อุปฺปนฺนํ ฉ.ม. อธิกุฏฺฏนกา, ม. อธิกุฏฺฏนามกา @ ฉ.ม. ปาปจิตฺต

--------------------------------------------------------------------------------------------- หน้าที่ ๕๑๗.

ตาหํ จิตฺตกลึ พฺรูมีติ ตํ ตสฺมา ปมตฺตภาวโต จิตฺตกลึ จิตฺตกาลกณฺณึ อหํ กถยามิ. ปุนปิ ตํ พฺรูมิ กเถมิ จิตฺตทุพฺภกํ จิตฺตสงฺขาตสฺส อตฺตโน พหุการสฺส ๑- สนฺตานสฺส อนตฺถาวหนโต จิตฺตทุพฺภึ. "จิตฺตทุพฺภคา"ติปิ ปฐนฺติ. จิตฺตสงฺขาตอลกฺขิก อปฺปปุญฺญาติ อตฺโถ. กินฺติ พฺรูหีติ เจ? อาห "สตฺถา เต ทุลฺลโภ ลทฺโธ, มานตฺเถ มํ นิโยชยี"ติ. กปฺปานํ อสงฺเขยฺยมฺปิ นาม พุทฺธ- สุญฺโญ โลโก โหติ, สตฺถริ อุปฺปนฺเนปิ มนุสฺสตฺตสทฺธาปฏิลาภาทโย ๒- ทุลฺลภาเอว, ลทฺเธสุ จ เตสุ สตฺถาปิ อลทฺโธเยว ๓- โหติ. เอวํ ทุลฺลโภ สตฺถา อิทานิ ตยา ลทฺโธ, ตสฺมึ ลทฺเธ สมฺปติปิ อนตฺเถ อหิเต อายตึ จ อนตฺถาวเห ทุกฺขาวเห อกุสเล มํ มา นิโยเชสีติ. เอวํ เถโร อตฺตโน จิตฺตํ โอวทนฺโตเอว วิปสฺสนํ วฑฺเฒตฺวา อรหตฺตํ ปาปุณิ. เตน วุตฺตํ อปทาเน ๔- :- "ปทุโม นาม สมฺพุทฺโธ จิตฺตกูเฏ วสี ตทา ทิสฺวาน ตํ อหํ พุทฺธํ สยมฺภุํ อปราชิตํ. ๕- องฺโกลํ ปุปฺผิตํ ทิสฺวา โอจินิตฺวานหํ ตทา อุปคนฺตฺวาน สมฺพุทฺธํ ปูเชสึ ปทุมํ ชินํ. ๖- เอกตึเส อิโต กปฺเป ๗- ยํ กมฺมมกรึ ตทา ๘- ทุคฺคตึ นาภิชานามิ พุทฺธปูชายิทํ ผลํ. กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ. อนูปมตฺเถรคาถาวณฺณนา นิฏฺฐิตา. --------------- @เชิงอรรถ: ฉ.ม. พหูปการสฺส สี., อิ. มนุสฺสตฺตลาภปฏิลาภาทโย ฉ.ม. ทุลฺลโภเยว @ ขุ.อป. ๓๒/๑๖/๓๙๙ องฺโกลปุปฺผิยตฺเถราปทาน ปาลิ. อุปคญฺฉหํ @ สี. ปูชยึ ปทุมนายกํ, ฉ.ม. ปูชยึ ปทุมํ ชินํ สี. สตฺตตึสมฺหิ กปฺปมฺหิ @ ฉ.ม. ยํ ปุปฺผมภิปูชยึ

             อรรถกถาภาษาบาลีอักษรไทย เล่มที่ ๓๒ หน้า ๕๑๕-๕๑๗. http://84000.org/tipitaka/atthapali/read_th.php?B=32&A=11540&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=32&A=11540&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=26&i=304              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6024              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6154              The Pali Tipitaka in Roman Character :- http://84000.org/tipitaka/read/roman_read.php?B=26&A=6154              สารบัญพระไตรปิฎกเล่มที่ ๒๖ http://84000.org/tipitaka/read/?index_26

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]