ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๓๒ ภาษาบาลีอักษรไทย เถร.อ.๑ (ปรมตฺถที.๑)

               ๒๓๗. ๑๐. (ทุติย) เทวสภตฺเถรคาถาวณฺณนา
      สมฺมปฺปธานสมฺปนฺโนติ อายสฺมโต เทวสภตฺเถรสฺส คาถา. กา อุปฺปตฺติ?
@เชิงอรรถ:  สี. สํสารํ    สี. วตฺตมานํ   สี. สํสารคามิโน
      อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยํ กุสลํ
อุปจินนฺโต สิขิสฺส ภควโต กาเล กุลเคเห นิพฺพตฺติตฺวา วิญฺุตํ ปตฺโต เอกทิวสํ
สิขึ ภควนฺตํ ทิสฺวา ปสนฺนมานโส พนฺธุชีวกปุปฺเผหิ ปูชํ อกาสิ. โส เตน ปุญฺ-
กมฺเมน เทวมนุสฺเสสุ สํสรนฺโต อิมสฺมึ พุทฺธุปฺปาเท กปิลวตฺถุสฺมึ สกฺยราชกุเล
นิพฺพตฺติ, ตสฺส เทวสโภติ นามํ อโหสิ. โส วยปฺปตฺโต จุมฺพฏกลหวูปสมนตฺถํ
สตฺถริ อาคเต พุทฺธานุภาวํ ทิสฺวา ปสนฺนมานโส สรเณสุ ปติฏฺิโต ปุน
นิโครฺธาราเม สตฺถริ วิหรนฺเต สตฺถารํ อุปสงฺกมิตฺวา ปฏิลทฺธสทฺโธ ปพฺพชิตฺวา
กตปุพฺพกิจฺโจ วิปสฺสนาย กมฺมํ กโรนฺโต น จิรสฺเสว อรหตฺตํ ปาปุณิ. เตน
วุตฺตํ อปทาเน ๑- :-
          "จนฺทํว วิมลํ สุทฺธํ         วิปฺปสนฺนมนาวิลํ
           นนฺทิราคปริกฺขีณํ ๒-       ติณฺณํ โลเก วิสตฺติกํ.
           นิพฺพาปยนฺตํ ชนตํ         ติณฺณํ ตารยตํ วรํ
           มุนึ วนมฺหิ ฌายนฺตํ        เอกคฺคํ สุสมาหิตํ.
           พนฺธุชีวกปุปฺผานิ          ลคิตฺวา ๓- สุตฺตเกนหํ
           พุทฺธสฺส อภิโรปยึ         สิขิโน โลกพนฺธุโน.
           เอกตึเส อิโต กปฺเป      ยํ กมฺมมกรึ ตทา
           ทุคฺคตึ นาภิชานามิ        พุทฺธปูชายิทํ ผลํ.
           อิโต สตฺตมเก กปฺเป      มนุชินฺโท มหายโส
           สมนฺตจกฺขุนามาสิ         จกฺกวตฺตี มหพฺพโล.
           กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ.
      อรหตฺตํ ปน ปตฺวา อตฺตนา อธิคตํ วิมุตฺติสุขํ นิสฺสาย อุปฺปนฺนปีติโสมนสฺโส
@เชิงอรรถ:  ขุ.อป. ๓๒/๑/๒๔๐ พนฺธุชีวกตฺเถราปทาน   ฉ.ม. นนฺทีภวปริกฺขีณํ   ฉ.ม. ลเคตฺวา
อุทานวเสน:-
    [๑๐๐] "สมฺมปฺปธานสมฺปนฺโน       สติปฏฺานโคจโร
           วิมุตฺติกุสุมสญฺฉนฺโน        ปรินิพฺพิสฺสตฺยนาสโว"ติ ๑-
คาถํ อภาสิ.
      ตตฺถ สมฺมปฺปธานสมฺปนฺโนติ สมฺปนฺนจตุพฺพิธสมฺมปฺปธาโน, เตหิ กตฺตพฺพ-
กิจฺจํ สมฺปาเทตฺวา ิโตติ อตฺโถ. สติปฏฺานโคจโรติ กายานุปสฺสนาทโย
สติปฏฺานา โคจโร ปวตฺติฏฺานํ เอตสฺสาติ สติปฏฺานโคจโร, จตูสุ สติปฏฺาเนสุ
ปติฏฺิตจิตฺโตติ อตฺโถ. คุณโสเภน ปรมสุคนฺธา วิมุตฺติเยว กุสุมานิ, เตหิ สพฺพโส
สมฺมเทว สญฺฉนฺโน วิภูสิโต อลงฺกโตติ วิมุตฺติกุสุมสญฺฉนฺโน.
ปรินิพฺพิสฺสตฺยนาสโวติ เอวํ สมฺมา ปฏิปชฺชนฺโต ภิกฺขุ น จิรสฺเสว อนาสโว หุตฺวา
ปรินิพฺพิสฺสติ สอุปาทิเสสาย อนุปาทิเสสาย จ นิพฺพานธาตุยาติ อตฺโถ. อิทเมว จ
เถรสฺส อญฺาพฺยากรณํ อโหสิ.
                 (ทุติย) เทวสภตฺเถรคาถาวณฺณนา นิฏฺิตา.
                    ปรมตฺถทีปนิยา เถรคาถาสํวณฺณนา
                       ทสมวคฺควณฺณนา นิฏฺิตา.
                           -----------
@เชิงอรรถ:  ปาลิ., สี. ปรินิพฺพายิสฺสตฺยนาสโวติ


             อรรถกถาภาษาบาลีอักษรไทย เล่มที่ ๓๒ หน้า ๓๑๖-๓๑๘. http://84000.org/tipitaka/atthapali/read_th.php?B=32&A=7052&modeTY=1              The Pali Atthakatha in Roman :- http://84000.org/tipitaka/atthapali/read_rm.php?B=32&A=7052&modeTY=1              อ่านอรรถกถาแปลไทย :- http://84000.org/tipitaka/attha/attha.php?b=26&i=237              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5550              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5738              The Pali Tipitaka in Roman Character :- http://84000.org/tipitaka/read/roman_read.php?B=26&A=5738              สารบัญพระไตรปิฎกเล่มที่ ๒๖ http://84000.org/tipitaka/read/?index_26

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]