ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๓๔ ภาษาบาลีอักษรไทย เถรี.อ. (ปรมตฺถที.)

                           ๕. ปญฺจกนิปาต
                   ๔๓๙. ๑. อญฺตราเถรีคาถาวณฺณนา
      ปญฺจกนิปาเต ปณฺณวีสติ วสฺสานีติอาทิกา อญฺตราย เถริยา คาถา.
      อยมฺปิ ปุริมพุทฺเธสุ กตาธิการา ตตฺถ ตตฺถ ภเว วิวฏฺฏูปนิสฺสยํ กุสลํ
อุปจินนฺตี อิมสฺมึ พุทฺธุปฺปาเท เทวทหนคเร มหาปชาปติโคตมิยา ธาตี หุตฺวา
วฑฺเฒสิ. นามโคตฺตโต ปน อปญฺาตา ๑- อโหสิ. สา มหาปชาปติโคตมิยา ปพฺพชิต-
กาเล สยมฺปิ ปพฺพชิตฺวา ปญฺจวีสติ สํวจฺฉรานิ กามราเคน อุปทฺทุตา อจฺฉรา-
สงฺฆาตมตฺตมฺปิ กาลํ จิตฺเตกคฺคตํ อลภนฺตี พาหา ปคฺคยฺห กนฺทมานา
ธมฺมทินฺนาเถริยา สนฺติเก ธมฺมํ สุตฺวา กาเมหิ วินิวตฺติตมานสา กมฺมฏฺานํ
คเหตฺวา ภาวนมนุยุญฺชนฺตี นจิรสฺเสว ฉฬภิญฺา หุตฺวา อตฺตโน ปฏิปตฺตึ
ปจฺจเวกฺขิตฺวา อุทานวเสน:-
       [๖๗] "ปณฺณวีสติ วสฺสานิ             ยโต ปพฺพชิตา อหํ
             นาจฺฉราสงฺฆาตมตฺตมฺปิ         จิตฺตสฺสูปสมชฺฌคํ.
       [๖๘]  อลทฺธา เจตโส สนฺตึ          กามราเคนวสฺสุตา
             พาหา ปคฺคยฺห กนฺทนฺตี         วิหารํ ปาวิสึ อหํ.
       [๖๙]  สา ภิกฺขุนึ อุปาคจฺฉึ           ยา เม สทฺธายิกา อหุ
             สา เม ธมฺมมเทเสสิ          ขนฺธายตนธาตุโย.
       [๗๐]  ตสฺสา ธมฺมํ สุณิตฺวาน          เอกมนฺเต อุปาวิสึ
             ปุพฺเพนิวาสํ ชานามิ           ทิพฺพจกฺขุ วิโสธิตํ.
@เชิงอรรถ:  สี. อญฺาตา
       [๗๑]  เจโตปริจฺจาณญฺจ            โสตธาตุ วิโสธิตา
             อิทฺธีปิ เม สจฺฉิกตา           ปตฺโต เม อาสวกฺขโย
             ฉฬภิญฺา สจฺฉิกตา            กตํ พุทฺธสฺส สาสนนฺ"ติ
อิมา คาถา อภาสิ.
      ตตฺถ นาจฺฉราสงฺฆาตมตฺตมฺปีติ อจฺฉราฆฏิตมตฺตมฺปิ ขณํ องฺคุลิโผฏนมตฺตมฺปิ
๑- กาลนฺติ อตฺโถ. จิตฺตสฺสูปสมชฺฌคนฺติ จิตฺตสฺส อุปสมํ จิตฺเตกคฺคํ น
อชฺฌคนฺติ โยชนา, น ปฏิลภินฺติ อตฺโถ.
       กามราเคนวสฺสุตาติ กามคุณสงฺขาเตสุ วตฺถุกาเมสุ ทฬฺหตราภินิเวสิตาย
พหเลน ฉนฺทราเคน ตินฺตจิตฺตา.
        ภิกฺขุนินฺติ ธมฺมทินฺนาเถรึ สนฺธาย วทติ.
      เจโตปริจฺจาณญฺจาติ เจโตปริยาณญฺจ วิโสธิตนฺติ สมฺพนฺโธ, อธิคตนฺติ
อตฺโถ. เสสํ วุตฺตนยเมว.
                    อญฺตราเถรีคาถาวณฺณนา นิฏฺิตา.
                        ----------------


             อรรถกถาภาษาบาลีอักษรไทย เล่มที่ ๓๔ หน้า ๙๗-๙๘. http://84000.org/tipitaka/atthapali/read_th.php?B=34&A=2055&modeTY=1              The Pali Atthakatha in Roman :- http://84000.org/tipitaka/atthapali/read_rm.php?B=34&A=2055&modeTY=1              อ่านอรรถกถาแปลไทย :- http://84000.org/tipitaka/attha/attha.php?b=26&i=439              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9139              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9182              The Pali Tipitaka in Roman Character :- http://84000.org/tipitaka/read/roman_read.php?B=26&A=9182              สารบัญพระไตรปิฎกเล่มที่ ๒๖ http://84000.org/tipitaka/read/?index_26

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]