ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๓๔ ภาษาบาลีอักษรไทย เถรี.อ. (ปรมตฺถที.)

                    ๔๕๗. ๗. คุตฺตาเถรีคาถาวณฺณนา
      คุตฺเต ยทตฺถํ ปพฺพชฺชาติอาทิกา คุตฺตาย เถริยา คาถา.
      อยมฺปิ ปุริมพุทฺเธสุ กตาธิการา ตตฺถ ตตฺถ ภเว วิวฏฺฏูปนิสฺสยํ กุสลํ
อุปจินนฺตี อนุกฺกเมน สมฺภตวิโมกฺขสมฺภารา หุตฺวา ปริปกฺกกุสลมูลา สุคตีสุเยว
สํสรนฺตี อิมสฺมึ พุทฺธุปฺปาเท สาวตฺถิยํ พฺราหฺมณมหาสาลกุเล ๓- นิพฺพตฺตา,
คุตฺตาติสฺสา นามํ อโหสิ. สา วิญฺุตํ ปตฺวา อุปนิสฺสยสมฺปตฺติยา โจทิยมานา
ฆราวาสํ ชิคุจฺฉนฺตี มาตาปิตโร อนุชานาเปตฺวา มหาปชาปติโคตมิยา สนฺติเก
ปพฺพชิ. ปพฺพชิตฺวา จ วิปสฺสนํ ปฏฺเปตฺวา ภาวนํ อนุยุญฺชนฺติยา ตสฺสา จิตฺตํ
จิรกาลํ ปริจเยน พหิทฺธารมฺมเณ วิธาวติ, เอกคฺคํ นาโหสิ. สตฺถา ทิสฺวา ตํ
อนุคฺคณฺหนฺโต คนฺธกุฏิยํ ยถา นิสินฺโนว โอภาสํ ผริตฺวา ตสฺสา อาสนฺเน อากาเส
นิสินฺนํ วิย อตฺตานํ ทสฺเสตฺวา โอวทนฺโต:-
@เชิงอรรถ:  ฉ.ม. ชาตเวทสฺส   ฉ.ม. สุขํ   ฉ.ม. พฺราหฺมณกุเล
       [๑๖๓] "คุตฺเต ยทตฺถํ ปพฺพชฺชา      หิตฺวา ปุตฺตํ วสุํ ปิยํ
              ตเมว อนุพฺรูเหหิ          มา จิตฺตสฺส วสํ คมิ.
       [๑๖๔]  จิตฺเตน วญฺจิตา สตฺตา      มารสฺส วิสเย รตา
              อเนกชาติสํสารํ           สนฺธาวนฺติ อวินฺทึสุ. ๑-
       [๑๖๕]  กามจฺฉนฺทญฺจ พฺยาปาทํ      สกฺกายทิฏฺิเมว จ
              สีลพฺพตปรามาสํ           วิจิกิจฺฉญฺจ ปญฺจมํ.
       [๑๖๖]  สํโยชนานิ เอตานิ         ปชหิตฺวาน ภิกฺขุนี
              โอรมฺภาคมนียานิ          นยิทํ ปุนเรหิสิ.
       [๑๖๗]  ราคํ มานํ อวิชฺชญฺจ        อุทฺธจฺจญฺจ วิวชฺชิย
              สํโยชนานิ เฉตฺวาน        ทุกฺขสฺสนฺตํ กริสฺสสิ.
       [๑๖๘]  เขเปตฺวา ชาติสํสารํ       ปริญฺาย ปุนพฺภวํ
              ทิฏฺเ ธมฺเมว นิจฺฉาตา     อุปสนฺตา จริสฺสสี"ติ
อิมา คาถา อภาสิ.
      ตตฺถ ยทตฺถนฺติ ๒- ยสฺส กิเลสปรินิพฺพานสฺส ขนฺธปรินิพฺพานสฺส จ อตฺถาย.
หิตฺวา ปุตฺตํ วสุํ ปิยนฺติ ปิยายิตพฺพํ าติปริวฏฺฏํ โภคกฺขนฺธํ จ หิตฺวา มม
สาสเน ปพฺพชฺชา พฺรหฺมจริยวาโส อิจฺฉิโต, ตเมว อนุพฺรูเหหีติ ๓- ตเมว วฑฺเฒยฺยาสิ
สมฺปาเทยฺยาสิ. มา จิตฺตสฺส วสํ คมีติ ทีฆรตฺตํ ๔- รูปาทิอารมฺมณวเสน วฑฺฒิตสฺส
กูฏจิตฺตสฺส วสํ มา คจฺฉิ.
      ยสฺมา จิตฺตํ นาเมตํ มายูปมํ, เยน ปน ๕- วญฺจิตา อนฺธปุถุชฺชนา เต ๖-
มารวสานุคา สํสารํ นาติวตฺตนฺติ. เตน วุตฺตํ "จิตฺเตน วญฺจิตา"ติอาทิ.
@เชิงอรรถ:  ฉ.ม. อวิทฺทสู   ฉ.ม. ตเมว อนุพฺรูเหหีติ ยทตฺถํ   ฉ.ม. อิเม ปาา น
@ทิสฺสนฺติ   สี.,อิ. ทีฆรสฺส   ฉ.ม. ปน-สทฺโท น ทิสฺสติ   ฉ.ม. อยํ ปาโ
@ทิสฺสติ
      สํโยชนานิ เอตานีติ เอตานิ "กามจฺฉนฺทญฺจ พฺยาปาทนฺ"ติอาทินา ยถา-
วุตฺตานิ ปญฺจ พนฺธนฏฺเน สํโยชนานิ. ปชหิตฺวานาติ อนาคามิมคฺเคน
สมุจฺฉินฺทิตฺวา. ภิกฺขุนีติ ตสฺสา อาลปนํ. โอรมฺภาคมนียานีติ รูปารูปธาตุโต
เหฏฺาภาเค กามธาตุยํ มนุสฺสชีวสฺส หิตานิ อุปการานิ ตตฺถ ปฏิสนฺธิยา ปจฺจย-
ภาวโต. มกาโร ปทสนฺธิกโร. "โอรมาคมนียานี"ติ ปาฬิ, โส เอวตฺโถ. นยิทํ
ปุนเรหิสีติ โอรมฺภาคิยานํ สํโยชนานํ ปหาเนน อิทํ กามฏฺานํ กามภวํ ปฏิสนฺธิ-
วเสน ปุน นาคมิสฺสสิ. รกาโร ปทสนฺธิกโร. "อิตฺถนฺ"ติปิ ๑- ปาฬิ, อิตฺถตฺตํ กาม-
ภวมิจฺเจว อตฺโถ.
      ราคนฺติ รูปราคญฺจ อรูปราคญฺจ. มานนฺติ อคฺคมคฺควชฺฌํ มานํ. อวิชฺชญฺจ
อุทฺธจฺจญฺจาติ เอตฺถาปิ เอเสว นโย. วิวชฺชิยาติ วิปสฺสนาย วิกฺขมฺเภตฺวา.
สํโยชนานิ เฉตฺวานาติ เอตานิ รูปราคาทีนิ ปญฺจุทฺธมฺภาคิยานิ สํโยชนานิ
อรหตฺตมคฺเคน สมุจฺฉินฺทิตฺวา. ทุกฺขสฺสนฺตํ กริสฺสสีติ สพฺพสฺสาปิ วฏฺฏทุกฺขสฺส
ปริยนฺตํ ปริโยสานํ ปาปุณิสฺสสิ.
      เขเปตฺวา ชาติสํสารนฺติ ชาติสมูลกสํสารปวตฺตึ ปริโยสาเปตฺวา. นิจฺฉาตาติ
นิตฺตณฺหา. อุปสนฺตาติ สพฺพโส กิเลสานํ วูปสเมน อุปสนฺตา. เสสํ วุตฺตนยเมว.
      เอวํ สตฺถารา อิมาสุ คาถาสุ ภาสิตาสุ คาถาปริโยสาเน เถรี สห
ปฏิสมฺภิทาหิ อรหตฺตํ ปตฺวา อุทานวเสน ภควตา ภาสิตนิยาเมเนว อิมา คาถา
อภาสิ. เตเนว ตา ๒- เถริยา คาถา นาม ชาตา.
                     คุตฺตาเถรีคาถาวณฺณนา นิฏฺิตา.
                       ------------------
@เชิงอรรถ:  ฉ.ม. อิตฺถนฺติ วา   ม. เตเนตา


             อรรถกถาภาษาบาลีอักษรไทย เล่มที่ ๓๔ หน้า ๒๐๑-๒๐๓. http://84000.org/tipitaka/atthapali/read_th.php?B=34&A=4328&modeTY=1              The Pali Atthakatha in Roman :- http://84000.org/tipitaka/atthapali/read_rm.php?B=34&A=4328&modeTY=1              อ่านอรรถกถาแปลไทย :- http://84000.org/tipitaka/attha/attha.php?b=26&i=457              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9367              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9417              The Pali Tipitaka in Roman Character :- http://84000.org/tipitaka/read/roman_read.php?B=26&A=9417              สารบัญพระไตรปิฎกเล่มที่ ๒๖ http://84000.org/tipitaka/read/?index_26

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]