อรรถกถาเล่มที่ ๓๕ ภาษาบาลีอักษรไทย
 ชา.อ.๑ เอกนิปาต(๑)

                       ๙ นนฺทชาตกํ
     มญฺเ โสวณฺณโย ราสีติ อิทํ สตฺถา เชตวเน วิหรนฺโต
สารีปุตฺตตฺเถรสฺส สทฺธิวิหาริกํ อารพฺภ กเถสิ ฯ
     โส กิร ภิกฺขุ สุวโจ อโหสิ วจนกฺขโม เถรสฺส มหนฺเตน
อุสฺสาเหน อุปการํ กโรติ ฯ อเถกํ สมยํ เถโร สตฺถารํ อาปุจฺฉิตฺวา
จาริกํ ปกฺกนฺโต ทกฺขิณาคิริชนปทํ อคมาสิ ฯ โส ภิกฺขุ ตตฺถ
คตกาเล มานตฺถทฺโธ หุตฺวา เถรสฺส วจนํ น กโรติ ฯ อาวุโส
อิทํ นาม กโรหีติ วุตฺเต ปน เถรสฺส ปฏิปกฺโข อโหสิ ฯ เถโร
ตสฺส อชฺฌาสยํ น ชานาติ ฯ โส ตตฺถ จาริกํ จริตฺวา ปุน
เชตวนํ อาคโต ฯ โส ภิกฺขุ เถรสฺส เชตวนวิหารํ อาคตกาลโต
ปฏฺาย ปุน ตาทิโสว ชาโต ฯ เถโร ตถาคตสฺส อาโรเจสิ ภนฺเต
มยฺหํ เอโก สทฺธิวิหาริโก เอกสฺมึ าเน สเตน กีตทาโส วิย
อโหสิ เอกสฺมึ าเน มานตฺถทฺโธ หุตฺวา อิทนฺนาม กโรหีติ วุตฺเต
ปฏิปกฺโข โหตีติ ฯ สตฺถา นายํ สารีปุตฺต ภิกฺขุ อิทาเนว เอวํสีโล
ปุพฺเพเปส เอกํ านํ คโต สเตน กีตทาโส วิย โหติ เอกํ านํ
คโต ปฏิปกฺโข ปฏิสตฺตุ โหตีติ วตฺวา เถเรน ยาจิโต อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
เอกสฺมึ กุฏุมฺพิกกุเล ปฏิสนฺธึ คณฺหิ ฯ ตสฺเสโก สหายโก กุฏุมฺพิโก
สยํ มหลฺลโก ฯ ภริยา ปนสฺส ตรุณี ฯ สา ตํ นิสฺสาย ปุตฺตํ
ปฏิลภิ ฯ โส จินฺเตสิ อยํ อิตฺถี ตรุณตฺตาว มม อจฺจเยน
กญฺจิเทว ปุริสํ คเหตฺวา อิมํ มม ธนํ วินาเสยฺย ปุตฺตสฺส เม น
ทเทยฺย ยนฺนูนาหํ อิมํ ธนํ ปวีคตํ กเรยฺยนฺติ ฯ ฆเร นนฺทํ
นาม ทาสํ คเหตฺวา อรญฺ คนฺตฺวา เอกสฺมึ าเน ตํ ธนํ นิทหิตฺวา
ตสฺส อาจิกฺขิตฺวา ตาต นนฺท อิมํ ธนํ มม อจฺจเยน มยฺหํ ปุตฺตสฺส
อาจิกฺเขยฺยาสิ มา ธนํ ปริจฺจชีติ โอวทิตฺวา กาลมกาสิ ฯ
ปุตฺโตปิสฺส อนุกฺกเมน วยปฺปตฺโต ชาโต ฯ อถ นํ มาตา อาห ตาต
ตว ปิตา นนฺททาสํ คเหตฺวา ธนํ นิเธสิ ตํ อาหราเปตฺวา กุฏุมฺพํ
สณฺเปหีติ ฯ โส เอกทิวสํ นนฺทํ อาห มาตุล อตฺถิ กิญฺจิ
มยฺหํ ปิตรา ธนํ นิทหิตนฺติ ฯ อาม สามีติ ฯ กหํ นิทหิตนฺติ ฯ
อรญฺเ สามีติ ฯ เตนหิ คจฺฉามาติ กุทฺทาลปิฏกํ อาทาย นิธิฏฺานํ
คนฺตฺวา กหํ มาตุล ธนนฺติ อาห ฯ นนฺโท อารุยฺห ธนมตฺถเก
ตฺวา ธนํ นิสฺสาย มานํ อุปฺปาเทตฺวา อเร ทาสีปุตฺตเจตก กุโต
เต อิมสฺมึ าเน ธนนฺติ กุมารํ อกฺโกสติ ฯ กุมาโร ตสฺส
ผรุสวจนํ อสุณนฺโต วิย เตนหิ คจฺฉามาติ ตํ คเหตฺวา ปฏินิวตฺติตฺวา
ปุน เทฺว ตโย ทิวเส อติกฺกมิตฺวา อคมาสิ ฯ นนฺโท ตเถว
อกฺโกสติ ฯ กุมาโร เตน สทฺธึ ผรุสวจนํ อวตฺวา อยํ
ทาโส อิโต ปฏฺาย ธนํ อาจิกฺขิสฺสามีติ คจฺฉติ คนฺตฺวา ปน
อกฺโกสติ ตตฺถ การณํ น ชานามิ อตฺถิ นุ โข ปน เม ปิตุ
สหาโย กุฏุมฺพิโก ตํ ปฏิปุจฺฉิตฺวา ชานิสฺสามีติ โพธิสตฺตสฺส สนฺติกํ
คนฺตฺวา สพฺพํ ตํ ปวุตฺตึ อาโรเจตฺวา กินฺนุ โข ตาต การณนฺติ
ปุจฺฉิ ฯ โพธิสตฺโต ยสฺมึ เต ตาต าเน ิโต นนฺโท อกฺโกสติ
ตตฺเถว ปิตุ สนฺตกํ ธนํ ตสฺมา ยทา เต นนฺโท อกฺโกสติ
ตทา นํ เอหิ อเร ทาสก อกฺโกสสีติ อากฑฺฒิตฺวา กุทฺทาลํ
คเหตฺวา ตณฺานํ ภินฺทิตฺวา กุลสนฺตกํ ธนํ นีหริตฺวา ทาสํ
อุกฺขิปาเปตฺวา ธนํ อาหราติ วตฺวา อิมํ คาถมาห
       มญฺเ โสวณฺณโย ราสิ      โสวณฺณมาลา จ นนฺทโก
       ยตฺถ ทาโส อามชาโต      ิโต ถุลฺลานิ คชฺชตีติ ฯ
     ตตฺถ มญฺเติ เอวํ อหํ ชานามิ ฯ โสวณฺณโยติ สุนฺทโร
วณฺโณ เอเตสนฺติ สุวณฺณานิ ฯ กานิ ตานิ ฯ รชตมณิกาญฺจนปวาฬาทีนิ
รตนานิ ฯ อิมสฺมึ หิ าเน สพฺพาเนตานิ สุวณฺณานีติ อธิปฺเปตานิ ฯ
เตสํ ราสิ โสวณฺณโย ราสิ ฯ โสวณฺณมาลา จาติ ตุยฺหํ ปิตุ สนฺตกา
สุวณฺณมาลาปิ จ เอตฺเถวาติ มญฺามิ ฯ นนฺทโก ยตฺถ ทาโสติ
ยสฺมึ าเน ิโต นนฺทโก ทาโส ฯ อามชาโตติ อาม อหํ โว
ทาสีติ เอวํ ทาสพฺยํ อุปคตาย อามทาสีสงฺขาตาย ทาสิยา
ปุตฺโต ฯ ิโต ถุลฺลานิ คชฺชตีติ โส ยสฺมึ าเน ิโต
ถุลฺลานิ ผรุสวจนานิ วทติ ตตฺเถว เต กุลธนํ เอวมหนฺตํ
มญฺามีติ โพธิสตฺโต กุมารสฺส ธนคหณุปายํ อาจิกฺขิ ฯ
     กุมาโร โพธิสตฺตํ วนฺทิตฺวา ฆรํ คนฺตฺวา นนฺทํ อาทาย
นิธิฏฺานํ คนฺตฺวา ยถานุสิฏฺ ปฏิปชฺชิตฺวา ตํ ธนํ อาหริตฺวา
กุฏุมฺพํ สณฺเปตฺวา โพธิสตฺตสฺส โอวาเท ตฺวา ทานาทีนิ
ปุญฺานิ กตฺวา ชีวิตปริโยสาเน ยถากมฺมํ คโต ฯ
      สตฺถา ปุพฺเพเปโส เอวํสีโลเยวาติ วตฺวา อิมํ ธมฺมเทสนํ
อาหริตฺวา อนุสนฺธึ ฆเฏตฺวา ชาตกํ สโมธาเนสิ ตทา นนฺโท
สารีปุตฺตสฺส สทฺธิวิหาริโก อโหสิ กุฏุมฺพิกปุตฺโต สารีปุตฺโต
ปณฺฑิตกุฏุมฺพิโก ปน อหเมวาติ ฯ
                     นนฺทชาตกํ นวมํ ฯ
                      ----------

             อรรถกถาภาษาบาลีอักษรไทย เล่มที่ ๓๕ หน้า ๓๓๔-๓๓๗.
http://84000.org/tipitaka/atthapali/read_th.php?B=35&A=6891&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=35&A=6891&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=39
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=257
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=253
             The Pali Tipitaka in Roman Character :-
http://84000.org/tipitaka/read/roman_read.php?B=27&A=253
             สารบัญพระไตรปิฎกเล่มที่ ๒๗
http://84000.org/tipitaka/read/?index_27