อรรถกถาเล่มที่ ๓๖ ภาษาบาลีอักษรไทย
 ชา.อ.๒ เอกนิปาต(๒)

                     ๘. สาเกตชาตกํ
     ยสฺมึ มโน นิวีสตีติ อิทํ สตฺถา สาเกตํ นิสฺสาย อญฺชนวเน
วิหรนฺโต เอกํ พฺราหฺมณํ อารพฺภ กเถสิ ฯ
     ภควโต กิร ภิกฺขุสงฺฆปริวุตสฺส สาเกตํ ปิณฺฑาย ปวิสนกาเล
เอโก สาเกตนครวาสี มหลฺลกพฺราหฺมโณ นครโต พหิ คจฺฉนฺโต
อนฺตรทฺวาเร ทสพลํ ทิสฺวา ปาเทสุ ปติตฺวา โคปฺผเกสุ คาฬฺหํ
คเหตฺวา ตาต นนุ นาม ปุตฺเตหิ ชิณฺณกาเล มาตาปิตโร
ปฏิชคฺคิตพฺพา กสฺมา เอตฺตกํ กาลํ อมฺหากํ อตฺตานํ น ทสฺเสสิ
มยา ตาว ทิฏฺโสิ มาตรํ ปน ปสฺสิตุํ เอหีติ สตฺถารํ คเหตฺวา
อตฺตโน เคหํ อคมาสิ ฯ สตฺถา ตตฺถ คนฺตฺวา นิสีทิ ปญฺตฺตาสเน
สทฺธึ ภิกฺขุสงฺเฆน ฯ พฺราหฺมณีปิ อิทานิ เม ปุตฺโต อาคโตติ
อาคนฺตฺวา สตฺถุ ปาเทสุ ปติตฺวา ตาต เอตฺตกํ กาลํ กหํ
คโตสิ นนุ นาม ปุตฺเตน มาตาปิตโร มหลฺลกกาเล อุปฏฺาตพฺพาติ
ปริเทวิ ปุตฺตธีตโรปิ เอถ ภาตรํ วนฺทถาติ วนฺทาเปสิ ฯ
อุโภ ตุฏฺมานสา มหาทานํ อทํสุ ฯ สตฺถา ภตฺตกิจฺจํ นิฏฺาเปตฺวา
เตสํ ทฺวินฺนมฺปิ ชนานํ ชราสุตฺตํ กเถสิ ฯ สุตฺตปริโยสาเน อุโภปิ
อนาคามิผเล ปติฏฺหึสุ ฯ สตฺถา อุฏฺายาสนา อญฺชนวนเมว
อคมาสิ ฯ ภิกฺขู ธมฺมสภายํ สนฺนิสินฺนา กถํ สมุฏฺาเปสุํ อาวุโส
พฺราหฺมโณ ตถาคตสฺส ปิตา สุทฺโธทโน มาตา มหามายาติ
ชานาติ ชานนฺโตว สทฺธึ พฺราหฺมณิยา ตถาคตํ อมฺหากํ ปุตฺโตติ
วทติ สตฺถาปิ อธิวาเสสิ กินฺนุ โข การณนฺติ ฯ สตฺถา เตสํ
กถํ สุตฺวา ภิกฺขเว อุโภเปเต อตฺตโน ปุตฺตเมว ปุตฺโตติ
วทนฺตีติ วตฺวา อตีตํ อาหริ ภิกฺขเว อยํ พฺราหฺมโณ อตีเต
นิรนฺตรํ ปญฺจชาติสตานิ มยฺหํ ปิตา อโหสิ ปญฺจชาติสตานิ
จุลฺลปิตา ปญฺจชาติสตานิ มหาปิตา เอสาปิ พฺราหฺมณี นิรนฺตรเมว
ปญฺจชาติสตานิ มาตา อโหสิ ปญฺจชาติสตานิ จุลฺลมาตา
ปญฺจชาติสตานิ มหามาตา เอวาหํ ทิยฑฺฒชาติสหสฺสํ พฺราหฺมณสฺส
หตฺเถ สํวฑฺโฒ ทิยฑฺฒชาติสหสฺสํ พฺราหฺมณิยา หตฺเถ สํวฑฺโฒติ
ตีณิ ชาติสหสฺสานิ กเถตฺวา อภิสมฺพุทฺโธ หุตฺวา อิมํ คาถมาห
         ยสฺมึ มโน นิวีสติ     จิตฺตญฺจาปิ ปสีทติ
         อทิฏฺปุพฺพเก โปเส   กามํ ตสฺมึปิ วิสฺสเสติ ฯ
     ตตฺถ ยสฺมึ มโน นิวีสตีติ ยสฺมึ ปุคฺคเล ทิฏฺมตฺเตเยว
จิตฺตํ ปติฏฺาติ ฯ จิตฺตญฺจาปิ ปสีทตีติ ยสฺมึ ทิฏฺมตฺเต จิตฺตมฺปิ
ปสีทติ มุทุกํ โหติ ฯ อทิฏฺปุพฺพเก โปเสติ ปกติยา ตสฺมึ
อตฺตภาเว อทิฏฺปุพฺเพปิ ปุคฺคเล ฯ กามํ ตสฺมึปิ วิสฺสเสติ
อนุภูตปุพฺพสิเนหวเสเนว ตสฺมึปิ ปุคฺคเล เอกํเสน วิสฺสเส วิสฺสาสํ
อาปชฺชติเยวาติ อตฺโถ ฯ
     เอวํ สตฺถา อิมํ ธมฺมเทสนํ อาหริตฺวา อนุสนฺธึ ฆเฏตฺวา
ชาตกํ สโมธาเนสิ ตทา พฺราหฺมโณ จ พฺราหฺมณี จ เอเตเอว
อเหสุํ ปุตฺโตปิ อหเมวาติ ฯ
                   สาเกตชาตกํ อฏฺมํ ฯ
                     -------------

             อรรถกถาภาษาบาลีอักษรไทย เล่มที่ ๓๖ หน้า ๑๐๙-๑๑๐.
http://84000.org/tipitaka/atthapali/read_th.php?B=36&A=2165&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=36&A=2165&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=68
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=446
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=436
             The Pali Tipitaka in Roman Character :-
http://84000.org/tipitaka/read/roman_read.php?B=27&A=436
             สารบัญพระไตรปิฎกเล่มที่ ๒๗
http://84000.org/tipitaka/read/?index_27