อรรถกถาเล่มที่ ๓๖ ภาษาบาลีอักษรไทย
 ชา.อ.๒ เอกนิปาต(๒)

                     ๘. สารมฺภชาตกํ
     กลฺยาณเมว มุญฺเจยฺยาติ อิทํ สตฺถา สาวตฺถึ อุปนิสฺสาย
เชตวเน วิหรนฺโต โอมสวาทสิกฺขาปทํ อารพฺภ กเถสิ ฯ เทฺวปิ
วตฺถูนิ เหฏฺฐา นนฺทิวิสาลชาตเก วุตฺตสทิสาเนว ฯ อิมสฺมึ ปน ชาตเก
โพธิสตฺโต คนฺธารรฏฺเฐ ตกฺกสิลายํ อญฺญตรสฺส พฺราหฺมณสฺส
สารมฺโภ นาม พลิพทฺโท อโหสิ ฯ สตฺถา อิทํ อตีตวตฺถุํ กเถตฺวา
อภิสมฺพุทฺโธ หุตฺวา อิมํ คาถมาห
         กลฺยาณเมว มุญฺเจยฺย      น หิ มุญฺเจยฺย ปาปิกํ
         โมกฺโข กลฺยาณิยา สาธุ    มุตฺวา ตปติ ปาปิกนฺติ ฯ
     ตตฺถ กลฺยาณเมว มุญฺเจยฺยาติ จตุทฺโทสวินิมุตฺตํ กลฺยาณํ
สุนฺทรํ อนวชฺชเมว มุญฺเจยฺย วิสฺสชฺเชยฺย กเถยฺย ฯ น หิ
มุญฺเจยฺย ปาปิกนฺติ ปาปิกํ ลามกํ ปเรสํ อปฺปิยํ อมนาปํ น
มุญฺเจยฺย ฯ โมกฺโข กลฺยาณิยา สาธูติ กลฺยาณวาจาย วิสฺสชฺชนเมว
อิมสฺมึ โลเก สาธุ สุนฺทรํ ภทฺทกํ ฯ มุตฺวา ตปติ ปาปิกนฺติ
ปาปิกํ ผรุสวาจํ มุญฺจิตฺวา วิสฺสชฺเชตฺวา กเถตฺวา โส ปุคฺคโล
ตปติ  โสจติ กิลมตีติ ฯ
     เอวํ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ
ตทา พฺราหฺมโณ อานนฺโท อโหสิ พฺราหฺมณี อุปฺปลวณฺณา
สารมฺโภ ปน อหเมวาติ ฯ
                    สารมฺภชาตกํ อฏฺฐมํ ฯ
                       ---------

             อรรถกถาภาษาบาลีอักษรไทย เล่มที่ ๓๖ หน้า ๒๐๗-๒๐๘.
http://84000.org/tipitaka/atthapali/read_th.php?B=36&A=4191&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=36&A=4191&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=27&i=88
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=580
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=575
             The Pali Tipitaka in Roman Character :-
http://84000.org/tipitaka/read/roman_read.php?B=27&A=575
             สารบัญพระไตรปิฎกเล่มที่ ๒๗
http://84000.org/tipitaka/read/?index_27