อรรถกถาเล่มที่ ๓๘ ภาษาบาลีอักษรไทย
 ชา.อ.๔ ติก-ปญฺจกนิปาต

                      มิตฺตวินฺทุกชาตกํ
     กฺยาหํ เทวานมกรนฺติ อิทํ สตฺถา เชตวเน วิหรนฺโต เอกํ
ทุพฺพจภิกฺขุํ อารพฺภ กเถสิ ฯ
     วตฺถุ มหามิตฺตวินฺทุกชาตเก อาวิภวิสฺสติ ฯ อยํ ปน มิตฺตวินฺทุโก
สมุทฺเท ขิตฺโต อตฺริจฺโฉ หุตฺวา ปุรโต คนฺตฺวา
เนรยิกสตฺตานํ ปจนฏฺานํ อุสฺสุทนิรยํ ๑- ทิสฺวา เอกํ นครนฺติ สญฺาย
ปวิสิตฺวา ขุรจกฺกํ อาสาเทติ ฯ ตทา โพธิสตฺโต เทวปุตฺโต
หุตฺวา อุสฺสุทนิรยจาริกํ จรติ ฯ โส ตํ ทิสฺวา ปุจฺฉนฺโต ปมํ
คาถมาห
       กฺยาหํ เทวานมกรํ        กึ ปาปํ ปกตํ มยา
       ยํ เม สิรสฺมึ โอหจฺจ      จกฺกํ ภมติ มตฺถเกติ ฯ
     ตตฺถ กฺยาหํ เทวานมกรนฺติ สามิ เทวปุตฺต กินฺนาม อหํ
เทวานํ อกรึ กึ มํ เทวา พาเธนฺติ ฯ กึ ปาปํ ปกตํ มยาติ
ทุกฺขมหนฺตตาย เวทนาปตฺโต อตฺตนา กตปาปํ อสลฺลกฺเขนฺโต
เอวมาห ฯ ยํ เมติ เยน ปาเปน มม สิรสฺมึ โอหจฺจ โอหนิตฺวา
อิทํ ขุรจกฺกํ มม มตฺถเก ภมติ ตํ กินฺนามาติ ฯ
     ตํ สุตฺวา โพธิสตฺโต ทุติยํ คาถมาห
       อติกฺกมฺม รมณกํ          สทามตฺตญฺจ ทุพฺพกํ ๒-
       พฺรหฺมตรญฺจ ปาสาทํ       เกนฏฺเน อิธาคโตติ ฯ
     ตตฺถ รมณกนฺติ ผลิกปาสาทํ ฯ ทุพฺพกนฺติ มณิปาสาทํ ฯ
สทามตฺตนฺติ รชตปาสาทํ ฯ พฺรหฺมตรญฺจ ปาสาทนฺติ
สุวณฺณปาสาทญฺจ ฯ เกนฏฺเนาติ ตฺวํ เอเตสุ รมณกาทีสุ จตสฺโส อฏฺ
โสฬส ทฺวตฺตึสาติ เอตา เทวธีตโร ปหาย เต ปาสาเท อติกฺกมิตฺวา
เกน การเณน อิธ อาคโตติ ฯ
     ตโต มิตฺตวินฺทุโก ตติยํ คาถมาห
@เชิงอรรถ: ๑ อุสฺสทนิรยํ ฯ ๒ ทูภกํ ฯ
       อิโต พหุตรา โภคา       อตฺร มญฺเ ภวิสฺสเร
       อิติ เอตาย สญฺาย       ปสฺส มํ พฺยสนํ คตนฺติ ฯ
     ตตฺถ อิโต พหุตราติ อิเมสุ จตูสุ ปาสาเทสุ โภเคหิ อติเรกตรา
ภวิสฺสนฺติ ฯ
     ตโต โพธิสตฺโต เสสคาถา อภาสิ
       จตุพฺภิ อฏฺชฺฌคมา        อฏฺกาภิ จ โสฬส
       โสฬสาภิ จ ทฺวตฺตึส       อตฺริจฺฉํ จกฺกมาสโท
       อิจฺฉาหตสฺส โปสสฺส       จกฺกํ ภมติ มตฺถเก
       อุปริ วิสาลา ทุปฺปูรา      อิจฺฉาวิสทคามินี
       เย จ ตํ อนุคิชฺฌนฺติ       เต โหนฺติ จกฺกธาริโนติ ฯ
     ตตฺถ อุปริ วิสาลาติ มิตฺตวินฺทุก ตณฺหา นาเมสา อาเสวิยมานา
อุปริ วิสาลา โหนฺติ ปฏฺนา ๑- ตณฺหา นาม มหาสมุทฺโท
วิย ทุปฺปูรา รูปาทีสุ ตํ ตํ อารมฺมณํ อิจฺฉมานาย อิจฺฉาย
ปฏฺนาย วิสทคามินี ตสฺมา เย ปุริสา ตํ เอวรูปํ ตณฺหํ อนุคิชฺฌนฺติ
ปุนปฺปุนํ คิทฺธา หุตฺวา คณฺหนฺติ เต โหนฺติ จกฺกธาริโนติ เต
เอตํ ขุรจกฺกํ ธาเรนฺตีติ วทติ ฯ
     มิตฺตวินฺทุกํ ปน กเถนฺตเมว นิปฺปีฬิยมานํ ตมฺปิ จกฺกํ ภสฺสิ ฯ
เตน โส ปุน กเถตุํ นาสกฺขิ ฯ เทวปุตฺโต อตฺตโน เทวฏฺานเมว
คโต ฯ
     สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา
@เชิงอรรถ: ๑. ปตฺถฏา ฯ
มิตฺตวินฺทุโก ทุพฺพจภิกฺขุ อโหสิ เทวปุตฺโต ปน อหเมวาติ ฯ
                    มิตฺตวินฺทุกชาตกํ นวมํ
                      ----------

             อรรถกถาภาษาบาลีอักษรไทย เล่มที่ ๓๘ หน้า ๔๘๘-๔๙๑.
http://84000.org/tipitaka/atthapali/read_th.php?B=38&A=10148&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=38&A=10148&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=793
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=3680
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=3644
             The Pali Tipitaka in Roman Character :-
http://84000.org/tipitaka/read/roman_read.php?B=27&A=3644
             สารบัญพระไตรปิฎกเล่มที่ ๒๗
http://84000.org/tipitaka/read/?index_27