อรรถกถาเล่มที่ ๕๕ ภาษาบาลีอักษรไทย
 ปญฺจ.อ. (ปรมตฺถที.)

                        ๑๐. ทสกนิทฺเทสวณฺณนา
     [๒๐๙] ทสกนิทฺเทเส อิธาติ กามาวจรภูมิยํ. กามาวจรภูมิยญฺหิ สตฺตกฺขตฺตุ-
ปรมาทีนํ กามาวจรภูมิยญฺเญว นิฏฺฐา โหติ, กามาวจรตฺตภาเวเนว อรหตฺตปฺปตฺติ
จ อนุปาทิเสสนิพฺพานปฺปตฺติ จ โหตีติ อตฺโถ.
     อิธ วิหายาติ อิธ กามาวจเร อตฺตภาเว วิหาย สุทฺธาวาสตฺตภาเว ฐิตานํ
นิฏฺฐา โหตีติ อตฺโถ. อนฺตราปรินิพฺพายิอาทโย หิ อิธ อนาคามิผลํ ปตฺวา
อิโต จุตา สุทฺธาวาเสสุ อุปฺปชฺชิตฺวา เตน อตฺตภาเวน อรหตฺตญฺเจว อนุปาทิ-
เสสนิพฺพานธาตุญฺจ ปาปุณนฺติ. เตน วุตฺตํ "อิเมสํ ปญฺจนฺนํ อิธ วิหาย นิฏฺฐา"ติ.
                       ทสกนิทฺเทสวณฺณนา นิฏฺฐิตา
                          ------------
                             นิคมนกถา
    เอตฺตาวตา จ:-
            ยํ เว ปุคฺคลปญฺญตฺตึ          โลเก อปฺปฏิปุคฺคโล
            นาติสงฺเขปโต สตฺถา         เทเสสิ ติทสาลเย.
            ตสฺสา อฏฺฐกถญฺเจว          ทีปภาสาย สงฺขตํ
            อาคมฏฺฐกถาโย จ           โอคาเหตฺวา อเสสโต.
            สุวิภตฺโต อสงฺกิณฺโณ          โย โย อตฺโถ ยหึ ยหึ
            ตโต ตโต ตํ คเหตฺวา        ปหาย อติวิตฺถารํ.
            วิสุทฺธิมคฺเค ยํ วุตฺตํ          ตํ อนาทาย สงฺขตา
            นาติสงฺเขปวิตฺถาร-          นเยนฏฺฐกถา อยํ.
            ตํ เอตํ สตฺตมตฺเตหิ          ภาณวาเรหิ ตนฺติยา
            จิรฏฺฐิตตฺถํ ธมฺมสฺส           สงฺขโรนฺเตน ยํ มยา.
            สมฺปตฺตํ กุสลํ เตน           สทฺธมฺมํ สุขุมํ สิวํ
            โอโลเกนฺตุ วิสุทฺเธน         ปาณโย ธมฺมจกฺขุนาติ.
                   ปุคฺคลปญฺญตฺติปฺปกรณฏฺฐกถา นิฏฺฐิตา.
                         --------------

             อรรถกถาภาษาบาลีอักษรไทย เล่มที่ ๕๕ หน้า ๑๑๙-๑๒๐.
http://84000.org/tipitaka/atthapali/read_th.php?B=55&A=2675&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=55&A=2675&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=36&i=667
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=36&A=4921
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=36&A=4767
             The Pali Tipitaka in Roman Character :-
http://84000.org/tipitaka/read/roman_read.php?B=36&A=4767
             สารบัญพระไตรปิฎกเล่มที่ ๓๖
http://84000.org/tipitaka/read/?index_36