อรรถกถาเล่มที่ ๕๕ ภาษาบาลีอักษรไทย
 ปญฺจ.อ. (ปรมตฺถที.)

                      ๙. เหวตฺถีติกถาวณฺณนา *-
     [๓๐๔] อิทานิ เหวตฺถีติกถา นาม โหติ. ตตฺถ เยสํ "สพฺเพปิ
อตีตาทิเภทา ธมฺมา รูปาทิวเสน อตฺถิ, อตีตํ อนาคตปจฺจุปฺปนฺนวเสน
อนาคตปจฺจุปฺปนฺนานิ วา อตีตาทิวเสน นตฺถิ, ตสฺมา สพฺพเมวิทํ เอวํ อตฺถิ
เอวํ นตฺถี"ติ ลทฺธิ เสยฺยถาปิ เอตรหิ วุตฺตปฺปเภทานํ อนฺธกานํ, เต สนฺธาย
อตีตํ อตฺถีติ ปุจฺฉา สกวาทิสฺส. เหวตฺถิ เหว นตฺถีติ วิสฺสชฺชนํ ปรวาทิสฺส.
ตตฺถ เหวาติ เอวํ. อถ นํ สกวาที "ยทิ อตีโตว เอวํ อตฺถิ เอวํ นตฺถีติ
ลทฺธิ, เอวํ สนฺเต โสเยว อตฺถิ, โสเยว นตฺถิ นามา"ติ ปุจฺฉนฺโต เสวตฺถิ,
@เชิงอรรถ: ๑ ฉ.ม. มคฺควิเสสนานิ      ๒ ฉ.ม. อาทิ      ๓ ฉ.ม. วุตฺตํ
@๔ ฉ.ม. สุตฺตสาธนา อุตฺตานตฺถาเยวาติ  * ฉ.ม. เหวตฺถิกถาวณฺณนา
เสว นตฺถีติ อาห. อิตโร เตเนว สภาเวน อตฺถิตํ เตเนว นตฺถิตํ สนฺธาย
ปฏิกฺขิปติ. ทุติยํ ปุฏฺโฐ สกภาเวเนว อตฺถิตํ ปรภาเวเนว นตฺถิตํ สนฺธาย
ปฏิชานาติ. ตโต ปรํ อตฺถฏฺโฐ นตฺถฏฺโฐติ อตฺถิ สกภาโว นตฺถิ สกภาโว ๑-
นาม โหตีติ ปุจฺฉติ. อิมินาว อุปาเยน สพฺพวาเรสุ อตฺโถ เวทิตพฺโพ.
ปริโยสาเน ปน "เตน หิ อตีตํ เหวตฺถิ, เหว นตฺถี"ติ จ "เตน หิ รูปํ
เหวตฺถิ, เหว นตฺถี"ติ จาติอาทีนิ วตฺวา กิญฺจาปิ ปรวาทินา ลทฺธิ ปติฏฺฐาปิตา,
อโยนิโส ปติฏฺฐาปิตตฺตา ปเนสา อปฺปติฏฺฐาปิตาเยวาติ.
                      เหวตฺถีติกถาวณฺณนา นิฏฺฐิตา.
                       ปฐโม มหาวคฺโค สมตฺโต.
                           -----------

             อรรถกถาภาษาบาลีอักษรไทย เล่มที่ ๕๕ หน้า ๑๘๐-๑๘๑.
http://84000.org/tipitaka/atthapali/read_th.php?B=55&A=4048&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=55&A=4048&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=37&i=437
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=5182
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=3589
             The Pali Tipitaka in Roman Character :-
http://84000.org/tipitaka/read/roman_read.php?B=37&A=3589
             สารบัญพระไตรปิฎกเล่มที่ ๓๖
http://84000.org/tipitaka/read/?index_37