อรรถกถาเล่มที่ ๕๕ ภาษาบาลีอักษรไทย
 ปญฺจ.อ. (ปรมตฺถที.)

                     ๙. ยถากมฺมูปคตาณกถาวณฺณนา
     [๓๗๗] อิทานิ ยถากมฺมูปคตาณกถา นาม โหติ. ตตฺถ เยสํ "อิติ
ทิพฺเพน จกฺขุนา วิสุทฺเธน ฯเปฯ ยถากมฺมูปเค สตฺเต ปชานาตี"ติ ๑- สุตฺตํ
อโยนิโส คเหตฺวา ยถากมฺมูปคาณเมว ทิพฺพจกฺขุนฺติ ลทฺธิ, เต สนฺธาย ปุจฺฉา
สกวาทิสฺส, ปฏิญฺา อิตรสฺส. ปุน ยถากมฺมูปคตญฺจ มนสิ กโรตีติ ปุฏฺโ
เอกจิตฺตสฺส อารมฺมณทฺวยาภาวา ปฏิกฺขิปติ. ทุติยํ ปุฏฺโ นานาจิตฺตวเสน
ปฏิชานาติ. ปุน เลโสกาสํ อทตฺวา ทฺวินฺนํ ผสฺสานนฺติ ปุฏฺโ ปฏิกฺขิปติ. อิติ
ยถา อิมินา ยถากมฺมูปคตปเทน, เอวเมว อิเม วต โภนฺโต สตฺตาติอาทิปเทหิปิ
สทฺธึ โยชนาสุ อตฺโถ เวทิตพฺโพ.
     [๓๗๘] อายสฺมา สาริปุตฺโต ยถากมฺมูปคตํ าณํ ชานาตีติ อิทํ สกวาที
ยสฺมา เถโร อปฺปิจฺฉตาย อภิญฺาาณานิ น วลญฺเชตีติ เอกจฺเจ น ชานนฺติ,
ตานิ ปนสฺส เนว อตฺถีติ มญฺนฺติ, ตสฺมา ตํ "ทิพฺพจกฺขุโน อลาภี เถโร"ติ
มญฺมานํ ปุจฺฉติ. เตเนว การเณน "อตฺถายสฺมโต สาริปุตฺตสฺส ทิพฺพจกฺขู"ติ
ปรโต ปุฏฺโ ปฏิกฺขิปติ. ทุติยํ ปุฏฺโ ยงฺกิญฺจิ สาวเกน ปตฺตพฺพํ, สพฺพนฺตํ
เถเรน อนุปฺปตฺตนฺติ ปฏิชานาติ. อิทานิสฺส วิกฺเขปํ กโรนฺโต สกวาที นนุ อายสฺมา
@เชิงอรรถ: ๑ ที.สี. ๙/๒๔๖/๘๓, ขุ.ปฏิ. ๓๑/๒๕๗/๑๖๙ (สฺยา)
สาริปุตฺโตติอาทิมาห. อิมญฺหิ คาถํ เถโร วลญฺชนปณิธิยาเอว อภาเวน อาห, น
อภิญฺาาณานํ ๑- อภาเวน. ปรวาที ปน อภาเวเนวาติ อตฺถํ สลฺลกฺเขติ. ตสฺมา
ตสฺส ลทฺธิยา เถรสฺส ยถากมฺมูปคตาณเมว อตฺถิ, โน ทิพฺพจกฺขุ. เตน วุตฺตํ
"เตน หิ น วตฺตพฺพํ ยถากมฺมูปคตาณํ ทิพฺพจกฺขู"ติ.
                   ยถากมฺมูปคตาณกถาวณฺณนา นิฏฺิตา.
                           ----------

             อรรถกถาภาษาบาลีอักษรไทย เล่มที่ ๕๕ หน้า ๑๙๘-๑๙๙.
http://84000.org/tipitaka/atthapali/read_th.php?B=55&A=4450&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=55&A=4450&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=37&i=820
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=8328
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=5609
             The Pali Tipitaka in Roman Character :-
http://84000.org/tipitaka/read/roman_read.php?B=37&A=5609
             สารบัญพระไตรปิฎกเล่มที่ ๓๖
http://84000.org/tipitaka/read/?index_37