อรรถกถาเล่มที่ ๕๕ ภาษาบาลีอักษรไทย
 ปญฺจ.อ. (ปรมตฺถที.)

                    ๕. ปริโภคมยปุญฺกถาวณฺณนา
     [๔๘๓] อิทานิ ปริโภคมยปุญฺกถา นาม โหติ. ตตฺถ "เตสํ ทิวา จ รตฺโต จ,
สทา ปุญฺ ปวฑฺฒตี"ติ ๒- จ "ยสฺส ภิกฺขเว ภิกฺขุ จีวรํ ปริภุญฺชมาโน"ติ ๓-
จ เอวมาทีนิ สุตฺตานิ อโยนิโส คเหตฺวา เยสํ "ปริโภคมยํ นาม ปุญฺ
@เชิงอรรถ: ๑ ม. ปน น ผสฺสํ  ๒ สํ.ส. ๑๕/๔๗/๓๗   ๓ องฺ.จตุกฺก. ๒๑/๕๑/๖๒
อตฺถี"ติ ลทฺธิ เสยฺยถาปิ ราชคิริกสิทฺธตฺถิกสมิติยานํ, เต สนฺธาย ปริโภคมยนฺติ
ปุจฺฉา สกวาทิสฺส, ปฏิญฺา อิตรสฺส. อถ นํ "ปุญฺ นาม ผสฺสาทโย กุสลา
ธมฺมา, น ตโต อญฺ, ๑- ตสฺมา ผสฺสาทีหิ เต วฑฺฒิตพฺพนฺ"ติ โจเทตุ
ปริโภคมโย ผสฺโสติอาทิ อารทฺธํ. ตํ สพฺพํ อิตเรน เตสํ อวฑฺฒนโต ปฏิกฺขิตฺตํ.
ลตา วิยาติอาทีนิ "กิริยาย วา ภาวนาย วา วินาปิ ยถา ลตาทีนิ สยเมว
วฑฺฒนฺติ, กินฺเต เอวํ วฑฺฒนฺตี"ติ โจทนตฺถํ วุตฺตานิ. ตถา ปนสฺส อวฑฺฒนโต
น เหวนฺติ ๒- ปฏิกฺขิตฺตํ.
     [๔๘๔] น สมนฺนาหรตีติ ปเญฺห ปฏิคฺคาหกานํ ปริโภเคน ปุริมเจตนา
วฑฺฒติ, เอวนฺตํ โหติ ปุญฺนฺติ ลทฺธิวเสน ปฏิชานาติ. ตโต อนาวชฺชนฺตสฺสาติ-
อาทีหิ ปุฏฺโ ทายกสฺส จาคเจตนํ สนฺธาย ปฏิกฺขิปติ. ตตฺถ อนาวชฺชนฺตสฺสาติ ๓-
ทานเจตนาย ปุเรจาริเกน อาวชฺชเนน ภวงฺคมนาวชฺชนฺตสฺส อปริวชฺเชนฺตสฺส. ๔-
อนาโภคสฺสาติ นิราโภคสฺส. อสมนฺนาหรนฺตสฺสาติ น สมนฺนาหรนฺตสฺส.
อาวชฺชนญฺหิ ภวงฺคํ วิจฺฉินฺทิตฺวา อตฺตโน คตมคฺเค อุปฺปชฺชมานํ ทานเจตนํ
สมนฺนาหรติ นาม. เอวํกิจฺเจน อิมินา จิตฺเตน อสมนฺนาหรนฺตสฺส ปุญฺ โหตีติ
ปุจฺฉติ. อมนสิกโรนฺตสฺสาติ มนํ อกโรนฺตสฺส. อาวชฺชนญฺหิ ๕- ตทนนฺตรํ
อุปฺปชฺชมานํ มนํ กโรติ นาม, เอวํ อกโรนฺตสฺสาติ อตฺโถ. อุปโยควจนสฺมิญฺหิ
เอตํ ภุมฺมํ. อเจตยนฺตสฺสาติ เจตนมนุปฺปาเทนฺตสฺส. อปตฺถยนฺตสฺสาติ ๖-
ปตฺถนาสงฺขาตํ กุสลจฺฉนฺทํ อกโรนฺตสฺส. อปฺปณิทหนฺตสฺสาติ ทานเจตนาวเสน จิตฺตํ
อฏฺเปนฺตสฺสาติ อตฺโถ. นนุ อาวชฺชนฺตสฺสาติ วาเร อาโภคสฺสาติ อาโภควโต.
อถวา อาโภโค อสฺส, ๗- อาโภคสฺส วา อนนฺตรํ ตํ ปุญฺ โหตีติ อตฺโถ.
     [๔๘๕] ทฺวินฺนํ ผสฺสานนฺติอาทีสุปิ เอกกฺขเณ ทายกสฺส ทฺวินฺนํ ผสฺสาทีนํ
อภาวา ปฏิกฺขิปติ, ทายกสฺส จ ปริภุญฺชนฺตสฺส จาติ อุภินฺนํ ผสฺสาทโย สนฺธาย
@เชิงอรรถ: ๑ ฉ.ม. ปรํ          ๒ ฉ.ม. น เหวาติ       ๓ ฉ.ม. อนาวฏฺเฏนฺตสฺส
@๔ ฉ.ม. อปริวฏฺเฏนฺตสฺส ๕ ฉ.ม. อาวชฺชเนน หิ    ๖ ฉ.ม. อปตฺเถนฺตสฺสาติ
@๗ ฉ.ม. อาโภคา อสฺส
ปฏิชานาติ. อปิจสฺส ปญฺจนฺนํ วิญฺาณานํ สโมธานํ โหตีติ ลทฺธิ, ตสฺสาปิ
วเสน ปฏิชานาติ. อถ นํ สกวาที ปริยายสฺส ทฺวารํ ปิทหิตฺวา อุชุวิปจฺจนีกวเสน
โจเทตุ กุสลาทิปญฺหํ ปุจฺฉติ. ตตฺราปิ กุสลากุสลานํ เอกกฺขเณ ๑- สมฺปโยคาภาวํ
สนฺธาย ปฏิกฺขิปติ. ปริโภคมยํ ปน จิตฺตวิปฺปยุตฺตํ อุปฺปชฺชตีติ ลทฺธิยา
ปฏิชานาติ. อถ นํ สกวาที สุตฺเตน นิคฺคณฺหาติ.
     [๔๘๖] สุตฺตสาธเน อารามโรปกาทีนํ อนุสฺสรณปฏิสงฺขรณาทิวเสน
อนฺตรนฺตรา อุปฺปชฺชมานํ ปญฺ สนฺธาย สทา ปุญฺ ปวฑฺฒตีติ วุตฺตํ. อปฺปมาโณ
ตสฺส ปุญฺาภิสนฺโทติ อิทมฺปิ ๒- อปฺปมาณวิหาริโน ทินฺนปจฺจยตฺตา จ "เอวรูโป
เม จีวรํ ปริภุญฺชตี"ติ อนุโมทนวเสน จ วุตฺตํ, ตํ โส ปริโภคมยนฺติ
สลฺลกฺเขติ. ยสฺมา ปน ปฏิคฺคาหเกน ปฏิคฺคเหตฺวา อปริภุตฺเตปิ เทยฺยธมฺเม
ปุญฺ โหติเยว, ตสฺมา สกวาทีวาโทว พลวา, ตตฺถ ปฏิคฺคาหเกน ปฏิคฺคหิเตติ
อตฺโถ ทฏฺพฺโพ. เสสํ อุตฺตานตฺถเมวาติ.
                    ปริโภคมยปุญฺกถาวณฺณนา นิฏฺิตา.
                           -----------


             อรรถกถาภาษาบาลีอักษรไทย เล่มที่ ๕๕ หน้า ๒๒๔-๒๒๖.
http://84000.org/tipitaka/atthapali/read_th.php?B=55&A=5049
             The Pali Atthakatha in Roman :-
http://84000.org/tipitaka/atthapali/read_rm.php?B=55&A=5049
             อ่านอรรถกถาแปลไทย :-
http://84000.org/tipitaka/attha/attha.php?b=37&i=1145
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=11234
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=7431
             The Pali Tipitaka in Roman Character :-
http://84000.org/tipitaka/read/roman_read.php?B=37&A=7431
             สารบัญพระไตรปิฎกเล่มที่ ๓๖
http://84000.org/tipitaka/read/?index_37