อรรถกถาเล่มที่ ๙ ภาษาบาลีอักษรไทย
 ม.อ. (ปปญฺจ.๓)

                       ๙. พหุเวทนียสุตฺตวณฺณนา
      [๘๘] เอวมฺเม สุตนฺติ พหุเวทนียสุตฺตํ. ตตฺถ ปญฺจกงฺโค ถปตีติ
ปญฺจกงฺโคติ ตสฺส นามํ. วาสิผรสุนิขาทนทณฺฑมุคฺครกาฬสุตฺตนาฬิสงฺขาเตหิ
วา องฺเคหิ สมนฺนาคตตฺตา โส ปญฺจกงฺโคติ ปญฺาโต. ถปตีติ วฑฺฒกีเชฏฺโก.
อุทายีติ ปณฺฑิตอุทายิตฺเถโร.
      [๘๙] ปริยายนฺติ การณํ. เทฺวปานนฺทาติ เทฺวปิ อานนฺท. ปริยาเยนาติ
การเณน. เอตฺถ จ กายิกเจตสิกวเสน เทฺว เวทิตพฺพา. สุขาทิวเสน ติสฺโส,
อินฺทฺริยวเสน สุขินฺทฺริยาทิกา ปญฺจ, ทฺวารวเสน จกฺขุสมฺผสฺสชาทิกา ฉ,
อุปวิจารวเสน "จกฺขุนา รูปํ ทิสฺวา โสมนสฺสฏฺานิยํ รูปํ อุปวิจรตี"ติอาทิกา
อฏฺารส, ฉ เคหสฺสิตานิ โสมนสฺสานิ, ฉ เนกฺขมฺมสฺสิตานิ โสมนสฺสานิ, ฉ
เนกฺขมฺมสฺสิตานิ ฉ เคหสฺสิตานิ โทมนสฺสานิ ฉ เคหสฺสิตา อุเปกฺขา ฉ
@เชิงอรรถ: ๑ ฉ.ม. อยํ สทฺโท น ทิสฺสติ
เนกฺขมฺมสฺสิตาติ เอวํ ฉตฺตึส, ตา อตีเต ฉตฺตึส, อนาคเต ฉตฺตึส, ปจฺจุปฺปนฺเน
ฉตฺตึสาติ เอวํ อฏฺสตเวทนา เวทิตพฺพา. ๑-
      [๙๐] ปญฺจ โข อิเม อานนฺท กามคุณาติ อยํ ปาฏิเยกฺโก อนุสนฺธิ.
น เกวลํ หิ เทฺว อาทึ กตฺวา เวทนา ภควตา ปญฺตฺตา, ปริยาเยน เอกาปิ
เวทนา กถิตา. ตํ ทสฺเสนฺโต ปญฺจกงฺคสฺส ถปติโน วาทํ อุปตฺถมฺเภตุํ อิมํ
เทสนํ อารภิ.
      อภิกฺกนฺตตรนฺติ สุนฺทรตรํ. ปณีตตรนฺติ อนุกปฺปตรํ. ๒- เอตฺเถว ๓-
จตุตฺถชฺฌานโต ปฏฺาย อทุกฺขมสุขาเวทนา, สาปิ สนฺตฏฺเน ปณีตฏฺเน จ
จ สุขนฺติ วุตฺตา. ฉ เคหสฺสิตานิ สุขนฺติ วุตฺตานิ. นิโรโธ อเวทยิตสุขวเสน
สุขํ นาม ชาโต. ปญฺจกามคุณวเสน หิ อฏฺสมาปตฺติวเสน จ อุปฺปนฺนํ
เวทยิตสุขํ นาม. นิโรโธ อเวทยิตสุขํ นาม. อิติ เวทยิตสุขํ วา โหตุ
อเวทยิตสุขํ วา, ตํ นิทฺทุกฺขภาวสงฺขาเตน สุขฏฺเน เอกสุขเมว ๔- ชาตํ.
      [๙๑] ยตฺถ ยตฺถาติ ยสฺมึ ยสฺมึ าเน. สุขํ อุปลพฺภตีติ เวทยิตสุขํ
วา อเวทยิตสุขํ วา อุปลพฺภตีติ. ตํ ตํ ตถาคโต สุขสฺมึ ปญฺเปตีติ ตํ
สพฺพํ ตถาคโต นิทฺทุกฺขภาวํ สุขสฺมึเยว ปญฺเปตีติ. อิธ ภควา นิโรธสมาปตฺตึ
สีสํ กตฺวา เนยฺยปุคฺคลวเสน อรหตฺตนิกูเฏเนว เทสนํ นิฏฺาเปสีติ.
                    ปปญฺจสูทนิยา มชฺฌิมนิกายฏฺกถาย
                     พหุเวทนียสุตฺตวณฺณนา นิฏฺิตา.
                              นวมํ.
                         --------------
@เชิงอรรถ: ๑ ฉ.ม. อฏฺเวทนาสตํ เวทิตพฺพํ              ๒ ฉ.ม. อตปฺปกตรํ
@๓ ฉ.ม. เอตฺถ จ                         ๔ ฉ.ม. เอกนฺตสุขเมว

             อรรถกถาภาษาบาลีอักษรไทย เล่มที่ ๙ หน้า ๘๕-๘๖.
http://84000.org/tipitaka/atthapali/read_th.php?B=9&A=2147&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=9&A=2147&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=13&i=97
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=13&A=1726
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=13&A=1929
             The Pali Tipitaka in Roman Character :-
http://84000.org/tipitaka/read/roman_read.php?B=13&A=1929
             สารบัญพระไตรปิฎกเล่มที่ ๑๓
http://84000.org/tipitaka/read/?index_13