AtthaPali Vol.55

5. Nirodhasamāpattikathāvaṇṇanā [457-459] Idāni nirodhasamāpattikathā nāma hoti. Tattha nirodhasamāpattīti catunnaṃ khandhānaṃ appavatti. Yasmā pana sā kariyamānā kariyati, samāpajjiyamānā samāpajjiyati, tasmā niruddhāti ^1- vuccati. Saṅkhatāsaṅkhatalakkhaṇānaṃ pana abhāvena na vattabbā "saṅkhatāti vā asaṅkhatā"ti vā. Tattha yesaṃ "yasmā saṅkhatā na hoti, tasmā asaṅkhatā"ti laddhi seyyathāpi andhakānañceva uttarāpathakānañca, te sandhāya nirodhasamāpattīti pucchā sakavādissa, paṭiññā itarassa. Uppādentītiādi samāpajjanapaṭilābhavaseneva vuttaṃ. Yathā pana rūpādayo saṅkhatadhamme ^2- uppādenti. Na tathā taṃ keci uppādenti nāma. Nirodhā vodānaṃ vuṭṭhānanti phalasamāpatti veditabbā. Asaṅkhatā pana taṃ natthiyeva, @Footnote: ¹ cha.Ma. nipphannāti ² cha.Ma. asaṅkhatadhamme

--------------------------------------------------------------------------------------------- page220.

Tasmā taṃ ^1- paṭikkhipati. Tena hīti yasmā saṅkhatā na hoti, tasmā asaṅkhatāti laddhi. Idampana asaṅkhatabhāve kāraṇaṃ na hotīti vuttampi avuttasadisamevāti. Nirodhasamāpattikathāvaṇṇanā niṭṭhitā. -----------

The Pali Atthakatha in Roman Book 55 page 219-220. http://84000.org/tipitaka/atthapali/rm_line.php?B=55&A=4932&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=4932&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=37&i=1100 เนื้อความพระไตรปิฎกฉบับหลวง :- http://84000.org/tipitaka/read/r.php?B=37&A=10732 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=37&A=7088 The Pali Tipitaka in Roman Character :- http://84000.org/tipitaka/read/roman_read.php?B=37&A=7088 Contents of The Tipitaka Volume 36 http://84000.org/tipitaka/read/?index_37