AtthaPali Vol.16

4. Dānavagga 1. Paṭhamadānasuttavaṇṇanā [31] Catutthassa paṭhame āsajja dānaṃ detīti patvā dānaṃ deti. Āgataṃ disvāva ^3- taṃ muhuttaṃyeva nisīdāpetvā sakkāraṃ katvā dānaṃ deti, dassāmīti na kilameti. Bhayāti "ayaṃ adāyako akārako"ti garahabhayā, apāyabhayā vā. Adāsi meti mayhaṃ pubbe esa idaṃ nāma adāsīti deti. Dassati meti anāgate idaṃ nāma dassatīti deti. Sāhu dānanti dānaṃ nāma sādhu sundaraṃ buddhādīhi paṇḍitehi pasatthanti deti. Cittālaṅkāracittaparikkhāratthaṃ dānaṃ detīti samathavipassanācittassa alaṅkāratthañceva parikkhāratthañca deti. Dānañhi cittaṃ muduṃ karoti. Yena laddhaṃ hoti, ^4- so "laddhaṃ me"ti muducitto hoti. Yena dinnaṃ, sopi "dinnaṃ mayā"ti muducitto hoti, iti ubhinnaṃ cittaṃ muduṃ karoti. Teneva "adantadamanan"ti vuccati. Yathāha:- "adantadamanaṃ dānaṃ adānaṃ dantadūsakaṃ ^5- dānena piyavācāya ^6- unnamanti namanti cāti. @Footnote: ¹ Sī. nimmitakāyopi ² cha.Ma. sesaṃ sabbattha uttānamevāti @³ cha.Ma. disvā ⁴ cha.Ma. yena laddho @⁵ Sī. dānaṃ sabbatthasādhakaṃ, visuddhi. 2/108 brahmavihāraniddesa ⁶ ka. anena @piyavācena, su.vi. 3/336/243

--------------------------------------------------------------------------------------------- page254.

Imesu pana aṭṭhasu dānesu cittālaṅkāradānameva uttamanti.

The Pali Atthakatha in Roman Book 16 page 253-254. http://84000.org/tipitaka/atthapali/rm_line.php?B=16&A=5682&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=5682&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=23&i=121 เนื้อความพระไตรปิฎกฉบับหลวง :- http://84000.org/tipitaka/read/r.php?B=23&A=4877 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=23&A=5126 The Pali Tipitaka in Roman Character :- http://84000.org/tipitaka/read/roman_read.php?B=23&A=5126 Contents of The Tipitaka Volume 22 http://84000.org/tipitaka/read/?index_23