AtthaPali Vol.16

8. Devasurasangamasuttavannana [39] Atthame samupabyulho ahositi paccupatthito ahosi. Sangameyyamati sangamam kareyyama yujjheyyama. Apassimsvevati ^1- palayimsuyeva. Uttarabhimukhati uttaramukha hutva. Abhibhayantevati ^2- anubandhantiyeva. Bhiruttanagatenati bhiruttanam bhayanivaranam patitthanam gatena. ^3- Akaraniyati yuddhena kinci akattabba. Kasma pana tesam sangamo hotiti asura hi pubbe tavatimsabhavanavasino ^4- te cittapataliya pupphanakale dibbaparicchattakapuppham anussaranti. Tato uppannakodha "ganhatha deve"ti sammukhasammukhatthaneneva sinerum abhiruhanti, devapi nikkhamanti. Tesam gopalakadarakanam annamannam dandakehi paharanasadisam yuddham hoti. Sakko devaraja hettha pancasu thanesu arakkham thapetva upari devapuram parivaretva attasadisa vajirahattha patima thapapesi. Asura hettha panca thanani patibahitva abhiruhanta ^5- indapatimayo disva nivattitva asurapurameva gacchanti. Dakkhinena mukhati ^6- dakkhinamukha hutva. Apadam bandhitvati ^7- nippadam niravasesam bandhitva. Adassanam gatoti maropi vattapadakam katva rupavacaracatutthajjhanam samapannassa cittam janati, tadeva vipassanapadakam katva samapannassa cittam janati. Arupavacarasamapatti pana vattapada va hoti ^8- vipassanapada va, tamsamapannassa maro cittam na janati. Tena vuttam "adassanam gato papimato"ti.

The Pali Atthakatha in Roman Book 16 page 313. http://84000.org/tipitaka/atthapali/rm_line.php?B=16&A=7050&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=7050&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=23&i=243 เนื้อความพระไตรปิฎกฉบับหลวง :- http://84000.org/tipitaka/read/r.php?B=23&A=9256 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=23&A=9493 The Pali Tipitaka in Roman Character :- http://84000.org/tipitaka/read/roman_read.php?B=23&A=9493 Contents of The Tipitaka Volume 22 http://84000.org/tipitaka/read/?index_23