AtthaPali Vol.39

Mahadhammapalajatakam kinte vatanti idam sattha pathamagamanena kapilavatthunagaram gantva nigrodharame viharanto pitu nivesane ranno asaddahanam arabbha kathesi. Tada hi suddhodanamaharaja visatisahassabhikkhuparivarassa bhagavato attano nivesane yagukhajjakam datva antarabhatte ca sammodaniyam karonto bhante tumhakam padhanakale devata agantva akase thatva putto te siddhatthakumaro appaharataya matoti mayham arocayimsuti aha satthara ca saddahasi maharajati vutte na saddahami bhante akase thatva kathentiyapi devataya mama puttassa bodhitale buddhattam apatva parinibbanam nama natthiti patikkhipinti aha. Kim maharaja idaneva saddahasi pubbepi tvam mahadhammapalakale putto te mato imanissa atthiniti elakassa atthini dassetva vadantassapi disapamokkhacariyassa amhakam kule tarunakale kalakiriya nama natthiti na saddahi idani pana kasma saddahissasiti vatva tena yacito atitam ahari atite baranasiyam brahmadatte rajjam karente kasikaratthe dhammapalagamo nama ahosi. So dhammapalakulassa vasanataya evam namam labhi. Tattha dasannam kusalakammapathadhammanam palanato dhammapalo Tveva pannato brahmano pativasati. Tassa kule antamaso dasakammakarapi danam denti silam rakkhanti uposathakammam karonti. Tada bodhisatto tasmim kule nibbatti. Dhammapalakumaro tvevassa namam karimsu. Atha nam vayappattam pita sahassam datva sippug- gahanatthaya takkasilam pesesi. So dhammapalo tattha gantva disapamokkhacariyassa santike sippam ugganhi. Pancannam manavakasatanam jetthantevasiko ahosi. Tada acariyassa jetthaputto kalamakasi. Acariyo manavakaparivuto natiganena saddhim rodanto kandanto susane tassa sarirakiccam karesi. Tattha acariyo ca nativaggo ca tassa antevasiko ca rodanti paridevanti. Dhammapaloyeveko na rodati na paridevati apica kho pana tesu pancasatesu manavesu susana agamma acariyassa santike nasiditva aho evarupo nama acarasampanno tarunamanavo tarunakaleyeva matapituhi vippayutto maranam pattoti vadantesu samma tumhe tarunoti bhanatha atha kasma tarunakaleyeva maranti nanu ayuttam tarunakale maritunti aha. Atha nam te ahamsu kim pana samma tvam imesam sattanam maranabhavam na janasiti. Janami tarunakale pana na maranti mahallakakaleyeva marantiti. Nanu anicca sabbe sankhara hutva abhavinoti. Saccam anicca daharakale pana satta na maranti mahallakakale maranti aniccatam papunantiti. Kim samma dhammapala tumhakam gehe na keci marantiti. Daharakale Pana satta na maranti mahallakakaleyeva marantiti. Kim panesa tumhakam kulappaveniti. Ama kulappaveniti. Manava tam tassa katham sutva acariyassa arocesum. Atha nam so pakkosapetva pucchi saccam kira tata dhammapala tumhakam kule daharakale na miyyantiti. Saccam acariyati. So tassa vacanam sutva cintesi ayam ativiya acchariyam vadati imassa pitu santikam gantva pucchitva sace etam saccam ahampi tameva dhammam paripuressamiti. So puttassa kattabbakiccam katva sattatthadivasaccayena dhammapalam pakkosapetva tata aham vippavasissami tvam yava mamagamana ime manave sippam vacehiti vatva ekassa elakassa atthini gahetva dhovitva pasibbake katva ekam cullupatthakam adaya takkasilato nikkhamitva anupubbena tam gamam patva kataram mahadhammapalassa gehanti pucchitva gantva dvare atthasi. Brahmanassa dasamanussesu yo yo pathamam addasa so so acariyassa hatthato chattam ganhi upahanam ganhi upatthakassapi hatthato pasibbakam ganhi puttassa te dhammapalakumarassa acariyo dvare thitoti kumarassa pitu arocethati vutte te sadhuti vatva arocayimsu. So vegena dvaramulam gantva ito ethati tam gharam anetva pallanke nisidapetva sabbam padadhovanadikiccam akasi. Acariyo bhuttabhojano sukhakathaya nisinnakale brahmana putto te dhammapalakumaro pannava tinnam vedanam attharasannanca sippanam nipphattim patto apica kho Panekena aphasukena jivitakkhayam patto sabbe sankhara anicca ma socitthati aha. Brahmano panim paharitva mahahasitam hasi. Kinnu kho brahmana hasiti ca vutte mayham putto na marati anno koci mato bhavissatiti aha. Brahmana puttasseva te atthini disva saddahati atthini niharitva imani te puttassa atthiniti aha. Etani elakassa va sunakhassa va bhavissanti mayham pana putto na marati amhakam hi kule yava sattama kulaparivatta tarunakale matapubbo nama natthi tvam musa bhanasiti. Tasmim khane sabbepi panim paharitva mahahasitam hasimsu. Acariyo tam acchariyam disva somanassappatto hutva brahmana tumhakam kulappaveniyam daharanam amaranena na sakka ahetukena bhavitum kena karanena dahara na miyyantiti pucchanto pathamam gathamaha kinte vatam kim pana brahmacariyam kissa sucinnassa ayam vipako akkhahi me brahmana etamattham kasma nu tumham dahara na miyyareti. Tattha vatanti vattasamadanam. Brahmacariyanti setthacariyam. Kissa sucinnassati tumhakam kule daharanam amaranam nama katarasucaritassa vipakoti. Tam sutva brahmano yesam gunanam anubhavena tasmim kule dahara na miyyanti te vannayanto Dhammam carama na musa bhanama papani kammani parivajjayama anariyam parivajjema sabbam tasma hi amham dahara na miyyare. Sunoma dhammam asatam satanca na capi dhammam asatam rocayama hitva asante na jahama sante tasma hi amham dahara na miyyare. Pubbe padhana sumana bhavama dadampi ve attamana bhavama datvapi ve nanutappama paccha tasma hi amham dahara na miyyare. Samane mayam brahmane addhike ca vanibbake yacanake dalidde annena panena abhitappayama tasma hi amham dahara na miyyare. Mayanca bhariyam natikkamama amhe ca bhariya natikkamanti annatra tahi brahmacariyam carama tasma hi amham dahara na miyyare. Panatipata viramama sabbe loke adinnam parivajjayama amajjapanepi musa bhanama tasma hi amham dahara na miyyare. Etasu ve jayare suttamasu medhavino honti bahuttapanna bahussuta vedaguna ca honti tasma hi amham dahara na miyyare. Mata pita bhagini bhataro ca putta ca dara ca mayanca sabbe dhammam carama paralokahetu tasma hi amham dahara na miyyare. Dasa ca dasi anujivino ca paricarika kammakara ca sabbe dhammam caranti paralokahetu tasma hi amham dahara na miyyareti ima gatha aha. Tattha dhammancaramati dasakusalakammapathadhammam carama. Attano jivitahetu antamaso kunthakipillikampi jivita na voropema parabhandanca lobhacittena na olokemati sabbam vittharetabbam. Musavado cettha musavadissa akaranam papam nama natthiti ussannavasena pana Vutto. Te kira hassadhippayenapi musa na bhananti. Papaniti sabbanipi nirayagamini lamakakammani. Anariyanti ariyavirahitam sabbam asundaram aparisuddham kammam parivajjayama. Tasma hi amhanti ettha hikaro nipatamatto. Imina karanena amhakam dahara na miyyanti antara ca akalamaranam nama no natthiti attho. Tasma hi amhantipi patho. Sunomati mayam kira yatha nama sappurisanam kusaladipanampi asappurisanam akusaladipanam dhammam sunoma. So pana no sutamattakova hoti tam na rocayama tehi pana no saddhim viggaho va vivado va ma hotu dhammam sunoma sutvapi labhitva sante vattama ekampi khanam na jahama asante papamitte pahaya kalyanamittasevinova homati. Samane mayam brahmaneti brahmana mayam samitapapabahitapape paccekabuddhasamana- brahmanepi avasesadhammikasamanabrahmanepi addhikadayo sesajanepi annena panena abhitappemati attho. Paliyam pana ayam gatha pubbeva danati gathaya pacchato agacchati. Natikkamamati attano bhariyam atikkamitva bahi annamicchacaram na karoma. Annatra tahiti attano bhariyam thapetva sesaitthisu brahmacariyanca carama. Amhakam bhariyapi sesapurisesu evameva pavattanti. Jayareti jayanti. Suttamasuti susilasu uttamitthisu. Idam vuttam hoti ye etasu sampannasilasu puttamitthisu amhakam putta jayanti te medhavinoti evampakara honti kuto tesam antara maranam Tasmapi amhakam kule dahara na miyyantiti. Dhammancaramati paralokatthaya tividham sucaritadhammam carama. Dasiti dasiyo. Avasane dhammo have rakkhati dhammacarim dhammo sucinno sukhamavahati esanisamso dhamme sucinne na duggatim gacchati dhammacari. Dhammo have rakkhati dhammacarim chattam mahantam viya vassakale dhammena gutto mama dhammapalo annassa atthini sukhi kumaroti imahi dvihi gathahi dhammacarinam gunam kathesi. Tattha rakkhatiti dhammo namesa rakkhito attano rakkhitam patirakkhati. Sukhamavahatiti devamanussesu sukhanceva nibbanasukhanca avahati. Na duggatinti nirayadibhedam duggatim na gacchati. Evam brahmana mayam dhammam rakkhama dhammopi amhe rakkhatiti dasseti. Dhammena guttoti mahachattasadisena attana gopitadhammena gutto. Annassa atthiniti taya anitani pana atthini annassa elakassa va sunakhassa va atthini bhavissanti chaddehi tani mama putto sukhi kumaroti. Tam sutva acariyo aha mayham agamanam suagamanam saphalam no nipphalanti sanjatasomanasso dhammapalassa pitaram khamapetva Maya agacchantena tumhakam vimamsanatthaya imani elakatthini abhatani putto te arogoyeva tumhakam rakkhitadhamme mayhampi dethati panne likhitva katipaham tattha vasitva takkasilam gantva dhammapalassa sabbasippani sikkhapetva mahantena parivarena pesesi. Sattha suddhodanamaharajassa imam dhammadesanam aharitva saccani pakasetva jatakam samodhanesi. Saccapariyosane raja anagamiphale patitthahi. Tada matapitaro maharajakulani ahesum acariyo sariputto parisa buddhaparisa ahesum dhammapalakumaro pana ahamevati. Mahadhammapalajatakam navamam.

The Pali Atthakatha in Roman Book 39 page 486-494. http://84000.org/tipitaka/atthapali/rm_line.php?B=39&A=9819&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=9819&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1410 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=5748 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=5866 The Pali Tipitaka in Roman Character :- http://84000.org/tipitaka/read/roman_read.php?B=27&A=5866 Contents of The Tipitaka Volume 27 http://84000.org/tipitaka/read/?index_27