AtthaPali Vol.10

8. Upakkilesasuttavannana [236] Evamme sutanti upakkilesasuttam. Tattha etadavocati neva bhedadhippayena na piyakamyataya, athakhvassa etadahosi "ime bhikkhu mama vacanam gahetvana oramissanti, buddha ca nama hitanukampaka, addha nesam ^1- bhagava ekam karanam kathessati, tam sutva ete oramissanti, tato tesam phasuviharo bhavissati"ti. Tasma etam "idha bhante"tiadivacanamavoca. Ma bhandanantiadisu "akattha"ti pathasesam gahetva "ma bhandanam akattha"ti evam attho datthabbo. Annataroti so kira bhikkhu bhagavato atthakamo, ayam kirassa adhippayo "ime bhikkhu kodhabhibhuta satthu vacanam na ganhanti, ma bhagava ete ovadanto kilami"ti, tasma evamaha. Pindaya pavisiti na kevalam pavisi, yenapi janena na dittho, so mam passatutipi adhitthasi. Kimattham adhitthasiti? tesam bhikkhunam damanattham. Bhagava hi tada pindapatapatikkanto "puthusaddo samajano"tiadigatha bhasitva kosambito balakalonakaragamam gato. Tato pacinavamsamigadayam, tato palileyyakavanasandam gantva palileyyakahatthinagena upatthahiyamano temasam vasi. Nagaravasinopi "sattha viharam gato, gacchama dhammassavanaya"ti gandhapupphahattha viharam gantva "kaham bhante sattha"ti pucchimsu. Kaham tumhe sattharam dakkhatha, sattha `ime bhikkhu samagge karissami'ti agato, samagge katum asakkonto @Footnote: ¹ Ma. atthanemam

--------------------------------------------------------------------------------------------- page148.

Nikkhamitva gato"ti. "mayam satampi sahassampi datva sattharam anetum na sakkoma, so no ayacito sayameva agato, mayam ime bhikkhu nissaya satthu sammukha dhammakatham sotum na labhimha. Ime sattharam uddissa pabbajita, tasmimpi samaggim karonte samagga na jata, kassa ^1- vacanam karissanti. Alam na imesam bhikkha databba"ti sakalanagare dandam thapayimsu. Te punadivase sakalanagaram pindaya caritva katacchumattampi bhikkham alabhitva viharam agamamsu. Upasakapi te puna ahamsu "yava sattharam na khamapetha, tava vo idameva ^2- dandakamman"ti. Te "sattharam khamapessama"ti bhagavati savatthiyam anuppatte tattha agamamsu. Sattha tesam attharasa bhedakaravatthuni desesiti ayametthapalimuttakakatha. [237] Idani puthusaddotiadigathasu puthu mahasaddo assati puthusaddo. Samajanoti samano ekasadiso jano, sabbovayam bhandanakarakajano samantato saddaniccharanena puthusaddo ceva sadiso cati vuttam hoti. Na balo koci mannathati tatra koci ekopi aham baloti na mannati, sabbepi panditamaninoyeva. Nannam bhiyyo amannarunti koci ekopi aham baloti ca na manni, bhiyyo ca samghasmim bhijjamane annampi ekam "mayham karana samgho bhijjati"ti idam karanam na manniti attho. Parimutthati mutthassatino. Vacagocarabhaninoti rakarassa rassadeso kato, vacagocarava, na satipatthanagocara, bhanino ca ^3- katham bhanino? yavicchanti mukhayamam yava mukham pasaretum icchanti, tava pasaretva bhanino, ekopi samghagaravena mukhasankocanam na karotiti attho. Yena nitati yena kalahena imam nillajjabhavam nita. Na tam viduti na tam jananti "evam sadinavo ayan"ti. Ye ca tam upanayhantiti tam akkocchi mantiadikam akaram ye upanayhanti. Sanantanoti porano. @Footnote: ¹ cha.Ma. kassanassa ² cha.Ma. tameva ³ Si. bhaninoti

--------------------------------------------------------------------------------------------- page149.

Pareti pandite thapetva tato anne bhandanakaraka pare nama. Te ettha samghamajjhe kalaham karonta "mayam yamamase upayamama ^1- nassama satatam samitam maccusantikam gacchama"ti na jananti. Ye ca tattha vijanantiti ye ca tattha pandita "mayam maccuno samipam gacchama"ti vijananti. Tato sammanti medhagati evanhi te jananta yonisomanasikaram uppadetva medhaganam kalahanam vupasamaya patipajjanti. Atthicchinnati ayam gatha jatake ^2- agata, brahmadattanca dighavukumaranca sandhaya vutta. Ayam hettha attho:- tesampi tatha pavattaveranam hoti sangati, kasma tumhakam na hoti, yesam vo neva matapitunam atthini chinnani, na pana hata na gvassadhanani hataniti. Sace labhethatiadigatha panditasahayassa ca balasahayassa ca vannavannadipanattham vutta. Abhibhuyya sabbani parissayaniti pakataparissaye ca paticchannaparissaye ca abhibhavitva tena saddhim attamano satima careyyati. Rajava rattham vijitanti yatha attano vijitam rattham mahajanakaraja ca arindamaharaja ca pahaya ekaka vicarimsu, evam vicareyyati attho. Matangaranneva nagoti matango aranne nagova. Matangoti hatthi vuccati. Nagoti mahantadhivacanametam. Yatha hi matuposako matanganago aranne eko cari, na ca papani akasi, yatha ca palileyyako, evam eko care, na ca papani kayirati vuttam hoti. [238] Balakalonakaragamoti upaligahapatissa bhogagamo. ^3- Tenupasankamiti kasma upasankami? gane kirassa adinavam disva ekaviharim bhikkhum passitukamata udapadi, tasma sitadihi pilito unhadini patthayamano viya upasankami. Dhammiya kathayati ekibhave anisamsapatisamyuttaya. Yena pacinavamsadayo, tattha kasma upasankami? kalahakarake kirassa ditthadinavatta samaggavasino bhikkhu passitukamata udapadi, tasma sitadihi pilito @Footnote: ¹ Si., ka. uparamama ² khu.ja. 27/1222/255 (sya) ³ ka. lonakaragamo

--------------------------------------------------------------------------------------------- page150.

Unhadini patthayanto ^1- viya tattha upasankami. Ayasma ca anuruddhotiadi vuttanayameva. [241] Atthi pana voti pacchimapucchaya lokuttaradhammam puccheyya. So pana theranam natthi, tasma tam pucchitum na yuttanti parikammobhasam pucchati. Obhasamyeva sanjanamati parikammobhasam sanjanama. Dassananca rupananti dibbacakkhuna rupadassananca sanjanama. Tanca nimittam na pativijjhamati tanca karanam na janama, yena no obhaso ca rupadassananca antaradhayati. Tam kho pana vo anuruddha nimittam pativijjhitabbanti tam vo karanam janitabbam. Ahampi sudanti anuruddha tumhe kim nu alulessanti, ahampi imehi ekadasahi upakkilesehi alulitapubboti dassetum imam desanam arabhi. Vicikiccha kho metiadisu mahasattassa alokam vaddhetva dibbacakkhuna nanavidhani rupani disva "idam kho kin"ti vicikiccha udapadi. Samadhi caviti parikammasamadhi cavi. Obhasoti parikammobhasopi antaradhayi. Dibbacakkhuna rupam na passi. Amanasikaroti rupani passato vicikiccha uppajjati, idani kinci na manasikarissamiti amanasikaro udapadi. Thinamiddhanti kinci amanasikarontassa thinamiddham udapadi. Chambhitattanti himavantabhimukham alokam vaddhetva danavarakkhasaajagaradayo addasa, athassa chambhitattam udapadi. Ubbilanti ^2- "maya ditthabhayam ^3- pakatiya olokiyamanam natthi, aditthe kinnama bhayan"ti cintayato ubbilavitattam ^4- udapadi. Sakidevati ekappayogeneva panca nidhikumbhiyopi passeyya. Dutthullanti maya viriyam galham paggahitam, tena me ubbilam uppannanti viriyam sithilamakasi, tato kayadaratho kayadutthullam kayalasiyam udapadi. @Footnote: ¹ cha.Ma. patthayamano ² cha.Ma. uppilanti ³ Ma. mahatibhayam ⁴ cha.Ma. uppilavitattam

--------------------------------------------------------------------------------------------- page151.

Accaraddhaviriyanti mama viriyam sithilam karoto dutthullam uppannanti puna viriyam pagganhato accaraddhaviriyam udapadi. Patameyyati mareyya. Atilinaviriyanti mama viriyam pagganhato evam jatanti puna viriyam sithilam karoto atilinaviriyam udapadi. Abhijappati devalokabhimukham alokam vaddhetva devasangham passato tanha udapadi. Nanattasannati mayham ekajatikam rupam manasikarontassa abhijappa uppanna, nanavidharupam manasikarissamiti kalena devalokabhimukham kalena manussalokabhimukham vaddhetva nanavidhani rupani manasikaroto nanattasanna udapadi. Atinijjhayitattanti mayham nanavidhani rupani manasikarontassa nanattasanna udapadi, ittham va anittham va ekajatikameva manasikarissamiti tatha manasikaroto atinijjhayitattam rupam udapadi. [243] Obhasanimittam manasi karomiti parikammobhasameva manasi karomi. Na ca rupani passamiti dibabacakkhuna rupani na passami. Rupanimittam manasi karomiti dibbacakkhuna visayarupameva manasikaromi. Parittanceva obhasanti parittakatthane obhasam. Parittani ca rupaniti parittakatthane rupani. Vipariyayena dutiyavaro veditabbo. Paritto samadhiti parittako parikammobhaso, obhasaparittatam ^1- hi sandhaya idha parikammasamadhi "paritto"ti vutto. Parittam me tasmim samayeti tasmim samaye dibbacakkhupi parittakam hoti. Appamanavarepi eseva nayo. [245] Avitakkampi vicaramattanti pancakanaye dutiyajjhanasamadhim avitakkampi avicaranti catukkanayepi pancakanayepi jhanattayasamadhim. Sappitikanti dukatikajjhanasamadhim. Nippitikanti dukajjhanasamadhim. Satasahagatanti tikacatukkajjhanasamadhim. Upekkhasahagatanti catukkanaye catutthajjhanasamadhim pancakanaye pancamajjhanasamadhim. @Footnote: ¹ Ma. obhatam parittam, tam

--------------------------------------------------------------------------------------------- page152.

Kada pana bhagava imam tividham samadhim bhavesi? mahabodhimule nisinno pacchimayame. Bhagavato hi pathamamaggo pathamajjhaniko ahosi, dutiyadayo dutiyatatiyacatutthajjhanika. Pancakanaye pancamajjhanassa maggo natthiti so lokiyo ahositi lokiyalokuttaramissakam sandhayetam vuttam. Sesam sabbattha uttanamevati. Papancasudaniya majjhimanikayatthakathaya upakkilesasuttavannana nitthita. ---------------

The Pali Atthakatha in Roman Book 10 page 147-152. http://84000.org/tipitaka/atthapali/rm_line.php?B=10&A=3747&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=3747&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=439 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=6017 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=5887 The Pali Tipitaka in Roman Character :- http://84000.org/tipitaka/read/roman_read.php?B=14&A=5887 Contents of The Tipitaka Volume 14 http://84000.org/tipitaka/read/?index_14