ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter
Atthakatha Book 12 : PALI ROMAN Sam.A. (sarattha.2)

                        6. Dhanuggahasuttavannana
    [228] Chatthe dalhadhamma dhanuggahati dalhadhanuno issasa. Dalhadhanu
nama dvisahassathamam vuccati, dvisahassathamam nama yassa aropitassa jiyabaddho 6-
@Footnote: 1 Si. gandhupanamattam   2 cha.Ma. hi kalam    3 Si. ayam saddo na dissati
@4 cha.Ma.,i. samvelsitakilanjam  5 cha.Ma. samvellento  6 Si.,Ma. jiyabandho

--------------------------------------------------------------------------------------------- page249.

Lohasisadinam bharo dande gahetva yava kandappamana 1- ukhittassa pathavito muccati. Susikkhitati dasadvadasa vassani acariyakule uggahitasippa. Katahatthati yo sippameva ugganhati, so katahattho na hoti, ime pana katahattha cinnavasibhava. Katupasanati rajakuladisu dassitasippa. Tassa purisassa javoti evarupo anno puriso nama na bhutapubbo, bodhisattasseva pana javanahamsakalo nama asi. Tada bodhisatto cattari kandani ahari. Tada kirassa kanitthabhataro "mayam bhatika suriyena saddhim javissama"ti arocesum. Bodhisatto aha "suriyo sighajavo, na sakkhissatha tumhe tena saddhim javitun"ti. Te dutiyam tatiyampi tatheva vatva ekadivasam "gacchama"ti yugandharapabbatam aruhitva nisidimsu. Bodhisatto "kaham me bhataro"ti pucchitva "suriyena saddhim javitum gata"ti vutte "vinassissanti tapassino"ti te anukampamano sayampi gantva tesam santike nisidi. Atha suriye uggacchante dvepi bhataro suriyena saddhimyeva akasam pakkhanta, bodhisattopi tehi saddhimyeva pakkhanto. Tesu ekassa appatteyeva antarabhattasamaye pakkhantaresu aggi utthahi, so bhataram pakkositva "na sakkomi"ti aha. Tamenam bodhisatto "ma bhayi"ti samassasetva pakkhapanjarena pavedhetva daratham vinodetva "gaccha"ti pesesi. Dutiyo yava antarabhatta javitva pakkhantaresu aggimhi utthahite tathevaha. Tampi so tatheva katva "gaccha"ti pesesi. Sayam pana yava majjhantika javitva "ete balati mayapi balena na bhavitabban"ti nivattitva "aditthasahayakam baranasirajam passissami"ti baranasim agamasi. Tasmim nagaramatthake paribbhamante dvadasayojanam nagaram pattakatahena otthatapatto viya ahosi. Athassa paribbhamantassa paribbhamantassa tattha tattha chiddani pannayimsu. Sayampi @Footnote: 1 Si.,i. kanthappamana

--------------------------------------------------------------------------------------------- page250.

Anekahamsasahassasadiso pannayi. So vegam patisamharitva rajagehabhimukho ahosi. Raja oloketva "agato kira me piyasahayo javanahamso"ti vatapanam vivaritva ratanapitham pannapetva olokento atthasi. Bodhisatto ratanapithe nisidi. Athassa raja sahassapakena telena pakkhantarani makkhetva madhulaje ceva madhurapanakanca adasi. Tato nam kataparibhogam "samma kaham agamasi"ti pucchi. So tam pavuttim arocetva "athaham maharaja yava majjhantika javitva `natthi javitena attho'ti nivatto"ti acikkhi. Atha nam raja aha "aham sami tumhakam suriyena saddhim javanavegam passitukamo"ti. Dukkaram maharaja, na sakka taya passitunti. Tenahi sami sarikkhakamattampi dassehiti. Sadhu 1- maharaja dhanuggahe sannipatethati. 2- Raja sannipatesi. Hamso tato cattaro gahetva nagaramajjhe toranam karetva attano givaya ghandam 3- pilandhapetva toranassa upari nisiditva "cattaro dhanuggaha 4- jana toranam nissaya catudisabhimukha ekekam kandam khipantu"ti vatva sayam pathamakandeneva saddhim uppatitva tam kandam aggahetvava dakkhinabhimukham gatakandam dhanuto ratanamattapagatam ganhi. Dutiyam dviratanamattapagatam, tatiyam tiratanamattapagatam, catuttham bhumim appattameva ganhi. Atha nam cattari kandani gahetva torane nisinnakaleyeva addasimsu. 5- So rajanam aha "passa maharaja, evam sigho amhakam javo"ti. Evam bodhisatteneva javanahamsakale tani kandani aharitaniti veditabbani. Purato dhavantiti aggato javanti. Na paneta sabbakalam puratova honti, kadaci purato, kadaci pacchato honti. Akasatthakavimanesu hi uyyananipi honti pokkharaniyopi, ta tattha nhayanti, udakakilam kilamana pacchatopi honti, vegena pana gantva puna puratova dhavanti. Ayusankharati @Footnote: 1 cha.Ma.,i. ama 2 cha.Ma.,i. sannipatehiti 3 ka. kandam @4 cha.Ma.,i. ayam patho na dissati 5 cha.Ma.,i. addasamsu

--------------------------------------------------------------------------------------------- page251.

Rupajivitindriyam sandhaya vuttam. Tato sighataram khiyati. Arupadhammanam pana bhedo na sakka pannapetum. Chattham.


             The Pali Atthakatha in Roman Book 12 page 248-251. http://84000.org/tipitaka/atthapali/rm_line.php?B=12&A=5487&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=5487&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=16&i=670              เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=7027              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=6218              The Pali Tipitaka in Roman Character :- http://84000.org/tipitaka/read/roman_read.php?B=16&A=6218              Contents of The Tipitaka Volume 16 http://84000.org/tipitaka/read/?index_16

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]