AtthaPali Vol.26

4. Sariputtasuttavannana [24] Catutthe parimukham satim upatthapetvati arammanabhimukham satim thapayitva mukhasamipe katva. Tatha hi vibhange vuttam:- "ayam sati upatthita hoti supatthita nasikagge va mukhanimitte va, tena vuccati parimukham satim upatthapetva"ti. ^1- Atha va "pariti pariggahattho, mukhanti niyyanattho satiti upatthanattho, tena vuccati `parimukham satin'ti. "evam patisambhidayam ^2- vuttanayenapettha attho veditabbo. Tatrayam sankhepattho:- pariggahitaniyyanasatim katvati. Niyyananti ca satiya ogahitabbam arammanam datthabbam. Ettha ca purimo pacchimo ca attho sabbasangahakavasena, itaro samapattiya pubbabhagasamannaharavasena @Footnote: ¹ abhi.vi. 35/537/304 ² khu.pati. 31/164/188

--------------------------------------------------------------------------------------------- page199.

Datthabbo. Satiti va satisisena jhanam vuttam "ye kayagatasatim paribhunjanti"tiadisu viya. Katamam pana tam jhananti? rupavacaracatutthajjhanam padakam katva samapannam arahattaphalajjhanam. Katham panetam janitabbanti? anenjasamadhiyogena therassa savisesam niccalabhavam kenaci akampaniyatanca pabbatopamaya pakasento bhagava imam udanam abhasiti gathaya eva ayamattho vinnayati. Na cayam nisajja therassa saccapativedhaya, atha kho ditthadhammasukhaviharaya. Pubbeyeva hi sukarakhatalene ^1- attano bhagineyyassa dighanakhaparibbajakassa bhagavati dhammam desente ayam mahathero saccapativedhakiccam matthakam papesiti. Etamatthanti etam therassa anenjasamadhiyogena tadibhavappapattiya ca kenaci akampaniyatasankhatam attham sabbakarato viditva tadatthavibhavanam imam udanam udanesi. Tattha yathapi pabbato seloti yatha silamayo ekagghanasilapabbato, na pamsupabbato na missakapabbato vati attho. Acalo supatitthitoti supatitthitamulo pakativatehi acalo akampaniyo hoti. Evam mohakkhaya bhikkhu pabbatova na vedhatiti mohassa anavasesappahana mohamulakatta ca sabbakusalanam pahinasabbakusalo bhikkhu yatha so pabbato pakativatehi, evam lokadhammehi na vedhati na kampati. Mohakkhayoti va yasma nibbanam arahattanca vuccati, tasma mohakkhayahetu ^2- nibbanassa arahattassa va adhigatatta catusu ariyasaccesu supatitthito asamapannakalepi yathavuttapabbato viya na kenaci vedhati, pageva samapannakaleti adhippayo. Catutthasuttavannana nitthita. ---------------- @Footnote: ¹ Ma.Ma. 13/201/179 ² cha.Ma. mohakkhayassa heta

The Pali Atthakatha in Roman Book 26 page 198-199. http://84000.org/tipitaka/atthapali/rm_line.php?B=26&A=4447&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=4447&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=76 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2254 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2277 The Pali Tipitaka in Roman Character :- http://84000.org/tipitaka/read/roman_read.php?B=25&A=2277 Contents of The Tipitaka Volume 25 http://84000.org/tipitaka/read/?index_25