AtthaPali Vol.3

{60} Sariputtamoggallanati sariputto ca moggallano ca. Tehi katika kata hoti yo pathamam amatam adhigacchati so itarassa arocetuti. Te kira ubhopi gihikale upatisso kolitoti evam pannayamananama addhateyyasatamanavakaparivara giraggasamajjam agamamsu. Tattha nesam mahajanam disva etadahosi ayam nama evam mahajanakayo appatte vassasate maranamukhe

--------------------------------------------------------------------------------------------- page31.

Patissatiti. Atha ubhopi utthitaya parisaya annamannam pucchitva ekajjhasaya paccupatthitamaranasanna mantayimsu samma marane sati amatenapi bhavitabbam handa mayam amatam pariyesamati amatapariyesanattham sanjayassa channaparibbajakassa santike saparisa pabbajitva katipaheneva tassa nanavisaye param gantva amatam apassanta pucchimsu kim nu kho acariya annopettha saro atthiti natthavuso ettakameva idanti ca sutva tuccham idam avuso nissaram yodani amhesu pathamam amatam adhigacchati so itarassa arocetuti katikam akamsu. Tena vuttam tehi katika kata hontiti adi. Pasadikena abhikkantenatiadisu itthambhutalakkhane karanavacanam veditabbam. Atthikehi upanatam magganti etam anubandhanassa karanavacanam. Idam hi vuttam hoti yannunaham imam bhikkhum pitthito pitthito anubandheyyam kasma yasma idam pitthito pitthito anubandhanam nama atthikehi upanatam maggam nato ceva upagato ca maggoti attho. Athava atthikehi amhehi marane sati amatenapi bhavitabbanti evam kevalam atthiti upanatam nibbanam nama tam magganto pariyesantoti evamettha attho datthabbo. Pindapatam adaya patikkamiti sudinnakande vuttappakaram annataram kuddamulam upasankamitva nisidi. Sariputtopi kho akalo kho tava panham pucchitunti kalam agamayamano thatva vattapatipattipuranattham katabhattakiccassa therassa attano kamandaluto udakam datva

--------------------------------------------------------------------------------------------- page32.

Dhotahatthapadena therena saddhim patisantharam katva panham pucchi. Tena vuttam athakho sariputto paribbajakoti adi. Na taham sakkomiti na te aham sakkomi. Ettha ca patisambhidappatto thero na ettakam na sakkoti athakho imassa dhammagaravam uppadessamiti sabbakarena buddhavisaye avisayabhavam gahetva evamaha. Ye dhamma hetuppabhavati hetuppabhava nama pancakkhandha. Tenassa dukkhasaccam dasseti. Tesam hetum tathagato ahati tesam hetu nama samudayasaccam tanca tathagato ahati dasseti. Tesanca yo nirodhoti tesam ubhinnampi saccanam yo appavattinirodho tanca tathagato ahati attho. Tenassa nirodhasaccam dasseti. Maggasaccam panettha sarupato adassitampi nayato dassitam hoti. Nirodhe hi vutte tassa sampapako maggo vutto va hoti. Athava tesanca yo nirodhoti ettha tesam yo nirodho ca nirodhupayo cati evam dvepi saccani dassitani hontiti. Idani tamevattham patipadento aha evamvadi mahasamanoti. Eseva dhammo yadi tavadevati sacepi ito uttarim natthi ettakameva idam sotapattiphalamattameva pattabbam tathapi esoeva dhammoti attho. Paccabyatha padamasokanti yam mayam pariyesamana vicarama tam padamasokam patividdhatha tumheva pattam tam tumhehiti attho. Adittham abbhatitam bahukehi kappanahutehiti amhehi nama idam padamasokam bahukehi kappanahutehi aditthameva abbhatitam. Iti tassa padassa

--------------------------------------------------------------------------------------------- page33.

Aditthabhavena digharattam attano mahajaniyabhavam dipeti. {62} Gambhire nanavisayeti gambhire ceva gambhirassa ca nanassa visayabhute. Anuttare upadhisankhayeti nibbane. Vimutteti tadarammanaya vimuttiya vimutte. Byakasiti etam me savakayugam bhavissati aggam bhaddayuganti vadanto savakaparaminane byakasi. Sava tesam ayasmantanam upasampada ahositi sa ehibhikkhuupasampadava tesam upasampada ahosi. Evam upasampannesu ca tesu mahamoggallanat- thero sattahi divasehi arahatte patitthito sariputtatthero addhamasena. Atite kira anomadassi nama buddho loke udapadi. Tassa sarado nama tapaso sake assame nanapupphehi mandapam katva pupphasaneyeva bhagavantam nisidapetva bhikkhusanghassapi tatheva mandapam katva pupphasanani pannapetva aggasavakabhavam patthesi. Patthayitva ca sirivaddhassa nama setthino pesesi maya aggasavakatthanam patthitam tvampi agantva ekam thanam patthehiti. Setthi niluppalamandapam katva buddhappamukham bhikkhusangham tattha bhojeti bhojetva dutiyasavakabhavam patthesi. Tesu saradatapaso sariputtatthero jato sirivaddho mahamoggallanattheroti. Idam tesam pubbakammam. {63} Aputtakatayatiadisu yesam putta pabbajanti tesam aputtakataya. Yasam patino pabbajanti tasam vedhabyaya vidhavabhavaya. Ubhayenapi kulupacchedaya. Sanjayaniti sanjayassa

--------------------------------------------------------------------------------------------- page34.

Antevasikani. Magadhanam giribbajanti magadhanam janapadassa giribbajam nagaram. Mahavirati mahaviriyavanta. Niyamanananti niyamanesu. Bhummatthe samivacanam upayogatthe va. Ka ussuya vijanatanti dhammena nayantiti evam vijanantanam ka ussuya.

The Pali Atthakatha in Roman Book 3 page 30-34. http://84000.org/tipitaka/atthapali/rm_line.php?B=3&A=625&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=625&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=64 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=1358 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=1458 The Pali Tipitaka in Roman Character :- http://84000.org/tipitaka/read/roman_read.php?B=4&A=1458 Contents of The Tipitaka Volume 4 http://84000.org/tipitaka/read/?index_4