AtthaPali Vol.32

172. 5. Samannakanittheragathavannana sukham sukhatthoti ayasmato samannakanittherassa gatha. Ka uppatti? so kira purimabuddhesu katadhikaro hutva tattha tattha bhave kusalam upacinanto ito ekanavute kappe vipassissa bhagavato kale manussayoniyam nibbatto vipassim bhagavantam disva pasannamanaso ekam mancam adasi. So tena punnakammena deva- manussesu samsaranto imasmim buddhuppade annatarassa paribbajakassa putto hutva nibbatti. Samannakanitissa namam ahosi. So vinnutam patto satthu yamakapatihariyam disva pasannamanaso sasane pabbajitva cariyanukulam kammatthanam gahetva jhanam nibbattetva jhanam padakam katva vipassanam vaddhetva arahattam papuni. Tena vuttam apadane ^3- :- @Footnote: ¹ Si. avatvava ² Si. yathavuttavaseneva ³ khu.apa. 32/30/394 mancadayakattherapadana

--------------------------------------------------------------------------------------------- page153.

"vipassino bhagavato lokajetthassa tadino ekamanco maya dinno ^1- pasannena sapanina. Hatthiyanam assayanam dibbayanam samajjhagam ^2- tena mancakadanena ^3- pattomhi asavakkhayam. Ekanavute ito ^4- kappe yam mancamadadim tada duggatim nabhijanami mancadanassidam phalam. Kilesa jhapita mayham .pe. Katam buddhassa sasanan"ti. Therassa pana gihisahayako katiyano ^5- nama paribbajako buddhuppadato patthaya titthiyanam hatalabhasakkarataya ghasacchadanamattampi alabhanto ajivakapakato theram upasankamitva "tumhe sakiyaputtiya nama mahalabhaggayasaggappatta sukhena jivatha, mayam pana dukkhita kicchajivika, katham nu kho patipajjamanassa ditthadhammikanceva samparayikanca sukham sampajjati"ti pucchi. Athassa thero "nippariyayato sukham nama lokuttarasukhameva, tanca tadanurupam patipattim patipajjantasseva"ti attana tassa adhigatabhavam pariyayena vibhavento:- ^6- "sukham sukhattho labhate tadacaram kittinca pappoti yasassa vaddhati yo ariyamatthangikamanjasam ujum bhaveti maggam amatassa pattiya"ti gatham abhasi ^6-. [35] Tattha sukhanti niramisam sukham idhadhippetam. Tanca phalasamapatti ceva @Footnote: ¹ cha.Ma. ekam mancam maya dinnam ² Si. rathayanam labhamaham ³ Si. mancassa danena @⁴ cha.Ma. ekanavutito ⁵ Ma. katiyano ^6-6 cha.Ma. "sukham sukhattho labhate @ tadacaran"ti gatham abhasi

--------------------------------------------------------------------------------------------- page154.

Nibbananca. Tatha hi "ayam samadhi paccuppannasukho ceva ayatim ca sukhavipako " ^1- "nibbanam paramam sukhan"ti ^2- ca vuttam. Sukhatthoti sukhappayojano, yathavuttena sukhena atthiko. Labhateti papunati, atthikassevedam sukham, na itarassa. Ko pana atthikoti aha "tadacaran"ti tadattham acaranto, yaya patipattiya tam patipattim patipajjantoti attho. Na kevalam tadacaram sukhameva labhate, atha kho kittinca pappoti "itipi silava suparisuddhakayavacikammanto suparisuddhajivo jhayi jhanayutto"tiadina kittim parammukha patthatayasatam papunati. Yasassa vaddhatiti sammukhe gunabhitthavasankhato parivarasampadasankhato ca yaso assa paribruhati. Idani "tadacaran"ti samannato vuttamattham sarupato dassento "yo ariyamatthangikamanjasam ujum, bhaveti maggam amatassa pattiya"ti aha. Tassattho:- yo puggalo kilesehi arakatta parisuddhatthena patipajjantanam ariyabhavakaranatthena ca ariyam, sammaditthiadiatthangasamudayataya atthangikam, antadvayarahitamajjhimapatipattibhavato akutilatthena anjasam, kayavankadip- pahanato ujum, nibbanatthikehi magganiyatthena kilese marento gamanatthena ca "maggan"ti laddhanamam dukkhanirodhagaminipatipadam amatassa asankhataya dhatuya pattiya adhigamaya bhaveti attano santane uppadeti vaddheti ca, so nippariyayena "sukhattho tadacaran"ti vuccati, tasma yathavuttam sukham labhati. Tam sutva paribbajako pasannamanaso pabbajitva samma patipajjanto na cirasseva vipassanam vaddhetva arahattam papuni. Idameva therassa annabyakaranam ahosi. Samannakanittheragathavannana nitthita. ----------------- @Footnote: ¹ di.pati. 11/355/249 dasuttarasutta, an.pancaka. 22/27/25 samadhisutta (sya), @ abhi.vibhanga. 35/804/407 jhanavibhanga: pancakaniddesa @² khu.dhamMa. 25/203-4/52 annataraupasakavatthu

The Pali Atthakatha in Roman Book 32 page 152-154. http://84000.org/tipitaka/atthapali/rm_line.php?B=32&A=3418&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=3418&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=172 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5183 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5453 The Pali Tipitaka in Roman Character :- http://84000.org/tipitaka/read/roman_read.php?B=26&A=5453 Contents of The Tipitaka Volume 26 http://84000.org/tipitaka/read/?index_26