ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter
Atthakatha Book 34 : PALI ROMAN Theri.A. (paramatthadi.)

                    434. 5. Ubbiritherigathavannana
      amma jivatiadika ubbiriya theriya gatha.
      Ayampi purimabuddhesu katadhikara tattha tattha bhave vivattupanissayam kusalam
upacinanti padumuttarassa bhagavato kale hamsavatinagare kulagehe nibbattitva vinnutam
patta ekadivasam matapitusu mangalam anubhavitum gehantaragatesu adutiya sayam gehe
ohina upakatthaya velaya bhagavato savakam ekam khinasavattheram gehadvarasamipena
gacchantam disva bhikkham datukama "bhante idha pavisatha"ti vatva there geham
pavitthe pancapatitthitena theram vanditva gonakadihi asanam pannapetva adasi.
Nisidi thero pannatte asane. Sa pattam gahetva pindapatassa puretva
therassa hatthe thapesi. Thero anumodanam katva pakkami. Sa tena punnakammena
tavatimsesu nibbattitva tattha yavatayukam ularadibbasampattim anubhavitva tato
cuta sugatisuyeva samsaranti imasmim buddhuppade savatthiyam gahapatimahasalakule
nibbattitva ubbiriti laddhanama abhirupa dassaniya pasadika ahosi. Sa

--------------------------------------------------------------------------------------------- page68.

Vayappattakale kosalaranna attano geham nita katipayasamvaccharatikkamena ekam dhitaram labhi, tassa jivantiti namam akamsu. Raja tassa dhitaram disva tutthamanaso ubbiriya abhisekam adasi. Dhita panassa adhavitva paridhavitva vicaranakale kalamakasi. Mata yattha tassa sariranikkhepo kato, tam susanam gantva divase divase paridevati. Ekadivasam satthu santikam gantva vanditva thokam nisiditva gata aciravatinadiya tire thatva dhitaram arabbha paridevati. Sattha tam disva gandhakutiyam yathanisinnova attanam dassetva "kasma vippalapasi"ti pucchi. Mama dhitaram arabbha vippalapami bhagavati. Imasmim susane jhapita tava dhitaro caturasitisahassamatta, tasam kataram sandhaya vippalapasiti. Tasam tam tam alahanatthanam dassetva:- [51] "amma jivati vanamhi kandasi attanam adhigaccha ubbiri cullasitisahassani sabba jivasanamika etamhalahane daddha tasam kamanusocasi"ti upaddhagathamaha. 1- Tattha amma jivati matupacaranamena dhituya alapanam, idancassa vippalapanakaradassanam. Vanamhi kandasiti vanamajjhe paridevasi. Attanam adhigaccha ubbiriti ubbiri tava attanameva tava bujjhassu yathavato janahi. Cullasitisahassaniti caturasitisahassani. Sabba jivasanamikati ta sabbapi jivanti, ya samananamika. 2- Etamhalahane daddhati etamhi susane jhapita. Tasam kamanusocasiti tasu jivantinamasu caturasitisahassamattasu kam sandhaya tvam anusocasi anusokam apajjasiti evam satthara dhamme desite desananusarena nanam pesetva vipassanam arabhitva satthu desanavilasena attano ca hetusampattiya yathathitava 3- vipassanam ussukkapetva maggapatipatiya aggaphale arahatte patitthasi. Tena vuttam apadane 4-:- @Footnote: 1 Si. diyaddhgathamaha, cha.Ma. saupaddhagathamaha 2 Si. ekanamika @3 cha.Ma. yathathatava 4 khu.apa. 33/37/302

--------------------------------------------------------------------------------------------- page69.

"nagare hamsavatiya ahosim malika 1- tada mata ca me pita ceva kammantam agamamsu te. Majjhantikamhi suriye addasam samanam aham vithiya anugacchantam asanam pannapesaham. Gonakacittakadihi 2- pannapetvahamasanam 3- pasannacitta sumana idam vacanamabravim. Santatta kuthita 4- bhumi suro majjhantike thito maluta ca na vayanti kalo cevatthamehiti. 5- Pannattamasanamidam tavatthaya mahamuni anukampam upadaya nisida mama asane. Nisidi tattha samano sudanto suddhamanaso tassa pattam gahetvana yatharandham adasaham. Tena kammena sukatena cetanapanidhihi ca jahitva manusam deham tavatimsam aganchaham. Tattha me sukatam byamham asanena sunimmitam satthiyojanamubbedham timsayojanavitthatam. Sonnamaya manimaya athopi phalikamaya lohitankamaya ceva pallanka vividha mama. Tulikavikatikahi katthissacittakahi ca 6- uddham ekantalomi ca pallanka me susanthita. @Footnote: 1 cha.Ma. balika 2 cha.Ma. gonakavikatikahi 3 cha.Ma. pannapetva mamasanam @4 ka. kathita 5 cha.Ma. cevetthamehiti 6 katissacittakahi ca (sya)

--------------------------------------------------------------------------------------------- page70.

Yada icchami gamanam hasakhiddasamappita saha pallankasetthena gacchami mama patthitam. Asitidevarajunam mahesittamakarayim sattaticakkavattinam mahesittamakarayim. Bhavabhave samsaranti mahabhogam labhamaham bhoge me unata natthi ekasanaphalam idam. 1- Duve bhave samsarami devatte atha manuse anne bhave na janami ekasanaphalam idam. Duve kule pajayami khattiye capi brahmane uccakulika 2- sabbattha ekasanaphalam idam. Domanassam na janami cittasantapanam mama vevanniyam na janami ekasanaphalam idam. Dhatiyo mam upatthanti khujja celavaka 3- bahu ankena ankam gacchami ekasanaphalam idam. 4- Anna mameva nhapenti anna bhojenti bhojanam anna mam alankaronti anna ramenti mam sada anna gandham vilimpanti ekasanaphalam idam. 4- Mandape rukkhamule va sunnagare vasantiya mama sankappamannaya pallanko upatitthati. @Footnote: 1 cha.Ma. ekasanassidam phalam. evamuparipi 2 cha.Ma. uccakulina 3 cha.Ma. celapika @4-4 cha.Ma. anna nhapenti bhojenti anna ramenti mam sada @anna gandham vilimpanti ekasanassidam phalam

--------------------------------------------------------------------------------------------- page71.

Ayam pacchimako mayham carimo vattate bhavo ajjapi rajjam chaddetva pabbajim anagariyam. Satasahassito kappe yam danamadadim tada duggatim nabhijanami ekasanaphalam idam. Kilesa jhapita mayham bhava sabbe samuhata nagiva bandhanam chetva viharami anasava. Svagatam vata me asi buddhasetthassa santike tisso vijja anuppatta katam buddhassa sasanam. Patisambhida catasso vimokkhapi ca atthime chalabhinna sacchikata katam buddhassa sasanan"ti. Arahatte pana patitthaya attana adhigatavisesam pakasenti:- [52] "abbuhi 1- vata me sallam duddasam hadayassitam yam me sokaparetaya dhitusokam byapanudi. [53] Sajja abbulhasallaham nicchata parinibbuta buddham dhammanca samghanca upemi saranam munin"ti ima dve gatha abhasi. Tattha abbuhi vata me sallam, duddasam hadayassitanti anupacitakusalasambharehi yathavato duddasam mama cittasannissitam pilajananato dunnissaranato 2- anto tudanato ca "sallan"ti laddhanamam sokanca tanhanca abbuhi vata nihari vata. Yam me @Footnote: 1 cha.Ma. abbahi 2 cha.Ma. dunniharanato

--------------------------------------------------------------------------------------------- page72.

Sokaparetayati yasma sokena abhibhutaya mayham dhitusokam byapanudi anavasesato nihari, tasma abbuhi vata me sallanti yojana. Sajja abbulhasallahanti sa aham ajja sabbaso uddhatatanhasalla tato eva nicchata parinibbuta. Muninti sabbannubuddham taduppadesitam maggaphalanibbanapabhedam navavidhalokuttaradhammanca tattha patitthitam atthaariyapuggalasamuhasankhatam samghanca anutta- rehi tehi yojanato sakalavattadukkhavinasanato ca saranam tanam lenam parayananti upemi upagacchami bujjhami sevami cati attho. Ubbiritherigathavannana nitthita. -----------------


             The Pali Atthakatha in Roman Book 34 page 67-72. http://84000.org/tipitaka/atthapali/rm_line.php?B=34&A=1428&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=1428&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=26&i=434              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9079              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9137              The Pali Tipitaka in Roman Character :- http://84000.org/tipitaka/read/roman_read.php?B=26&A=9137              Contents of The Tipitaka Volume 26 http://84000.org/tipitaka/read/?index_26

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]