AtthaPali Vol.36

8 Bahiyajatakam sikkheyya sikkhitabbaniti idam sattha vesalim upanissaya mahavane kutagarasalayam viharanto ekam licchavim arabbha kathesi. So kira licchaviraja saddho pasanno buddhappamukham bhikkhusangham nimantetva attano nivesane mahadanam pavattesi. Bhariya panassa thulangappaccanga uddhumatakanimittasadisa anakappasampanna ahosi. Sattha bhattakiccavasane anumodanam katva viharam gantva bhikkhunam ovadam datva gandhakutim pavisi. Bhikkhu dhammasabhayam katham samutthapesum avuso tassa nama licchaviranno tavaabhirupassa tadisa bhariya thulangappaccanga anakappasampanna katham so taya saddhim abhiramatiti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave esa idaneva pubbepi thulasarirayaeva itthiya saddhim abhiramiti vatva atitam ahari. Atite baranasiyam brahmadatte rajjam karente bodhisatto tassa amacco ahosi. Atheka janapaditthi thulasarira

--------------------------------------------------------------------------------------------- page278.

Anakappasampanna bhatim kurumana rajanganassa avidure gacchamana sariravalanjapilita hutva nivatthasatakena sariram paticchadetva nisiditva sariravalanjam muncitva khippameva utthasi. Tasmim khane baranasiraja vatapanena rajanganam olokento tam disva cintesi ayam evarupe anganatthane sariravalanjam muncamana hirottappam appahaya nivasaneneva paticchanna hutva sariravalanjam mocetva khippam utthita imaya nirogaya bhavitabbam etissa vatthu visuddham bhavissati visuddhe vatthusmim eko putto labbhamano visuddho punnava bhavissati imam maya aggamahesim katum vattatiti. So tassa apariggahitabhavam natva anapetva aggamahesitthanam adasi. Sa tassa piya ahosi manapa nacirasseva ekam puttam vijayi. So panassa putto cakkavattiraja ahosi. Bodhisatto tassa yasasampattim disva tatharupam vacanokasam labhitva deva sikkhitabbayuttam nama sippam kasma na sikkhitabbam yatra hi namayam mahapunna hirottappam appahaya paticchannenakarena sariravalanjam kurumana tumhe aradhetva evarupam sampattim pattati vatva sikkhitabbayuttakanam vannam kathento imam gathamaha sikkheyya sikkhitabbani santi sacchandino jana bahiyapi suhannena rajanam abhiradhayiti. Tattha santi sacchandinoti tesu sippesu sacchanda jana atthiyeva. Bahiyati bahiyajanapade jata samvaddha itthi.

--------------------------------------------------------------------------------------------- page279.

Suhannenati hirottappam appahaya paticchannakarena hannam suhannannama. Tena suhannena. Rajanam abhiradhayiti devam abhiradhayitva imam sampattim pattati. Evam mahasatto sikkhitabbayuttakanam sippanam gunam kathesi. Sattha imam dhammadesanam aharitva jatakam samodhanesi tada jayapatika etarahi jayapatikava panditamacco pana ahamevati. Bahiyajatakam atthamam. -------

The Pali Atthakatha in Roman Book 36 page 277-279. http://84000.org/tipitaka/atthapali/rm_line.php?B=36&A=5569&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5569&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=108 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=710 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=707 The Pali Tipitaka in Roman Character :- http://84000.org/tipitaka/read/roman_read.php?B=27&A=707 Contents of The Tipitaka Volume 27 http://84000.org/tipitaka/read/?index_27