|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Atthakatha Book 37 : PALI ROMAN Ja.A.3 dukanipatavannan
2 Santhavajatakam na santhavasma paramatthi papiyoti idam sattha jetavane viharanto aggijuhanam arabbha kathesi. Vatthu hettha nangutthajatake kathitasadisameva. Bhikkhu te aggim juhante disva bhante jatila nanappakaram micchatapam karonti, atthi nu kho ettha vuddhiti bhagavantam pucchimsu. Na bhikkhave ettha kaci vuddhi nama atthi, poranakapanditapi aggijuhanena vuddhi atthiti sannaya ciram aggim juhitva tasmim kamme avuddhimeva disva aggim udakena nibbapetva sakhadini pothetva puna nivattitvapi tam na olokesunti vatva atitam ahari. Atite baranasiyam brahmadatte rajjam karente bodhisatto brahmanakule nibbatti. Matapitaro tassa jataggim gahetva tam solasavassuddesikam ahamsu kintata jatagagim gahetva aranne aggim paricarissasi udanu tayo vede ugganhitva kutumbam santhapetva gharavasam vasissasiti. So na me gharavasena attho, aranne aggim paricaritva brahmalokaparayano bhavissamiti jataggim gahetva matapitaro vanditva aranne pavisitva pannasalaya vasam kappetva aggim paricari. So ekadivasam nimantanatthanam gantva sappina payasam labhitva imam payasam mahabrahmuno dassamiti 1- tam payasam @Footnote: 1 yajissamititipi.--------------------------------------------------------------------------------------------- page57.
Aharitva aggim saritva aggim pujayitva aggim tava bhagavantam sappiyuttam payasam payemiti payasam aggimhi pakkhipi. Bahusinehe payase aggimhi pakkhitamatte yeva aggi jalitva accuggatani acchihi pannasalam jhapesi. Brahmano bhitatasito palayitva bahi thatva kapurisehi nama santhavo na katabbo, idani me imina aggina kicchena kata pannasala jhapitati vatva pathamam gathamaha na santhavasma paramatthi papiyo yo santhavo kapurisena hoti, santappito sappina payasena kiccha katam pannakutim adaddahiti. Tattha na santhavasmati tanhasanthavapi mittasanthavapi duvidhapi etasma santhava param uttarim annam papataram lamakataram nama natthiti attho. Yo santhavo kapurisenati yo papakena kapurisena saddhim duvidhopi esa santhavo tato papataram annam natthi. Kasma. Santappito adaddahiti yasma sappina ca payasena ca santappitopi ayam aggi maya kicchena katam pannasalam jhapesiti attho. So evam vatva na me mittadubbhina atthoti tam aggim udakena nibbapetva sakhahi pothetva antohimavantam pavisitva--------------------------------------------------------------------------------------------- page58.
Ekam samam nama migim sihassa ca byagghassa ca dipino ca mukham lehantim disva sappurisehi saddhim santhava param seyyo nama natthiti cintetva dutiyam gathamaha na santhavasma paramatthi seyyo yo santhavo sappurisena hoti, sihassa byagghassa ca dipino ca sama mukham lehati santhavenati. Tattha sama mukham lehati santhavenati sama nama migi imesam tinnam jananam santhavena sinehena mukham lehatiti. Evanca pana vatva bodhisatto antohimavantam pavisitva isipabbajjam pabbajitva abhinna ca samapattiyo ca nibbattetva jivitapariyosane brahmalokupago ahosi. Sattha imam dhammadesanam aharitva jatakam samodhanesi. Ahantena samayena tapaso ahosinti. Santhavajatakam dutiyam. ----------The Pali Atthakatha in Roman Book 37 page 56-58. http://84000.org/tipitaka/atthapali/rm_line.php?B=37&A=1109&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1109&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=173 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1136 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1120 The Pali Tipitaka in Roman Character :- http://84000.org/tipitaka/read/roman_read.php?B=27&A=1120 Contents of The Tipitaka Volume 27 http://84000.org/tipitaka/read/?index_27
       |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]