AtthaPali Vol.50

15. 3. Nandattherapadanavannana padumuttarassa bhagavatotiadikam ayasmato nandattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale hamsavatinagare ekasmim kule nibbattitva vinnutam patto bhagavato santike dhammam sunanto sattharam ekam bhikkhum indriyesu guttadvaranam aggatthane thapentam disva sayam tam thanantaram patthento @Footnote: ¹ cha.Ma. uttanatthamevati. Bhagavato bhikkhusamghassa ca pujasakkarabahulam mahadanam pavattetva "aham bhante anagate tumhadisassa buddhassa evarupo savako bhaveyyan"ti panidhanam akasi. So tato patthaya devamanussesu samsaranto atthadassissa bhagavato kale dhammataya ^1- nama nadiya mahanto kacchapo hutva nibbatto ekadivasam sattharam nadim taritum tire thitam disva sayam bhagavantam taretukamo satthu padamule nipajji. Sattha tassa ajjhasayam natva pitthim abhiruhi. So hatthatuttho vegena sotam chindanto sighataram paratiram papesi. Bhagava tassa anumodanam vadanto bhavinim sampattim kathetva pakkami. So tena punnakammena sugatisuyeva samsaranto imasmim buddhuppade kapilavatthusmim suddhodanamaharajassa aggamahesiya mahapajapatigotamiya kucchimhi nibbatto, tassa namaggahanadivase natisangham nandayanto jatoti "nando"tveva namam akamsu. Tassa vayappattakale bhagava pavattitavaradhammacakko lokanuggaham karonto anukkamena kapilavatthum gantva natisamagame pokkharavassam atthuppattim katva vessantarajatakam ^2- kathetva dutiyadivase pindaya pavittho "uttitthe nappamajjeyya"ti ^3- gathaya pitaram sotapattiphale patitthapetva nivesanam gantva "dhammancare sucaritan"ti ^4- gathaya mahapajapatim sotapattiphale rajanam sakadagamiphale patitthapetva tatiyadivase nandakumarassa abhisekagehapavesanaavaha- mangalesu vattamanesu pindaya pavisi. Sattha nandakumarassa hatthe pattam datva mangalam vatva tassa hatthato pattam aggahetvava viharam gato, tam pattahattham viharam agatam anicchamanamyeva pabbajetva tathapabbajitattayeva @Footnote: ¹ vinataya, thera.A. 1/426 ² khu.ja 28/1655-2440/308-385. @³ khu.dha. 25/168/47. ⁴ khu.dha. 25/169/47. Anabhiratiya pilitam natva upayena tassa tam anabhiratim vinodesi. So yoniso patisankhaya vipassanam patthapetva nacirasseva arahattam papuni. Thero puna divase bhagavantam upasankamitva evamaha "yam me bhante bhagava patibhogo pancannam accharasatanam patilabhaya kakutapadanam, muncamaham bhante bhagavantam etasma patissava"ti. Bhagavapi "yadeva te nanda anupadaya asavehi cittam vimuttam, tadaham mutto etasma patissava"ti aha. Athassa bhagava savisesam indriyesu guttadvaratam natva tam gunam vibhavento "etadaggam bhikkhave mama savakanam bhikkhunam indriyesu guttadvaranam yadidam nando"ti ^1- indriyesu guttadvarabhavena nam etadagge thapesi. Thero hi "indriyasamvaram nissaya imam vippakaram patto, tamaham sutthu nigganhissami"ti ussahajato balavahirottappo tattha ca katadhikaratta indriyasamvare ukkamsaparamim agamasi. [27] Evam so etadaggatthanam patva attano pubbakammam saritva somanassappatto pubbacaritapadanam ^2- pakasento padumuttarassa bhagavatotiadimaha. Vattham khomam maya dinnanti khomaratthe jatam vattham bhagavati cittappasadena garavabahumanena maya paramasukhumam khomavattham dinnanti attho. Sayambhussati sayameva bhutassa jatassa ariyaya jatiya nibbattassa. Mahesinoti mahante silasamadhipannavimuttivimuttinanadassanakkhandhe esi gavesiti mahesi, tassa mahesino sayambhussa civaratthaya khomavattham maya dinnanti sambandho. [28] Tamme buddho viyakasiti ettha tanti samyatthe upayogavacanam, tassa vatthadayakassa me danaphalam visesena akasi kathesi buddhoti attho. Jalajuttamanamakoti padumuttaranamako. "jalaruttamanayako"tipi patho. Tassa @Footnote: ¹ an. ekaka. 20/230/25. ² ka. buddhacaritapadanam. Jalamananam devabrahmanam uttamanayako padhanoti attho. Imina vatthadanenati imina vatthadanassa nissandena tavam anagate hemavanno suvannavanno bhavissasi. [29] Dve sampattim anubhotvati dibbamanussasankhata dve sampattiyo anubhavitva. Kusalamulehi coditoti kusalavayavehi kusalakotthasehi codito pesito, "tvam imina punnena satthu kulam pasavahi"ti ^1- pesito viyati attho. "gotamassa bhagavato kanittho tvam bhavissasi"ti byakasiti sambandho. [30] Ragaratto sukhasiloti kilesakamehi ratto allino kayasukhacitta- sukhanubhavanasabhavo. Kamesu gedhamayutoti vatthukamesu gedhasankhataya tanhaya ayuto yojitoti attho. Buddhena codito santo, tada ^2- tvanti yasma kamesu gedhito, tada ^3- tasma tvam attano bhatukena gotamabuddhena codito pabbajjaya uyyojito tassa santike pabbajissasiti sambandho. [31] Pabbajitvana tvam tatthati tasmim gotamassa bhagavato sasane tvam pabbajitva kusalamulena mulabhutena punnasambharena codito bhavanayam niyojito sabbasave sakalasave parinnaya janitva pajahitva anamayo niddukkho nibbayissasi adassanam papessasi, apannattikabhavam gamissasiti attho. [32] Satakappasahassamhiti ito kappato pubbe satakappadhike sahassame kappamhi celanamaka cattaro cakkavattirajano ahesunti attho. Satthi kappasahassaniti kappasahassani satthi ca atikkamitva hettha ekasmim kappe cattaro jana upacela nama cakkavattirajano catusu jatisu ahesunti attho. @Footnote: ¹ Ma.,i. pabhavahiti. ² pali. tato. ³ Si.,i. tato. [33] Pancakappasahassamhiti pancakappadhike sahassame kappamhi cela nama cattaro jana cakkavattirajano sattahi ratanehi sampanna samangibhuta jambudipaamaragoyana ^1- uttarakurupubbavidehadipasankhate catudipamhi issara padhana visum ahesunti attho. Sesam vuttanayamevati. Nandattherapadanavannana nitthita. -------------

The Pali Atthakatha in Roman Book 50 page 5-9. http://84000.org/tipitaka/atthapali/rm_line.php?B=50&A=102&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=102&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=15 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1265 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1677 The Pali Tipitaka in Roman Character :- http://84000.org/tipitaka/read/roman_read.php?B=32&A=1677 Contents of The Tipitaka Volume 32 http://84000.org/tipitaka/read/?index_32